ನೀಲಿ ಬಾನಲ್ಲಿ ಸಾರಂಗ್ ಹೆಲಿಕಾಪ್ಟರ್ ಗಳ ಹಾರಾಟ..!

ಬಿ.ಶೇಖರ್‌ ಗೋಪಿನಾಥಂ

ಸಾಂಸ್ಕೃತಿಕ ನಗರಿ ಮೈಸೂರಿನ ನೀಲಿ ಬಾನಲ್ಲಿ ಸಾರಂಗ್ ಹೆಲಿಕಾಪ್ಟರ್ ಗಳ ಹಾರಾಟವು ನೆರೆದಿದ್ದ ಸಾವಿರಾರು ಜನರ ಮೈಮನವನ್ನು ರೋಮಾಂಚನಗೊಳಿಸಿತು.

ಕೆಂಪು, ಬಿಳಿ ಬಣ್ಣದ ಮಧ್ಯೆ ನವಿಲಿನ (ಸಾರಂಗ್) ಚಿತ್ರಣ ಹೊಂದಿದ್ದ 5 ಹೆಲಿಕಾಪ್ಟರ್ ಗಳು ಸಾಲಾಗಿ ಬಿಳಿ ಹೊಗೆ ಸೂಸುತ್ತಾ ಮೈದಾನದತ್ತ ಆಗಮಿಸಿದವು. ಕಿವಿಗಿ ಗಿಜುಗೂಡುವ ಸಂಗೀತದ ನಡುವೆಯೂ ನೆರೆದಿದ್ದ 10 ಸಾವಿರಕ್ಕೂ ಹೆಚ್ಚಿನ ಜನ ಶಿಳ್ಳೆ, ಚಪ್ಪಾಳೆಯೊಂದಿಗೆ ಸ್ವಾಗತಿಸಿದರು.

ಉಲ್ಟಾ ಮಾದರಿಯಲ್ಲಿ 4 ಹೆಲಿಕಾಪ್ಟರ್ ಸಾಗುತ್ತಿದ್ದಂತೆ 1 ಹೆಲಿಕಾಪ್ಟರ್ ಮಾತ್ರ ಕೆಂಪು ಹೊಗೆಯೊಂದಿಗೆ ಮಧ್ಯೆ ಬರುವ ಮೂಲಕ ರಂಜಿಸಿತು. ಇನ್ನೂ ಹೆಲಿಕಾಪ್ಟರ್ ಗಳ ಸಮೀಪದ ಫಾರ್ಮೇಶನ್ ಹಾರಾಟಗಳು, ಉಸಿರು ಬಿಗಿಸುವ ಸಾಹಸಗಳು ನೆರೆದಿದ್ದ ಪ್ರೇಕ್ಷಕರನ್ನು ಕೆಲವು ಕ್ಷಣ ಮೈ ರೋಮಾಂಚನಗೊಳಿಸಿತು.

ಸಾರಂಗ್ ತಂಡದ ಅಧಿಕಾರಿ ಪಲ್ಲವಿ ಸಂಗವನ್ ಅವರು, ಕನ್ನಡ, ಇಂಗ್ಲಿಷ್ ಮತ್ತು ಹಿಂದಿ ನಿರೂಪಣೆಯು ಮೈದಾನದಲ್ಲಿ ನೆರೆದಿದ್ದವರ ಗಮನ ಸೆಳೆಯಿತು.ಪಟಾಕಿ ಸಿಡಿಸಿ ಹಕ್ಕಿಗಳನ್ನು ಓಡಿಸಿದರು

ಏರ್ ಶೋ ಎಂದ ಕೂಡಲೇ ವಿಮಾನಗಳು ಹಾರಾಡುವುದನ್ನು ನೋಡಲು ಬಂದಿದ್ದ ಜನಕ್ಕೆ ನಿರಾಶೆ ಉಂಟಾಯಿತು. ಹೆಲಿಕಾಪ್ಟರ್ ಗಳ ಹಾರಾಟವನ್ನು ಮಾತ್ರ ಕಣ್ಣು ತುಂಬಿಕೊಂಡರು.ನಾಳೆ, ಅ.1 ರಂದು ವೈಮಾನಿಕ ಪ್ರದರ್ಶನ

ಸೆ.27 ರಂದು ಭಾರತೀಯ ವಾಯುಪಡೆಯ ಸಾರಂಗ್ ಹೆಲಿಕಾಪ್ಟರ್‌ ಡಿಸ್ ಪ್ಲೇ ತಂಡವು 5 ಹೆಲಿಕಾಪ್ಟರ್ ಗಳು ಪ್ರದರ್ಶನ ನೀಡಲಿದೆ. ಹಾಗೆಯೇ, ಅ.1 ರಂದು ಭಾರತೀಯ ವಾಯುಪಡೆಯ ಸೂರ್ಯಕಿರಣ್ ಏರೋಬ್ಯಾಟಿಕ್ ತಂಡದ 9 ಪೈಲಟ್ ಗಳು 9 ವಿಮಾನಗಳಲ್ಲಿ ವೈಮಾನಿಕ ಪ್ರದರ್ಶನ ನೀಡಲಿದ್ದಾರೆ.ಸಾರಂಗ್ ಡಿಸ್ ಪ್ಲೇ ತಂಡದಿಂದ ರಿಹರ್ಸಲ್ ಮಾಡಲಾಗಿದ್ದು, ಹೃದಯ ಆಕೃತಿ, ಡಾಲ್ಫಿನ್‌ಲೀಫ್‌, ಡೈಮಂಡ್‌, ವೈನ್‌ಗ್ಲಾಸ್‌, ಲೆವೆಲ್‌ಕ್ರಾಸ್‌, ಗ್ರಾಂಡ್‌ಫಿನಾಲ್‌, ಏರೊ ಹೆಡ್‌, ಕ್ರಾಸ್‌ಒವರ್‌ಬ್ರೇಕ್‌ಪ್ರದರ್ಶಿಸಲಾಗಿದೆ. ಸೆ.27ಕ್ಕೆ ಏರ್ ಶೋ ನಡೆಯಲಿದೆ. ಯುವ ಸಮೂಹವು ಏರ್‌ಫೋರ್ಸಿಗೆ ಸೇರಲು ಉತ್ತೇಜಿಸುವ ಉದ್ದೇಶ ಹೊಂದಿದ್ದು, ಹೆಚ್ಚಿನ ಸಂಖ್ಯೆಯಲ್ಲಿ ವಿದ್ಯಾರ್ಥಿಗಳು ಭಾಗವಹಿಸಿ, ವೈಮಾನಿಕ ಪ್ರದರ್ಶನ ನೋಡಿ ರೋಮಾಂಚನಗೊಳ್ಳಿ.