ಮುಳ್ಳಯ್ಯನಗಿರಿ ವೀಕ್ಷಣೆ ಅವಧಿಗೆ ನಿಯಮ ಜಾರಿ

ಬೇಸಿಗೆಯಲ್ಲಿ ಚಿಕ್ಕಮಗಳೂರು ಪ್ರಸಿದ್ಧ ತಾಣಗಳಿಗೆ ಪ್ರವಾಸಿಗರ ಸಂಖ್ಯೆ ಹೆಚ್ಚಳ।

ಪ್ರವಾಸಿಗರ ನೆಚ್ಚಿನ ತಾಣವಾದ ಕಾಫಿನಾಡು ಚಿಕ್ಕಮಗಳೂರಿನ ಪ್ರಸಿದ್ಧ ಚಂದ್ರದ್ರೋಣ ಪರ್ವತದ ಸಾಲಿನ ರಾಜ್ಯದ ಅತಿ ಎತ್ತರದಲ್ಲಿರುವ ಮುಳ್ಳಯ್ಯನಗಿರಿ ವೀಕ್ಷಣೆಗೆ ಕೇವಲ 3 ಗಂಟೆ ಅವಧಿ ಮಾತ್ರ ನೀಡಿ ನಿಯಮ ಮರು ಜಾರಿಗೆ ಜಿಲ್ಲಾಡಳಿತ ಮತ್ತು ಪ್ರವಾಸೋದ್ಯಮ ಇಲಾಖೆ ಮುಂದಾಗಿದೆ.

ಈ ನಿಟ್ಟಿನಲ್ಲಿ ಇದೀಗ ಮುಳ್ಳಯ್ಯನ ಗಿರಿಗೆ ಭೇಟಿ ನೀಡುವ ಪ್ರವಾಸಿಗರಿಗೆ ಗರಿಷ್ಠ 3 ಗಂಟೆ ಅವಧಿ ನಿಗದಿ ಪಡಿಸಿದೆ. ಈ ಹಿಂದೆಯೇ ಈ ನಿಯಮ ಇದ್ದರೂ ಜಾರಿಯಾಗಿರಲಿಲ್ಲ. ಇದೀಗ ಕಟ್ಟಿನಿಟ್ಟಾಗಿ ಜಾರಿಗೊಳಿಸುವುದಕ್ಕೆ ನಿರ್ಧರಿಸಿದೆ. ಅಷ್ಟೇ ಅಲ್ಲದೇ, ಗಿರಿಗೆ ಪ್ರವಾಸ ವೇಳೆ ಧೂಮಪಾನ, ಮಧ್ಯಪಾನ, ಮಾದಕ ಪದಾರ್ಥ ಕೊಂಡೊಯ್ಯುವುದು ಮತ್ತು ಸೇವಿಸುವುದು. ಜತೆಗೆ ಪ್ಲಾಸ್ಟಿಕ್‌ ಬಳಕೆ ನಿಷೇಧಿಸಲಾಗಿದೆ. ಕಸವನ್ನು ನಿಗದಿ ಪಡಿಸಿದ ಕಸದ ಬುಟ್ಟಿಗಳಿಗೆ ಹಾಕಬೇಕು.

---ಬಾಕ್ಸ್‌---

ಚಂದ್ರದ್ರೋಣ ಪರ್ವತ ಸಾಲಿನ ಪ್ರವಾಸಿ ತಾಣಗಳನ್ನು ವೀಕ್ಷಣೆಗೆ ಪ್ರವಾಸಿ ತಾಣಗಳಿಗೆ ತೆರಳುವುದಕ್ಕೆ ಕಡ್ಡಾಯವಾಗಿ ಆನ್‌ಲೈನ್‌ ಬುಕ್ಕಿಂಗ್‌ ಮಾಡಿಕೊಳ್ಳಬೇಕು. ಬುಕ್ಕಿಂಗ್‌ ಇಲ್ಲವಾದರೆ, ಪ್ರವೇಶಕ್ಕೆ ಅವಕಾಶ ನೀಡುವುದಿಲ್ಲ. ಬೆಳಗ್ಗೆ ಮತ್ತು ಮಧ್ಯಾಹ್ನ ಎರಡು ಅವಧಿಗೆ ಪ್ರವೇಶಕ್ಕೆ ಅವಕಾಶ ನೀಡಲಾಗಿದೆ. ಬೈಕ್‌ ಮತ್ತು ಆಟೋಗೆ ₹50, ಕಾರು, ಚೀಪ್‌ಗೆ ₹100 ಕ್ಯಾಂಪರ್‌, ತೂಫಾನ್‌ ₹150, ಟೆಂಪೋಗೆ ₹200, ಸ್ಥಳೀಯ ಹಳದಿ ಬಣ್ಣದ ಟ್ಯಾಕ್ಸಿಗೆ ₹100 ದರ ನಿಗದಿ ಪಡಿಸಲಾಗಿದೆ.

ಇತರೆ ಕಡೆಯೂ ನಿಯಮ ಜಾರಿ

ಅದೇ ರೀತಿ ಝರಿ, ಜಲಪಾತಕ್ಕೆ ಕಾಲ್ನಡಿಗೆಯಲ್ಲಿ ತೆರಳಬಹುದಾಗಿದೆ. ಚೀಪ್‌ನಲ್ಲಿ ತೆರಳುವುದಕ್ಕೆ₹800 ದರ ನಿಗದಿ ಪಡಿಸಲಾಗಿದೆ ಎಂದು ಪ್ರವಾಸೋದ್ಯಮ ಇಲಾಖೆ ಅಳವಡಿಕೆಗೆ ಮುಂದಾಗಿರುವ ಫಲಕದಲ್ಲಿ ಸೂಚಿಸಲಾಗಿದೆ.

ಪ್ರವಾಸಿಗರಿಗೆ ಅರಿವು ಮೂಡಿಸುವುದಕ್ಕಾಗಿ ಈ ಹಿಂದೆ ಜಾರಿಯಲ್ಲಿ ಇರುವ ನಿಯಮಗಳನ್ನು ಫಲಕದಲ್ಲಿ ಹಾಕಲಾಗಿದೆ, ಹೊಸದಾಗಿ ಯಾವುದೇ ನಿಯಮ ಹಾಕಿಲ್ಲ.

ಫೋಟೋ: ಮುಳ್ಳಯ್ಯನ ಗಿರಿಯ ಒಂದು ಫೋಟೋ ಸಹ ಬಳಸಿ