ಚರ್ಚೆ ಬಳಿಕ ಜಿಲ್ಲಾ ವರದಿಗಾರರ ಕೂಟಕ್ಕೆ ಕೆಂಪು ಕಟ್ಟಡ: ಡಿಸಿ ಭರವಸೆ

- ಜಿಲ್ಲಾಧಿಕಾರಿ, ಪಾಲಿಕೆ ಆಯುಕ್ತರಿಗೆ ಮನವಿ ಸಲ್ಲಿಸಿದ ಜಿಲ್ಲಾ ವರದಿಗಾರರ ಕೂಟ

ದಾವಣಗೆರೆ ಜಿಲ್ಲಾ ವರದಿಗಾರರ ಕೂಟಕ್ಕೆ ಪಾಲಿಕೆ ಹಿಂಭಾಗದ ಕೆಂಪು ಕಟ್ಟಡವೆಂದೇ ಹೆಸರಾಗಿರುವ ಕಟ್ಟಡವನ್ನು ನೀಡುವಂತೆ ಜಿಲ್ಲಾಡಳಿತ ಭವನದಲ್ಲಿ ಗುರುವಾರ ಜಿಲ್ಲಾಧಿಕಾರಿ ಗಂಗಾಧರ ಸ್ವಾಮಿ, ಪಾಲಿಕೆ ಆಯುಕ್ತೆ ರೇಣುಕಾ ಅವರಿಗೆ ಕೂಟದಿಂದ ಮನವಿ ಅರ್ಪಿಸಲಾಯಿತು. ಈ ಸಂದರ್ಭ ಡಿಸಿ ಪ್ರತಿಕ್ರಿಯಿಸಿ, ಕಟ್ಟಡ ದುರಸ್ತಿಪಡಿಸಿ, ಪೇಂಟಿಂಗ್ ಬಳಿಕ ಚರ್ಚಿಸಿ ಕ್ರಮ ಕೈಗೊಳ್ಳುವ ಭರವಸೆ ನೀಡಿದರು.

ಅಧ್ಯಕ್ಷ ನಾಗರಾಜ ಬಡದಾಳ ಮಾತನಾಡಿ, ವರದಿಗಾರರ ಕೂಟಕ್ಕೆ ವ್ಯವಸ್ಥಿತ ಕಟ್ಟಡ, ಜಾಗಕ್ಕೆ ಹಿಂದೆ ಸಚಿವ ಎಸ್.ಎಸ್. ಮಲ್ಲಿಕಾರ್ಜುನ ಅವರಿಗೆ ಮನವಿ ಮಾಡಲಾಗಿತ್ತು. ಈಚೆಗೆ ಪಾಲಿಕೆ ಹಿಂಭಾಗದ ಕೆಂಪು ಕಟ್ಟಡ ನೀಡುವಂತೆ ಕೂಟದಿಂದ ಪುನಃ ಸಚಿವ ಎಸ್.ಎಸ್.ಮಲ್ಲಿಕಾರ್ಜುನ, ಹಿರಿಯ ಶಾಸಕ ಡಾ.ಶಾಮನೂರು ಶಿವಶಂಕರಪ್ಪ, ಸಂಸದೆ ಡಾ.ಪ್ರಭಾ ಮಲ್ಲಿಕಾರ್ಜುನ ಅವರಿಗೆ ಮನವಿ ಮಾಡಲಾಗಿತ್ತು. ಪಾಲಿಕೆ ಹಿಂಭಾಗದ ಕೆಂಪು ಕಟ್ಟಡಕ್ಕೆ ಸ್ವತಃ ಸಂಸದೆ ಡಾ.ಪ್ರಭಾ ಅವರು ಹಿಂದಿನ ಮೇಯರ್ ಕೆ.ಚಮನ್ ಸಾಬ್‌, ಸ್ಥಾಯಿ ಸಮಿತಿ ಅಧ್ಯಕ್ಷರು, ಸದಸ್ಯರ ಸಮೇತ ಭೇಟಿ, ವರದಿಗಾರರ ಕೂಟಕ್ಕೆ ಸ್ಥಳ ಸೂಕ್ತವಾಗಿರುವ ಬಗ್ಗೆ ಸಹಮತ ವ್ಯಕ್ತಪಡಿಸಿದ್ದರು ಎಂದು ತಿಳಿಸಿದರು.

ಅದೇ ರೀತಿ ದಾವಣಗೆರೆಯಲ್ಲೂ ಮಾದರಿ ಪ್ರೆಸ್ ಕ್ಲಬ್ ಮಾಡಬೇಕೆಂಬ ಆಲೋಚನೆ ಜಿಲ್ಲಾ ಉಸ್ತುವಾರಿ ಸಚಿವರಿಗೆ ಇದೆ. ಈ ವಿಚಾರ ಕೂಟದ ಹಿರಿಯ ಸದಸ್ಯರು ಸಹ ಗಮನಕ್ಕೆ ತಂದಿದ್ದಾರೆ. ಸಚಿವ ಮಲ್ಲಿಕಾರ್ಜುನ, ಶಾಸಕ ಡಾ.ಶಿವಶಂಕರಪ್ಪ, ಸಂಸದೆ ಡಾ.ಪ್ರಭಾ ಸಹ ವರದಿಗಾರರ ಕೂಟಕ್ಕೆ ಕಟ್ಟಡ, ಜಾಗ ನೀಡುವ ಬಗ್ಗೆ ಉತ್ಸುಕರಾಗಿದ್ದಾರೆ. ಪಾಲಿಕೆ ಹಿಂಭಾಗದ ಕಟ್ಟಡ ದುರಸ್ತಿಪಡಿಸಿ, ಪೇಂಟಿಂಗ್ ಮಾಡಿಸಿ, ವರದಿಗಾರರ ಕೂಟಕ್ಕೆ ನೀಡುವ ಬಗ್ಗೆ ಪ್ರಾದೇಶಿಕ ಆಯುಕ್ತರ ಜೊತೆಗೆ ಚರ್ಚಿಸಿ, ಕ್ರಮ ಕೈಗೊಳ್ಳುತ್ತೇವೆ ಎಂದರು.

ಮನವಿ ಸಲ್ಲಿಸುವ ವೇಳೆ ಖಜಾಂಚಿ ಈ.ಪವನಕುಮಾರ, ಪಿಆರ್‌ಒ ಪಿ.ಎಸ್.ಲೋಕೇಶ, ಕಾರ್ಯದರ್ಶಿಗಳಾದ ಬಿ.ಸಿಕಂದರ್, ಕೆ.ಎಸ್. ಚನ್ನಬಸಪ್ಪ (ಶಂಭು), ಸಂಘಟನಾ ಕಾರ್ಯದರ್ಶಿ ಆರ್.ರವಿಬಾಬು, ಐ.ಗುರುಶಾಂತಪ್ಪ, ಆರ್.ಎಸ್‌. ತಿಪ್ಪೇಸ್ವಾಮಿ, ಬಿ.ಜಿ. ಮಹಾದೇವ, ಎಚ್.ಟಿ. ರಮೇಶ, ಎನ್.ನಿಂಗರಾಜು, ವಸಂತಕುಮಾರ ಇತರರು ಇದ್ದರು.

-3ಕೆಡಿವಿಜಿ5, 6.ಜೆಪಿಜಿ: