ನಿಜ ಸ್ವರೂಪ ತಿಳಿದುಕೊಂಡವನೇ ಸದ್ಗುರು: ಶಿವಕುಮಾರ ಶ್ರೀ

ಬೀದರ್: ಆರೋಗ್ಯ, ಐಶ್ವರ್ಯ, ಆನಂದ ಸಿಗಬೇಕಾದರೆ ಪರಮಾತ್ಮನ ಕೃಪೆ ಬೇಕು ಪ್ರತಿಯೊಬ್ಬ ಮನುಷ್ಯ ಆರೋಗ್ಯ, ಐಶ್ವರ್ಯ, ಆನಂದ ಈ ಮೂರನ್ನು ಅಪೇಕ್ಷಿಸುತ್ತಾನೆ. ಇವು ಸಿಗಬೇಕಾದರೆ ಪರಮಾತ್ಮನ ಕೃಪೆಬೇಕು ಎಂದು ಸಿದ್ಧಾರೂಢ ಮಠದ ಪೂಜ್ಯ ಡಾ.ಶಿವಕುಮಾರ ಸ್ವಾಮಿಗಳು ತಿಳಿಸಿದರು.

ಕರ್ನಾಟಕ ಸೇರಿದಂತೆ ಮಹಾರಾಷ್ಟ್ರ, ತೆಲಂಗಾಣ, ಗೋವಾ, ಮಧ್ಯಪ್ರದೇಶ ಸೇರಿದಂತೆ ವಿವಿಧ ಭಾಗದ ಸದ್ಭಕ್ತರು ಆಗಮಿಸಿ ಗೌರವ ಸಮರ್ಪಿಸಿದರು.

ಯಾರ ಹೃದಯ ಕಠೋರವಿದೆ ಅಂತಹವರ ಮೇಲೆ ಗುರುಕೃಪಿಯಾಗುವುದಿಲ್ಲ. ನಾನು ಯಾರು? ನನ್ನ ಸ್ವರೂಪವೇನು? ಎಂಬುದು ತಿಳಿಸಿಕೊಡುವವನೇ ಸದ್ಗುರು. ನರನನ್ನು ಹರನನ್ನಾಗಿ ಮಾಡುವವನೆ ಗುರು. ಗುರುವಿನಲ್ಲಿ ದಯಾಗುಣ ಇರಬೇಕು. ದುಃಖಿಗಳನ್ನು ಕಂಡರೆ ಕರುಣೆ ಹುಟ್ಟಬೇಕು. ಸಿದ್ಧಾರೂಢರು ವಿಷ ಕೊಟ್ಟವರಿಗೂ ಕ್ಷಮೆ ಮಾಡಿದರು ಅಂತೆಯೆ ವಿಶ್ವವಿಖ್ಯಾತಿ ಪಡೆದರು ಎಂದರು.

ಕೂಡಲ ಸಂಗಮದ ಡಾ.ಗಂಗಾಮಾತಾ ಮಾತನಾಡಿ, ಡಾ.ಶಿವಕುಮರ ಶ್ರೀಗಳು ಬೀದರ್‌ ನೆಲದಲ್ಲಿ ತನ್ನ ಪಾಡಿಗೆ ತಾವು ಕೆಲಸ ಮಾಡುತ್ತಾ ಈ ನಾಡನ್ನು ಧರ್ಮಕ್ಷೇತ್ರ, ಶಿಕ್ಷಣಕ್ಷೇತ್ರ, ಪುಣ್ಯಕ್ಷೇತ್ರವನ್ನಾಗಿ ಮಾಡಿದ್ದಾರೆ. ಅವರ ಪಾದಸ್ಪರ್ಷದಿಂದ ಬೀದರ್‌ ಪಾವನವಾಯಿತು. ಶ್ರದ್ಧೆ, ನಿಷ್ಠೆ, ಗುರುಭಕ್ತಿ, ಶರಣಾಗತಿ ಭಾವ ಇದ್ದವರು ಸಾಧನೆಯ ಮಾರ್ಗದಲ್ಲಿ ಅತಿ ಬೇಗ ಉನ್ನತ ಮಟ್ಟಕ್ಕೆ ತಲುಪಲು ಸಾಧ್ಯ. ಅದಕ್ಕೆ ಶಿವಕುಮಾರ ಶ್ರೀಗಳು ನಿರ್ದಶನ. ತಮ್ಮ ವಿದ್ವತ್ತಿನಿಂದ ಇಲ್ಲಿ ಜ್ಞಾನ ಸಾಮ್ರಾಜ್ಯವನ್ನೆ ಕಟ್ಟಿದ್ದಾರೆ ಎಂದರು.

ಶಂಕರಾನಂದ ಸ್ವಾಮಿ ಮಾತನಾಡಿ, ನಾಡಿನ ಸಕಲ ಸದ್ಭಕ್ತರ ಸದಿಚ್ಛೆಯಂತೆ ಕಾರ್ಯಕ್ರಮ ಸಂಪನ್ನಗೊಂಡಿತ್ತು. ಶ್ರೀಗಳ ಸಂಕಲ್ಪ ಮಾಡಿದಂತೆ ಅದರ ಸಿದ್ಧತಿಗಾಗಿಯೂ ಹಗಲಿರುಳೆನ್ನದೆ ಊರುರೂ ಸಂಚಾರ ಮಾಡಿದರು. ಅದಕ್ಕೆ ಭಕ್ತರು ಸಹಕಾರವೂ ನೀಡಿದರು. ಅಂತೆಯೇ ಕಾರ್ಯಕ್ರಮ ಯಶಸ್ಸು ಕಂಡಿದೆ ಎಂದರು.

ನಿಜಗುಣದೇವರು, ಪ್ರಣವಾನಂದ ಸ್ವಾಮಿ, ಓಡಿಸಿದ್ದ ಸ್ವಾಮೀ,, ಮಾತಾ ಲಕ್ಷ್ಮಿದೇವಿ, ಸಹಜಾನಂದ ಸ್ವಾಮೀ, ಶಂಕರಾನಂದ ಸ್ವಾಮೀ, ಚಿದಂಬರ ಶಿಕ್ಷಣ ಸಂಸ್ಥೆಯ ಆಡಳಿತ ಮಂಡಳಿಯ ಸದಸ್ಯರಾದ ಬಿ.ಜಿ. ಶಟಕಾರ, ಬಸವರಾಜ ಜಾಬಶೆಟ್ಟಿ, ಮಡಿವಾಳಪ್ಪ ಗಂಗ್‌ಶೆಟ್ಟಿ, ಶಿವಶರಣಪ್ಪ ಸಾವಳಗಿ, ಸುಭಾಷ ಉಪ್ಪೆ, ಭಾರತಿಬಾಯಿ ಕಣಜಿ, ಉದಯಭಾನು ಹಲವಾಯಿ, ಈಶ್ವರಗೌಡ ಕಮಡಳ್ಳಿ, ಆಡಳಿತಾಧಿಕಾರಿ ಡಾ.ಹಾವಗಿರಾವ ಮೈಲಾರೆ, ಸಹಜಾನಂದ ಕಂದಗೂಳ್, ಪ್ರಭು ಬೆಣ್ಣೆ, ವಿರೂಪಾಕ್ಷ ಗಾದಗಿ, ಲಕ್ಷ್ಮಣ ಪೂಜಾರಿ, ಶಿವಶರಣಪ್ಪ ಹೊಸಮನಿ, ಬಸವರಾಜ ಮ್ಯಾಗೆರಿ, ನಾಗಪ್ಪ ಜಾನಕನೊರ್, ಶ್ರೀನಾಥ ಮಸ್ಕಲೆ, ಅನೇಕರು ಉಪಸ್ಥಿತರಿದ್ದರು.