ಹಣಕ್ಕಾಗಿ ಪರಿಚಿತ ಎಂಜಿನಿಯರ್‌ನಅಪಹರಿಸಿದ್ದ ರೌಡಿ ಸೇರಿ ಇಬ್ಬರ ಸೆರೆ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಕೆಲ ದಿನಗಳ ಹಿಂದೆ ಸಿವಿಲ್‌ ಎಂಜಿನಿಯರ್‌ ಎಸ್‌.ಡಿ ಭರತ್‌ ಕುಮಾರ್‌ ಅವರನ್ನು ಕಾರಿನಲ್ಲಿ ಅಪಹರಿಸಿ ರೌಡಿ ಗ್ಯಾಂಗ್ ಸುಲಿಗೆ ಮಾಡಿತ್ತು. ಈ ಕೃತ್ಯದಲ್ಲಿ ತುಮಕೂರು ಜಿಲ್ಲೆ ಗುಬ್ಬಿ ತಾಲೂಕಿನ ಖಾಸಗಿ ಶಾಲೆಯ ಶಿಕ್ಷಕ ದೇವೇಂದ್ರ ನಾಯಕ್‌ ವಿಚಾರಣೆಗೆ ಹಾಜರಾಗುವಂತೆ ಪೊಲೀಸರು ನೋಟಿಸ್ ಜಾರಿಗೊಳಿಸಿದ್ದಾರೆ. ತಲೆಮರೆಸಿಕೊಂಡಿರುವ ಮತ್ತಿಬ್ಬರು ಆರೋಪಿಗಳ ಪತ್ತೆಗೆ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಈ ಪ್ರಕರಣದ ತನಿಖೆ ನಡೆದಿರುವುದಾಗಲೇ ದೇವೇಂದ್ರ ನಾಯಕ್‌, ‘ನಿನ್ನ ನಂಬಿ ಶರತ್‌ಗೆ ಕೊಟ್ಟಿರುವ ₹2.5 ಕೋಟಿ ಹಣವನ್ನು ಕೊಡಿಸುವಂತೆ ಭರತ್‌ಗೆ ಬೆದರಿಕೆ ಹಾಕಿದ್ದ. ಈ ಸಂಬಂಧ ಮಾತುಕತೆಗೆ ಸೆ.11ರಂದು ಕರಿಯಣ್ಣ ಪಾಳ್ಯಕ್ಕೆ ಕರೆಸಿಕೊಂಡು ಭರತ್‌ನನ್ನು ರೌಡಿ ಮುತ್ತುರಾಜ್ ಹಾಗೂ ಆತನ ಸಹಚರರ ಮೂಲಕ ನಾಯಕ್ ಅಪಹರಿಸಿದ್ದ. ತರುವಾಯ ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು ಭರತ್‌ಗೆ ಬೆದರಿಸಿ ಹಣ ಸುಲಿಗೆ ಮಾಡಿ ರೌಡಿ ಗ್ಯಾಂಗ್ ಬಿಟ್ಟು ಕಳುಹಿಸಿತ್ತು.