ಅರಸೀಕೆರೆ ನಗರಸಭೆ ಅಯವ್ಯಯದಲ್ಲಿ ₹72.17 ಕೋಟಿ ಆದಾಯ ನಿರೀಕ್ಷೆ

ಜಿಲ್ಲಾಧಿಕಾರಿ ಸಿ.ಸತ್ಯಭಾಮ ನಗರಸಭೆಯ ೨೦೨೪-೨೫ ನೇ ಸಾಲಿನ ಬಜೆಟ್‌ ಮಂಡನೆ । ₹೭೧,೬೮ ಸಾವಿರ ಕೋಟಿ ವೆಚ್ಚಕನ್ನಡಪ್ರಭ ವಾರ್ತೆ ಅರಸೀಕೆರೆ

ನಗರಸಭೆ ಸಭಾಂಗಣದಲ್ಲಿ ನಡೆದ ೨೦೨೪-೨೫ನೇ ಸಾಲಿನ ಅಯವ್ಯಯ ಮಂಡನೆ ಮತ್ತು ವಿಶೇಷ ಸಭೆ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ರಾಜಸ್ವ ಆದಾಯಗಳ ಮೂಲಕ ೨೩,೦೯,೨೯,೦೦೦ ಕೋಟಿ ರು. ಬಂಡವಾಳ ಮೂಲಕ ೭,೭೬,೦೦,೦೦೦ ಕೋಟಿ ರು. ಮತ್ತು ವಿಶೇಷ ವಸೂಲಾತಿಗಳ ಮೂಲಕ ಒಟ್ಟು ೭೨,೧೭,೨೫,೦೦೦ ಕೋಟಿ ರು. ಜಮೆ ನಿರೀಕ್ಷಸಲಾಗಿದೆ. ಅಯವ್ಯಯದಲ್ಲಿ ನೀರಿನ ದರಗಳ ವಸೂಲಾತಿ ಮತ್ತು ನೀರಿನ ಸಂಪರ್ಕದ ರೂಪದಲ್ಲಿ ೧.೫೮ ಕೋಟಿ ರು. ಕಟ್ಟಡ ಆಸ್ತಿ ತೆರಿಗೆ ಮೂಲಕ ೩.೮೦ ಕೋಟಿ ರು. ಆಸ್ತಿ ತೆರಿಗೆ ಮೂಲಕ ೧೬ ಲಕ್ಷ ರು., ಉದ್ದಿಮೆ ಪರವನಾಗಿ ಮೂಲಕ ೧೩.೭೫ ಲಕ್ಷ ರೂ, ಮಳಿಗೆಗಳ ಹಾಗೂ ವಸತಿ ಗೃಹಗಳ ಬಾಡಿಗೆ ಮೂಲಕ ೩೦.೫೦ ಲಕ್ಷ ರು. ಖಾತಾ ಪ್ರತಿಗಳು ಹಾಗೂ ಖಾತಾ ಬದಲಾವಣೆ ಶುಲ್ಕದ ರೂಪದಲ್ಲಿ ೪೮.೨೦ ಲಕ್ಷ ರು. ಸೇರಿದಂತೆ ವಿವಿಧ ೨೩ ಮೂಲಗಳ ಆದಾಯಗಳಿಂದ ೭೨,೧೭.೨೫,೦೦೦ ಕೋಟಿ ರು. ಆದಾಯ ನಿರೀಕ್ಷಿಸಲಾಗಿದೆ ಎಂದು ಹೇಳಿದರು.

ವಿಶೇಷ ಸಭೆಯ ಮೂಲಕ ೨೦೨೪-೨೫ ನೇ ಸಾಲಿನ ಆಯವ್ಯಯದಲ್ಲಿ ನೆಲಬಾಡಿಗೆ ವಸೂಲಾತಿ ಮಾಡುವ ಹಕ್ಕು, ಕೈಗಾರಿಕೆಗಳಿಗೆ ಪ್ರತ್ಯೇಕವಾಗಿ ಆಸ್ತಿ ತೆರಿಗೆ ದರವನ್ನು ನಿಗದಿಪಡಿಸಿ ಅನುಷ್ಠಾನಗೊಳಿಸುವ ವಿಚಾರ, ವಿವಿಧ ಬಡಾವಣೆಗಳ ರಸ್ತೆ ಮತ್ತು ಚರಂಡಿ ನಿರ್ಮಾಣ, ಸ್ವಚ್ಛ ಭಾರತ ಮಿಷನ್ ಯೋಜನೆ ಸೇರಿದಂತೆ ಬೀದಿ ನಾಯಿಗಳ ನಿಯಂತ್ರಣ ಮತ್ತು ಅನಾರೋಗ್ಯ ಪೀಡಿತ ಸಿಬ್ಬಂದಿ, ಆಸ್ಪತ್ರೆ ಖರ್ಚು ವೆಚ್ಚಗಳ ಸಂದಾಯ ಸೇರಿದಂತೆ ನಗರಸಭಾ ವ್ಯಾಪ್ತಿಯಲ್ಲಿ ಕುಡಿಯುವ ನೀರು ಪೂರೈಸುವ ಚನ್ನರಾಯಪಟ್ಟಣ, ಗಂಡಸಿ, ಪಂಪ್‌ಹೌಸ್‌ಗಳ ಯಂತ್ರ ಮತ್ತು ಸಾಮಾಗ್ರಿಗಳ ಖರೀದಿ ಹಾಗೂ ನಿರ್ವಹಣೆಗಾಗಿ ಸೇರಿದಂತೆ ವಿವಿಧ ಟೆಂಡರ್, ಹರಾಜು ಮತ್ತು ಬಹಿರಂಗ ಹರಾಜುಗಳಿಗೆ ಅನುಮೋದನೆ ನೀಡಲಾಯಿತು.