ದೀಪಾವಳಿ ಹಬ್ಬದ ಸಡಗರ ಹೆಚ್ಚಿಸುವ ಆಕಾಶ ಬುಟ್ಟಿಗಳು

ಲಕ್ಷ್ಮೇಶ್ವರ: ಬೆಳಕಿನ ಹಬ್ಬ ನಾಡಿನ ಬಹುತೇಕರು ಆಚರಿಸುವ ಹಬ್ಬವಾಗಿದೆ. ಮುಂಗಾರು ಬೆಳೆಗಳು ಕೊಯ್ಲಿ ಮುಕ್ತಾಯಗೊಂಡು ಹಿಂಗಾರು ಹಂಗಾಮಿಗೆ ಕಾಲಿಡುವ ಹೊಸ್ತಿಲಲ್ಲಿ ಬರುವ ದೀಪಾವಳಿ ಹಬ್ಬವು ರೈತರು ಹಾಗೂ ವ್ಯಾಪಾರಸ್ತರಿಗೆ ಮಹತ್ತರ ಹಬ್ಬವಾಗಿದೆ. ದೀಪಾವಳಿ ಹಬ್ಬದ ಸಡಗರ ಸಂಭ್ರಮ ಹೆಚ್ಚಿಸುವಲ್ಲಿ ಆಕಾಶ ಬುಟ್ಟಿಗಳು ಪಾತ್ರ ಪ್ರಮುಖವಾಗಿವೆ. ಹಿಂದೂಗಳು ಬೆಳಕಿನ ಹಬ್ಬಕ್ಕೆ ಮನೆಯ ಮುಂದೆ ಹಾಕುವ ಆಕಾಶ ಬುಟ್ಟಿಗಳು ಚಿಣ್ಣರ ಪಾಲಿಗೆ ಕೌತುಕದ ಪುಂಜಗಳಾಗಿವೆ.

ಆದರೆ ಈಗ ಆಧುನಿಕತೆಯ ಹೊಡೆತಕ್ಕೆ ಸಿಕ್ಕಿ ಕ್ರಿಯಾಶೀಲತೆ ಮಾಯವಾಗಿ ಖಾರ್ಕಾನೆಯಲ್ಲಿ ತಯಾರಾಗಿಸುವ ಆಕಾಶ ಬುಟ್ಟಿ ತಂದು ಜೋತು ಬಿಟ್ಟು ಅದರಲ್ಲೊಂದು ದೀಪ ಹಚ್ಚಿ ಬೆಳಕಿನ ಹಬ್ಬ ಆಚರಿಸುವ ಪರಿಪಾಟ ಆರಂಭವಾಗಿದೆ.

ಆಕಾಶ ಬುಟ್ಟಿಗಳ ವಿವಿಧ ಬಣ್ಣ, ಆಕಾರಗಳಿಂದ ಸಾರ್ವಜನಿಕರ ಮನಸ್ಸನ್ನು ಗೆಲ್ಲುವ ಕಾರ್ಯ ಮಾಡುತ್ತಿವೆ ಎಂದರೆ ತಪ್ಪಾಗಲಾರದು.