ಅರಹುಣಸಿಯಲ್ಲಿ ಇಂದು ಅಕ್ಕ ತಂಗಿಯರ ಜಾತ್ರೆ

ರೋಣ: ಐತಿಹಾಸಿಕ ಹಿನ್ನೆಲೆಯುಳ್ಳ ಉತ್ತರ ಕರ್ನಾಟಕ ವಿಶಿಷ್ಟ ಜಾತ್ರೆಗಳಲ್ಲಿ ಒಂದಾದ ಅಕ್ಕ ತಂಗಿಯರ ಜಾತ್ರೆ ಎಂದು ಕರೆಸಿಕೊಳ್ಳುವ ತಾಲೂಕಿನ ಅರಹುಣಸಿ ಗ್ರಾಮದೇವತೆ ದೇವಮ್ಮದೇವಿಯರ ಜಾತ್ರೆ ಜು. 16ರಂದು ಸಾಯಂಕಾಲ 4 ಗಂಟೆಗೆ ಜರುಗಲಿದೆ.

ಗದ್ದುಗೆಯಿಂದ ದೇವತೆಯರನ್ನು ಕರೆತಂದು ಪುರಪ್ರವೇಶ ಮಾಡುವ ವೈಭವ, ಸಡಗರ, ಸಂಭ್ರಮ ಕಣ್ತುಂಬಿಕೊಳ್ಳಲು ಸಹಸ್ರಾರು ಭಕ್ತರು ತುದಿಗಾಲಲ್ಲಿ ನಿಂತಿರುತ್ತಾರೆ. 2 ಕಿಮೀನಿಂದ ನಡೆದುಕೊಂಡು ಬರುವ ಭಕ್ತರು, ದೇವತೆಯರು ಗ್ರಾಮದೊಳಕ್ಕೆ ಪ್ರವೇಶಿಸುವ ವೇಳೆ ತಾವಿಡುವ ಪ್ರತಿ ಹೆಜ್ಜೆಗೂ ಒಂದು ಕಾಯನ್ನಿಟ್ಟು ಭೂಮಿಗೆ ಅರ್ಪಣ (ಒಡೆಯುವುದು) ಮಾಡುತ್ತಾರೆ. 10 ಸಾವಿರಕ್ಕೂ ಹೆಚ್ಚು ಕಾಯಿ ಅರ್ಪಣೆ ಮಾಡಲಾಗುತ್ತದೆ.

ಅಂದಿನಿಂದ ಇಂದಿನ ವರೆಗೂ ಪ್ರತಿ ವರ್ಷ ಜಾತ್ರೆಯಲ್ಲಿ 10 ಸಾವಿರಕ್ಕೂ ಹೆಚ್ಚು ಕಾಯಿ ಒಡೆಯಲಾಗುತ್ತದೆ.