ವಿಚಾರ ಸಂಕಿರಣ ಯಕ್ಷಗಾನದಲ್ಲಿ ಆಚರಣೆಗೆ ಬರಲಿ: ಬಳ್ಕೂರು ಕೃಷ್ಣ ಯಾಜಿ

ಹೊನ್ನಾವರ: ವಿಚಾರ ಸಂಕಿರಣಗಳು ಯಕ್ಷರಂಗದಲ್ಲಿ ಆಚರಣೆಗೆ ಬರಬೇಕು. ಯಕ್ಷಗಾನಕ್ಕೆ ಯಾವ ಕೊಡುಗೆ ಬೇಕಿಲ್ಲ. ಅದು ಕೆಡದಿದ್ದ ಹಾಗೆ ಇದ್ದರೆ ಸಾಕು ಎಂದು ಹಿರಿಯ ಯಕ್ಷಗಾನ ಕಲಾವಿದ ಬಳ್ಕೂರು ಕೃಷ್ಣ ಯಾಜಿ ಹೇಳಿದರು.

ಯಕ್ಷಗಾನ ಮನರಂಜನೆಯ ಕಲೆಯಷ್ಟೇ ಅಲ್ಲ. ಮನೋವಿಕಾಸಗೊಳಿಸುವ ಆರಾಧನಾ ಕಲೆಯಾಗಿದೆ. ಅಕಾಡೆಮಿಯು ಅನುದಾನದಿಂದ ಎಷ್ಟೋ ಕಾರ್ಯಕ್ರಮ ನಡೆಯುತ್ತಿದೆ. ಅದರಿಂದ ಏನೇನು ಬದಲಾವಣೆ ಆಗುತ್ತಿದೆ ಎಂಬುದನ್ನು ಅವಲೋಕಿಸಬೇಕಾಗಿದೆ ಎಂದರು.

ಹಿರಿಯ ಯಕ್ಷಗಾನ ಭಾಗವತ ಕಪ್ಪೆಕೆರೆ ಸುಬ್ರಾಯ ಭಾಗವತ ಮಾತನಾಡಿ, ಯಕ್ಷಗಾನ ಬದಲಾವಣೆ ಆಗುತ್ತಾ ಇದೆ. ಅದು ಮೂಲ ಸತ್ವವನ್ನು ಉಳಿಸಿಕೊಳ್ಳಬೇಕು ಎಂದರು.

ಎಸ್ ಆರ್ ಎಲ್ ಸಂಸ್ಥೆ ಮಾಲೀಕ ವೆಂಕಟರಮಣ ಹೆಗಡೆ, ನಾರಾಯಣ ಯಾಜಿ ಸಾಲೆಬೈಲು ಇದ್ದರು. ಅಕಾಡೆಮಿ ರಜಿಸ್ಟ್ರಾರ್ ಎನ್. ನಮ್ರತಾ ಪ್ರಾಸ್ತಾವಿಕ ಮಾತನಾಡಿದರು. ಅಕಾಡೆಮಿ ಸದಸ್ಯ ವಿದ್ಯಾಧರ ಜಲವಳ್ಳಿ ಸ್ವಾಗತಿಸಿದರು.