ಆರ್‌ಎಸ್‌ಎಸ್‌ ಚಟುವಟಿಕೆಗಳು ಮತ್ತಷ್ಟು ವಿಸ್ತರಿಸಬೇಕು

- ಹೊನ್ನಾಳಿಯಲ್ಲಿ ದಕ್ಷಿಣ ಪ್ರಾಂತ ಕಾರ್ಯಕಾರಿ ಸದಸ್ಯ ಕಲ್ಲಡ್ಕ ಪ್ರಭಾಕರ ಭಟ್

ಸಂಘದ ಶತಮಾನೋತ್ಸವ ಸಂದರ್ಭದಲ್ಲಿ ದೇಶವ್ಯಾಪಿ ಸಂಘದ ಕಾರ್ಯ ಚಟುವಟಿಕೆಗಳು ಮತ್ತಷ್ಟು ವಿಸ್ತಾರ ಆಗಬೇಕು ಎಂದು ಆರ್‌ಎಸ್‍ಎಸ್‍ ದಕ್ಷಿಣ ಪ್ರಾಂತ ಕಾರ್ಯಕಾರಿ ಸದಸ್ಯ ಕಲ್ಲಡ್ಕ ಪ್ರಭಾಕರ ಭಟ್ ಹೇಳಿದರು.

ತಾಲೂಕು ಸಂಘಚಾಲಕ ಜಿತೇಂದ್ರ ಬಿಸಾಟಿ ಇದ್ದರು. ಆರ್‌ಎಸ್‍ಎಸ್‍ ಜಿಲ್ಲಾ ಕಾರ್ಯವಾಹ ಮಾರುತಿ, ಸ್ವಯಂಸೇವಕರಾದ ಅರುಣ್‍ಕುಮಾರ್, ಶ್ರೀನಿವಾಸ, ವಾದಿರಾಜ ಕಮರೂರು, ಗುರುಶಂಕರ, ಭರತ್ ಸತ್ತಿಗಿ, ಸಂತೋಷ್, ಶ್ರೀನಿವಾಸ್ ಕಮ್ಮಾರಗಟ್ಟೆ, ಬಸವನಗೌಡ, ಮೊದಲಾದವರಿದ್ದರು.

ಹೊನ್ನಾಳಿ ಪಟ್ಟಣದಲ್ಲಿ ಗಣವೇಷಧಾರಿ ಸ್ವಯಂ ಸೇವಕರ ಪಥ ಸಂಚಲನ ಆರಂಭ ಆಗುತ್ತಿದ್ದಂತೆ ಮಳೆಯೂ ಶುರುವಾಯಿತು. ಸುರಿಯುವ ಮಳೆ, ಗುಡುಗು- ಸಿಡಿಲಿನ ಅಬ್ಬರದಲ್ಲೇ ಸ್ವಯಂಸೇವಕರು ಹೆಜ್ಜೆ ಹಾಕಿದರು. ಮಾಜಿ ಸಚಿವ ರೇಣುಕಾಚಾರ್ಯ, ಬಿಜೆಪಿ ಮುಖಂಡ ಎ.ಬಿ. ಹನುಮಂತಪ್ಪ, ಯಕ್ಕನಹಳ್ಳಿ ಜಗದೀಶ, ಶಿವಾನಂದ, ಕೆ.ವಿ. ಚನ್ನಪ್ಪ, ಎಂ.ಆರ್.ಮಹೇಶ್ ಮೊದಲಾದವರು ಪಥಸಂಚಲನದಲ್ಲಿ ಭಾಗವಹಿಸಿದ್ದರು.

ಹೊನ್ನಾಳಿ ಪಟ್ಟಣದ ಪ್ರಮುಖ ರಸ್ತೆಗಳಲ್ಲಿ ಮಳೆ ಆರ್ಭಟದಲ್ಲೇ ಸ್ವಯಂ ಸೇವಕರು ಪಥಸಂಚಲನ ನಡೆಸಿದರು.