ನಾಡು ನುಡಿ ಬಗ್ಗೆ ಗಮನಾರ್ಹ ಸಾಧನೆ: ರವಿ ದಳವಾಯಿ

ತಾ.ಕನ್ನಡ ಸಾಹಿತ್ಯ ಸಮ್ಮೇಳನಾಧ್ಯಕ್ಷ ಡಾ.ಎ.ಎಸ್.ಶಂಕರನಾರಾಯಣ ಅವರಿಗೆ ಅಧಿಕೃತ ಅಹ್ವಾನ

ಭದ್ರಾವತಿ ಆಕಾಶವಾಣಿ ಮೂಲಕ ಸುತ್ತಮುತ್ತಲಿನ ಎಲ್ಲ ಕಲಾ ಪ್ರಕಾರಗಳ ಕಲಾವಿದರನ್ನು ಗುರುತಿಸಿ, ಅವರ ಪ್ರತಿಭೆ ಬೆಳಕಿಗೆ ತಂದು ನಾಡು ನುಡಿಯ ಬಗ್ಗೆ ಗಮನಾರ್ಹ ಸಾಧನೆಯನ್ನು ಡಾ.ಎ.ಎಸ್.ಶಂಕರನಾರಾಯಣ ಮಾಡಿದ್ದಾರೆ ಎಂದು ತಾಲೂಕು ಕಸಾಪ ಅಧ್ಯಕ್ಷ ರವಿ ದಳವಾಯಿ ಅಭಿಪ್ರಾಯಪಟ್ಟದ್ದಾರೆ.ಭಾನುವಾರ ತಾ.ಕಸಾಪ ತರೀಕೆರೆ ತಾ. 19ನೇ ಕನ್ನಡ ಸಾಹಿತ್ಯ ಸಮ್ಮೇಳನಾಧ್ಯಕ್ಷರಾಗಿ ಸರ್ವಾನುಮತದಿಂದ ಆಯ್ಕೆಯಾಗಿರುವ ಬೆಂಗಳೂರು ಆಕಾಶವಾಣಿ ಕಾರ್ಯ ನಿರ್ವಾಹಕ ಡಾ.ಎ.ಎಸ್.ಶಂಕರನಾರಾಯಣ ಅವರ ತರೀಕೆರೆ ಪಟ್ಟಣದ ಸ್ವಗೃಹಕ್ಕೆ ಜಿಲ್ಲಾಧ್ಯಕ್ಷರು, ಕಸಾಪ ಪದಾದಿಕಾರಿಗಳು ತೆರಳಿ ಅಧಿಕೃತ ಆಹ್ವಾನ ನೀಡಿ ಮಾತನಾಡಿದರು.ಸಮ್ಮೇಳನದ ಸ್ವಾಗತ ಸಮಿತಿ ಅಧ್ಯಕ್ಷ, ಪುರಸಭೆ ಸದಸ್ಯ ಟಿ.ಜಿ.ಶಶಾಂಕ ಮಾತನಾಡಿ ಪಟ್ಟಣದಲ್ಲಿ ಈವರೆವಿಗೂ 18 ತಾಲೂಕು ಕನ್ನಡ ಸಾಹಿತ್ಯ ಸಮ್ಮೇಳನಗಳು ಯಶಸ್ವಿಯಾಗಿ ನಡೆದಿವೆ. ಮಾ.17ರಂದು ನೆರವೇರಲಿರುವ 19ನೇ ತಾಲೂಕು ಕನ್ನಡ ಸಾಹಿತ್ಯ ಸಮ್ಮೇಳನ ಅತ್ಯಂತ ಅರ್ಥಪೂರ್ಣವಾಗಿ ನೆರವೇರಲು ಎಲ್ಲರ ಸಹಕಾರದೊಂದಿದೆ ಸಕಲ ಸಿದ್ದತೆಗಳನ್ನು ನಿರ್ವಹಿಸಲಾಗುತ್ತಿದೆ ಎಂದು ತಿಳಿಸಿ ಸಮ್ಮೇಳನಾಧ್ಯಕ್ಷರಿಗೆ ಅಧಿಕೃತ ಆಹ್ವಾನ ಪತ್ರ ನೀಡಿದರು.ಹಿರಿಯ ಸಾಹಿತಿ ರಾಜಪ್ಪ ದಳವಾಯಿ ಮಾತನಾಡಿ ಆಕಾಶವಾಣಿ ಅತ್ಯಂತ ಮಹತ್ವಪೂರ್ಣ ಶ್ರವಣ ಮಾಧ್ಯಮ. ಅಂತಹ ಪ್ರಮುಖ ಸಂಸ್ಥೆಯಲ್ಲಿ ಡಾ.ಎ.ಎಸ್,.ಶಂಕರನಾರಾಯಣ ಅಪಾರ ಅನುಭವ ಗಳಿಸಿದ್ದು ಇಂತಹವರನ್ನು ಸಮ್ಮೇಳನಾಧ್ಯಕ್ಷರಾಗಿ ಆಯ್ಕೆ ಮಾಡಿರುವುದು ಸ್ವಾಗತಾರ್ಹ ಎಂದರು.

1ಕೆಟಿಆರ್.ಕೆ.1ಃ