ಕನ್ನಡಪ್ರಭ ವಾರ್ತೆ ನಾಪೋಕ್ಲು

ಇಲ್ಲಿಗೆ ಸಮೀಪದ ಬೊಮ್ಮಂಜಿಕೇರಿಯಲ್ಲಿ ಸೋಮವಾರ ರಾತ್ರಿ ರಸ್ತೆಗೆ ಮರ ಬಿದ್ದು ರಸ್ತೆ ಸಂಪರ್ಕ ಸ್ಥಗಿತಗೊಂಡು ಸಮಸ್ಯೆ ಎದುರಾಗಿದೆ.

ಈಸ್ಟ್ ಕೊಳಕೇರಿ ಬೊಮ್ಮಂಜಿಕೇರಿ ಯ ಮಾನಿವಾಡೆ ಮಂದಿನ ಐತಿಹಾಸಿಕ ಮಂದ್ ಮರ ಬುಡ ಸಮೇತ ಬಿದ್ದು ಸಮಸ್ಯೆ ಎದುರಾಗಿದೆ. ಈ ಮರವು ನೂರಾರು ವರ್ಷ ಹಳೆಯ ಅತಿ ದೊಡ್ಡ ಮಂದ್ ಮರವಾಗಿತ್ತು. ಮರ ಬಿದ್ದ ರಭಸಕ್ಕೆ ವಿದ್ಯುತ್ ಕಂಬ ಮುರಿದು ಬಿದ್ದು ಸುತ್ತಮುತ್ತಲಿನ ಮನೆಗಳಿಗೆ ವಿದ್ಯುತ್ ಸಂಪರ್ಕ ಕಡಿತ ಗೊಂಡಿದ್ದಲ್ಲದೆ ಬೊಮ್ಮಂಜಿಕೇರಿ-ಕೋಟೇರಿ ರಸ್ತೆ ಸಂಪರ್ಕ ಕಡಿತ ಗೊಂಡಿದ್ದು ವಾಹನ ಸಂಚಾರಕ್ಕೆ ಅಡಚಣೆ ಉಂಟಾಗಿದೆ.