ದೇಶದ ಜನರ ಧಾರ್ಮಿಕ ಹಕ್ಕಿನ ಮೇಲೆ ಸವಾರಿ: ಸಾಹಿತಿ ಆನಂದ್ ಮೂರ್ತಿ

ಕನ್ನಡಪ್ರಭ ವಾರ್ತೆ ತುಮಕೂರು

ಒಮ್ಮೆ ರಾಜ ಬಿಂದುಸಾರನು ಬುದ್ಧನಿಗೆ, ನನಗೆ ದೇಶದ ಪ್ರಜೆಗಳನ್ನು ನಿಭಾಯಿಸಲು ಸಾಧ್ಯವಾಗುತ್ತಿಲ್ಲ, ನೀನೊಬ್ಬ ಸಂತನಾಗಿ ಸಾವಿರಾರು ಶಿಷ್ಯರನ್ನು ಹೇಗೆ ನಿಭಾಯಿಸುತ್ತಿಯಾ? ಎಂದು ಕೇಳಿದಾಗ, ಬುದ್ಧನು ಯಜ್ಞ-ಯಾಗಾದಿಗಳನ್ನು ಮಾಡುವುದನ್ನು ನಿಲ್ಲಿಸಿ, ಇವುಗಳಿಂದ ಏನೂ ನೆರವೇರುವುದಿಲ್ಲ, ರೈತನಿಗೆ ಸಕಾಲದಲ್ಲಿ ಬಿತ್ತುವ ಬೀಜಗಳನ್ನು ಒದಗಿಸು, ಕುಶಲ ಕರ್ಮಿಗಳಿಗೆ ಕೆಲಸ ಕೊಡು, ಆಗ ಅವರೆಲ್ಲಾ ತಮ್ಮ ತಮ್ಮ ಕೆಲಸಗಳಲ್ಲಿ ಮಗ್ನರಾಗುತ್ತಾರೆ, ಇದರಿಂದ ಸಕಾಲದಲ್ಲಿ ತೆರಿಗೆ ಪಾವತಿಸುವುದರಿಂದ ರಾಜ್ಯ ಸುಭಿಕ್ಷವಾಗುತ್ತದೆ ಎಂದು ಹೇಳಿದರು.

ಬೌದ್ಧಧರ್ಮ ಎಂಬುದು ಒಂದು ದೊಡ್ಡ ಸಾಗರವಿದ್ದಂತೆ. ಅದರ ಬಗ್ಗೆ ನನಗೆ ಗೊತ್ತಿರುವುದು ಕಣ ಮಾತ್ರ ಎಂದು ಶಂಕರಪ್ಪನವರು ಹೇಳುತ್ತಿದ್ದರು, ಬುದ್ಧಗುರುಗಳೇ ಹಾಗೆ ಹೇಳಿದ ಮೇಲೆ ನಾವೆಲ್ಲಾ ಕಣದೊಳಗಿನ ಅಣು ಮಾತ್ರ ಎಂದು ಹೇಳಿದರು.

ಡಾ.ಎಚ್.ವಿ.ರಂಗಸ್ವಾಮಿಯವರು ಬೌದ್ಧಧರ್ಮದ ಪಂಚಶೀಲಗಳನ್ನು ವಿವರಿಸಿದರು, ಜಿಲ್ಲಾ ಲೇಖಕಿಯರ ಸಂಘದ ಅಧ್ಯಕ್ಷೆ ಮಲ್ಲಿಕಾ ಬಸವರಾಜು, ಕೆ.ಎಂ.ಶಂಕರಪ್ಪನವರ ಮಗಳು ಕೆ.ಎಸ್.ಸ್ನೇಹಲತಾ ಮಾತನಾಡಿದರು.

ಸಾಹಿತಿ ಗುರುಪ್ರಸಾದ್‌ ಕಂಟಲಗೆರೆ ನಿರೂಪಿಸಿದರು, ಬೋಧಿಮಂಡಲದ ನಟರಾಜಪ್ಪ ಸ್ವಾಗತಿಸಿ, ವಂದಿಸಿದರು.