)
)
)
ಸಾರಾಂಶ
ಬಾಳೆಹೊನ್ನೂರು ಪಟ್ಟಣದ ಬಸ್ ನಿಲ್ದಾಣದಲ್ಲಿ ಎನ್.ಆರ್.ಪುರ ತಾಲೂಕು ಪಂಚಾಯಿತಿಯ ಅಂಗಡಿ ಮಳಿಗೆ ಮಾಸಿಕ 55 ಸಾವಿರ ಬಾಡಿಗೆಗೆ ಹರಾಜಾಗಿ ದಾಖಲೆ ಬರೆದಿದೆ.
ಕನ್ನಡಪ್ರಭ ವಾರ್ತೆ, ಬಾಳೆಹೊನ್ನೂರು
ಪಟ್ಟಣದ ಬಸ್ ನಿಲ್ದಾಣದಲ್ಲಿ ಎನ್.ಆರ್.ಪುರ ತಾಲೂಕು ಪಂಚಾಯಿತಿಯ ಅಂಗಡಿ ಮಳಿಗೆ ಮಾಸಿಕ ₹55 ಸಾವಿರ ಬಾಡಿಗೆಗೆ ಹರಾಜಾಗಿ ದಾಖಲೆ ಬರೆದಿದೆ.ಪಟ್ಟಣದ ಬಿ.ಕಣಬೂರು ಗ್ರಾಪಂ ಸಭಾಂಗಣದಲ್ಲಿ ಬುಧವಾರ ತಾಪಂ ಇಒ ನವೀನ್‌ಕುಮಾರ್ ನೇತೃತ್ವದಲ್ಲಿ ನಡೆದ ಹರಾಜಿನಲ್ಲಿ 59 ಜನ ಮಳಿಗೆ ಹರಾಜಿನ ಹಕ್ಕಿಗೆ ಬಿಡ್ ಹಣ ಪಾವತಿಸಿದ್ದರು. ಈ ಪೈಕಿ ಪಟ್ಟಣದ ಹೂವಿನ ವ್ಯಾಪಾರಿ ರಾಜೇಶ್ ಅತೀ ಹೆಚ್ಚು ದರಅಂದರೆ ಮಾಸಿಕ ₹55 ಸಾವಿರಕ್ಕೆ ಹರಾಜು ಕೂಗಿ ಮಳಿಗೆ ಪಡೆದುಕೊಂಡಿದ್ದಾರೆ.ಮಳಿಗೆ 21*15 ಅಳತೆ ಹೊಂದಿದ್ದು, ತಾಪಂನಿಂದ ₹5-6 ಲಕ್ಷ ವೆಚ್ಚದಲ್ಲಿ ನಿರ್ಮಾಣಮಾಡಲಾಗಿದೆ. ಗ್ರಾಪಂ ವ್ಯಾಪ್ತಿಯಲ್ಲೇ ಈ ಅಳತೆ ಅಂಗಡಿ ಮಳಿಗೆಗೆ ಅತೀ ಹೆಚ್ಚು ಬಾಡಿಗೆ ಇದಾಗಿದ್ದು, ಮಳಿಗೆಗೆ ₹55 ಸಾವಿರ ಬಾಡಿಗೆಯೊಂದಿಗೆ 18% ಜಿಎಸ್‌ಟಿ ವಿಧಿಸಲಿದ್ದು, ಜಿಎಸ್‌ಟಿ ಮೊತ್ತ ₹9900 ಆಗಲಿದೆ. ಮಳಿಗೆ ಒಟ್ಟು ಬಾಡಿಗೆ ಮಾಸಿಕ ₹64900 ರು. ಆಗಲಿದೆ.
ತಾಪಂ ಮಳಿಗೆ ಈ ಮೊತ್ತಕ್ಕೆ ಹರಾಜಾಗುತ್ತಿದ್ದಂತೆ ಪಟ್ಟಣದಲ್ಲಿ ಬಿ.ಕಣಬೂರು ಗ್ರಾಪಂಗೆ ಒಳಪಡುವ ಅಂಗಡಿ ಮುಂಗಟ್ಟುಗಳ ಬಾಡಿಗೆದಾರರು ಹಾಗೂ ಇತರೆ ಖಾಸಗಿ ಬಾಡಿಗೆದಾರರನ್ನು ಆತಂಕಕ್ಕೀಡು ಮಾಡಿದ್ದು, ತಾಪಂ ಮಳಿಗೆ ಹೆಚ್ಚು ದರಕ್ಕೆ ಹರಾಜಾ ಗಿರುವ ಹಿನ್ನೆಲೆಯಲ್ಲಿ ಗ್ರಾಪಂ ಹಾಗೂ ಖಾಸಗಿ ಕಟ್ಟಡಗಳ ಮಾಲೀಕರು ಹ ಇನ್ನು ಮುಂದೆ ಹೆಚ್ಚು ಬಾಡಿಗೆ ವಿಧಿಸಲಿ ದ್ದಾರೆಯೇ ಎಂಬ ಚಿಂತೆಗೆ ಒಳಗಾಗಿದ್ದಾರೆ. ಒಟ್ಟಾರೆ ದಾಖಲೆ ಮೊತ್ತಕ್ಕೆ ತಾಪಂ ಮಳಿಗೆ ಹರಾಜಾಗಿರುವ ವಿಚಾರ ಬಾಳೆಹೊನ್ನೂರು ವ್ಯಾಪ್ತಿಯ ಸಾರ್ವಜನಿಕರ ಬಾಯಲ್ಲಿ ಚರ್ಚೆ ವಿಷಯವಾಗಿದೆ.೧೯ಬಿಹೆಚ್‌ಆರ್ ೧:
ಬಾಳೆಹೊನ್ನೂರಿನ ಬಸ್ ನಿಲ್ದಾಣದಲ್ಲಿ ಅತೀ ಹೆಚ್ಚು ಮೊತ್ತಕ್ಕೆ ಹರಾಜಾಗಿರುವ ಎನ್.ಆರ್.ಪುರ ತಾಪಂನ ಅಂಗಡಿ ಮಳಿಗೆ)
)
)
)
)