ತೊಗರಿ ಪರಿಹಾರಕ್ಕಾಗಿ ರೈತರೊಂದಿಗೆ ಪ್ರತಿಭಟನೆ

ಕನ್ನಡಪ್ರಭ ವಾರ್ತೆ ವಿಜಯಪುರ

ನಗರದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಮೊದಲ ಹಂತದಲ್ಲಿ ಸೋಮವಾರ ಜಿಲ್ಲೆಯ ಮೂಲೆ ಮೂಲೆಯಿಂದ ಸುಮಾರು 600 ಟ್ರ್ಯಾಕ್ಟರ್‌ಗಳಲ್ಲಿ ಸುಮಾರು 20 ಸಾವಿರ ರೈತರ ಜೊತೆ ಸೇರಿ ತಾಳಿಕೋಟೆ ಪಟ್ಟಣದಲ್ಲಿ ಬೃಹತ್‌ ಹೋರಾಟ ಮಾಡಲಾಗುತ್ತದೆ. 2 ನೇ ಹಂತದಲ್ಲಿ ಮಂಗಳವಾರ ಜಿಲ್ಲಾಧಿಕಾರಿ, ಕೃಷಿ ಇಲಾಖೆ ಜಂಟಿ ನಿರ್ದೇಶಕರು ಹಾಗೂ ಸಂಬಂಧಿಸಿದ ಅಧಿಕಾರಿಗಳು ಮತ್ತು ಕಳಪೆ ಬೀಜ ವಿತರಿಸಿದ ಕಂಪನಿಗಳ ಮೇಲೆ ಕೇಸ್ ದಾಖಲಿಸಲಾಗುವುದು. ಅಂದು ತೊಗರಿ ಬೆಳೆದ ರೈತರೊಂದಿಗೆ ಸೇರಿ ಸಾಮೂಹಿಕವಾಗಿ ಪ್ರತಿ ಹಳ್ಳಿಯಿಂದ ಲೋಕಾಯುಕ್ತ ಕಚೇರಿಗೆ ಬಂದು ದೂರು ಕೊಡಲಿದ್ದೇವೆ. 3ನೇ ಹಂತದಲ್ಲಿ ಬುಧವಾರ ಎಸ್‌ಪಿ ಕಚೇರಿಗೆ ತೆರಳಿ ಡಿಸಿ, ಜೆಡಿ ಹಾಗೂ ಬೀಜ ವಿತರಿಸಿದ ಕಂಪನಿಗಳ ಮೇಲೆ ಕ್ರಿಮಿನಲ್‌ ಕೇಸ್ ತೆಗೆದುಕೊಳ್ಳುವಂತೆ ಆಗ್ರಹಿಸಿ ಪ್ರತಿಭಟನೆ ನಡೆಸಲಾಗುವುದು ಎಂದು ಹೇಳಿದರು.

ಸರ್ಕಾರದಿಂದಲೇ ಕಳಪೆ ಬೀಜ ವಿತರಿಸಿದ್ದಾರೆ. ಅದರ ಬಗ್ಗೆ ಸಮಗ್ರ ತನಿಖೆ ಆಗಬೇಕು. ತೊಗರಿ ಬೆಳೆಯ ಬಗ್ಗೆ ಲೋಕಾಯುಕ್ತರು ಸಹ ತನಿಖೆ ನಡೆಸುವಂತೆ ಸೂಚಿಸಿದ್ದಾರೆ. ಆಡಳಿತ ಪಕ್ಷದ ಶಾಸಕರೇ ಹೇಳುವಂತೆ ಸುಮಾರು 5 ಸಾವಿರ ಕೋಟಿಯಷ್ಟು ತೊಗರಿ ನಷ್ಟವಾಗಿದೆ. ಇದೆಲ್ಲವನ್ನೂ ಸರ್ವೆ ಮಾಡಿ ತನಿಖೆ ಮಾಡುವುವಷ್ಟರಲ್ಲಿ ಜಮೀನಿನಲ್ಲಿನ ಅಲ್ಪಸ್ವಲ್ಪ ಬೆಳೆ ಖಾಲಿಯಾಗುತ್ತದೆ. ಇನ್ನು ಬೆಳೆಯ ಬಗ್ಗೆ ಕೃಷಿ ವಿವಿಯಿಂದ ಸಮೀಕ್ಷೆ ನಡೆಸಿ ವರದಿ ಕೊಟ್ಟಿದಾರೆ. ವರದಿಯಲ್ಲಿ ತೇವಾಂಶದ ಕೊರತೆ ಆಗಿದೆ. ಮಂಜು ಬಿದ್ದು ಹಾಳಾಗಿದೆ, ರೈತರು ಸರಿಯಾಗಿ ತೊಗರಿ ಬಿತ್ತನೆ ಮಾಡಿಲ್ಲ ಎಂದು ಇದೆ. ಇದೆಲ್ಲ ಕುಂಟುನೆಪ ಹೇಳುತ್ತಿದ್ದು. ಲಕ್ಷಾಂತರ ರೈತ ಕುಟುಂಬಗಳು ಕಣ್ಣೀರಲ್ಲಿ ಕೈ ತೊಳೆಯುವಂತಾಗಿದೆ. ರೈತರ ಪರವಾಗಿ ನಾವಿದ್ದೇವೆ. ಹೋರಾಟ ಮಾಡುವುದಾಗಿ ಭರವಸೆ ನೀಡಿದರು.

ಸುದ್ದಿಗೋಷ್ಠಿಯಲ್ಲಿ ಮುಖಂಡರಾದ ಬಾಲರಾಜ ರೆಡ್ಡಿ, ರಾಜಶೇಖರ ಡೊಳ್ಳಿ, ಪಾಂಡು ಸಾಹುಕಾರ, ಡಿ.ಜಿ.ಬಿರಾದಾರ, ರೇಣುಕಾ ಪರಸಪ್ಪಗೋಳ, ವಿಜಯ ಜೋಶಿ ಉಪಸ್ಥಿತರಿದ್ದರು.---------ಕೋಟ್‌

- ಎ.ಎಸ್‌.ಪಾಟೀಲ ನಡಹಳ್ಳಿ, ಬಿಜೆಪಿ ರೈತ ಮೋರ್ಚಾ ರಾಜ್ಯಾಧ್ಯಕ್ಷ