ಸಾಹಿತ್ಯ ಕ್ಷೇತ್ರಕ್ಕೆ ಕಾಯಕರ ಕೊಡುಗೆ ಅನನ್ಯ: ರಾಜಶೇಖರ್

ರಾಮನಗರ: ಕನ್ನಡ ಭಾಷೆಯ ಸಾಹಿತ್ಯ ಕ್ಷೇತ್ರಕ್ಕೆ ಶರಣರ ಕೊಡುಗೆ ಅನನ್ಯ ಎಂದು ಉಪನ್ಯಾಸಕ ವಿ.ಎಚ್.ರಾಜಶೇಖರ್ ಹೇಳಿದರು. ಜಿಲ್ಲಾಡಳಿತ, ಜಿಪಂ ಮತ್ತು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಏರ್ಪಡಿಸಿದ್ದ ಕಾಯಕ ಶರಣರ ಜಯಂತಿ ಕಾರ್ಯಕ್ರಮದಲ್ಲಿ ಉಪನ್ಯಾಸ ನೀಡಿದ ಅವರು, ಸಮಾಜದ ಎಲ್ಲಾ ವರ್ಗಗಳ ಜನರು ಅರ್ಥ ಮಾಡಿಕೊಳ್ಳುವ ಭಾಷೆ ಯಾವುದಾದರು ಇದ್ದರೆ ಅದು ಕನ್ನಡ ಜನರನ್ನು ಮುಖ್ಯವಾಹಿನಿಗೆ ತರಲು ಕಾಯಕ ಶರಣರ ಪ್ರಯತ್ನ ಅವಿಸ್ಮರಣೀಯ, ಅಂದು ಮಠ, ದೇವಾಲಯ, ರಾಜರ ಆಸ್ಥಾನಗಳಲ್ಲಿ ಸಾಹಿತ್ಯ ವಿರಾಜಮಾನವಾಗಿತ್ತು ಎಂದರು.

ಉರಿಲಿಂಗ ದೇವರ ಶಿಷ್ಯನಾದ ಈತನು ಮಹಾರಾಷ್ಟ್ರದ ಗೋದಾವರಿ ನದಿ ತೀರದವರು. ಇವರ ಮೂಲ ಆಂಧ್ರಪ್ರದೇಶ. ಜೀವನ ನಿರ್ವಹಣೆಗಾಗಿ ಕಳ್ಳತನ ಮಾಡುತ್ತಿದ್ದ. ನಂತರ ಕಳ್ಳತನ ತ್ಯಜಿಸಿ ಉರಿಲಿಂಗ ದೇವರ ಶಿಷ್ಯನಾಗುತ್ತಾನೆ. ಇನ್ನು ಮಾದಾರ ಧೂಳಯ್ಯ ಕಲ್ಯಾಣದಲ್ಲಿ ಪಾದರಕ್ಷೆ ಸಿದ್ಧಪಡಿಸುವ ಕಾಯಕ ಮಾಡುತ್ತಿದ್ದು, ಶಿವನೇ ಈತನ ಮನೆ ಬಾಗಿಲಿಗೆ ಬಂದರೂ ತನ್ನ ಕಾಯಕದಲ್ಲಿ ತೊಡಗಿದ್ದನು. ಸುಮಾರು 900 ವರ್ಷಗಳ ಹಿಂದೆಯೇ ಅಂದರೆ 12ನೇ ಶತಮಾನದಲ್ಲಿ ಸಾಮಗಾರ ಹರಳಯ್ಯ ಅಂತರ್ಜಾತಿ ವಿವಾಹ ಮಾಡಿಸಿದವರು. ಪಾದರಕ್ಷೆ ಸಿದ್ಧಪಡಿಸುವುದು ಇವರ ಕಾಯಕ. ಗುರುಲಿಂಗ ಜಂಗಮರ ಸೇವೆ ಮಾಡುವುದು ಇವರಿಗೆ ಇಷ್ಟವಾದದ್ದು, ಒಮ್ಮೆ ಬಸವಣ್ಣನವರು ಎದುರು ಬಂದಾಗ ಇವರು ಶರಣಾರ್ಥಿ ಎಂದರೆ ಬಸವಣ್ಣನವರು ಶರಣು ಶರಣಾರ್ಥಿ ಎಂದರು.

ರಾಮನಗರ ಜಿಲ್ಲಾಡಳಿತ, ಜಿಪಂ ಮತ್ತು ಕನ್ನಡ ಮತ್ತು ಸಂಸ್ಕೃತಿ ಇಲಾಖಾ ವತಿಯಿಂದ ಕಾಯಕ ಶರಣರ ಜಯಂತಿ ಆಚರಿಸಲಾಯಿತು.