ಬಳ್ಳಾರಿಯಲ್ಲಿ ಸಮಾಜಮುಖಿ ನಡಿಗೆ; ಗುಡಾನಗರ ಅಲೆಮಾರಿಗಳ ಭೇಟಿ ಮಾಡಿದ ಸದಸ್ಯರು

ಬಳ್ಳಾರಿ: ನಡೆದು ನೋಡು ಕರ್ನಾಟಕ ಎಂಬ ಧ್ಯೇಯದೊಂದಿಗೆ ಸಮಾಜಮುಖಿ ಮಾಸ ಪತ್ರಿಕೆ ಕ್ರಿಯಾಶೀಲ ಮನಸುಗಳೊಂದಿಗೆ ಕಳೆದ ಎಂಟು ವರ್ಷಗಳಿಂದ ಆಯೋಜಿಸುತ್ತಾ ಬಂದಿರುವ ಸಮಾಜಮುಖಿ ನಡಿಗೆಗೆ ಬಳ್ಳಾರಿಯಲ್ಲಿ ಶುಕ್ರವಾರ ಚಾಲನೆ ಸಿಕ್ಕಿತು.

ಬಳಿಕ ಮಾತನಾಡಿದ ಅವರು, ಇದೊಂದು ವಿಭಿನ್ನ ಪ್ರವಾಸವಾಗಿದೆ. ಕರ್ನಾಟಕದ ಸಂಸ್ಕೃತಿಯನ್ನು ಬೇರೆ ಬೇರೆ ಆಯಾಮಗಳಲ್ಲಿ ವೀಕ್ಷಿಸುವುದು ಒಂದು ವಿಶೇಷ ಅನುಭವವಾಗಿದೆ. ಕರ್ನಾಟಕವನ್ನು ಬಹುತ್ವದ ನೆಲೆಯಲಿ ಅಂದರೆ ಸಾಂಸ್ಕೃತಿಕ, ಐತಿಹಾಸಿಕ, ಪ್ರಾಕೃತಿಕ ಕಲೆ ವಾಸ್ತುಶಿಲ್ಪ ಚಿತ್ರಕಲೆ, ವಿವಿಧ ಬುಡಕಟ್ಟು ಜನರ ಸಂಸ್ಕೃತಿ ಇವುಗಳ ಜೊತೆಗೆ, ಸ್ಥಳೀಯ ಕಲೆ ಪ್ರಾದೇಶಿಕ ಮಹತ್ವ, ಭಾಷಾ ಸೊಗಡು ಇವುಗಳನ್ನು ತಿಳಿಯುವುದು ಸಮಾಜಮುಖಿ ನಡಿಗೆಯ ಉದ್ದೇಶವಾಗಿದೆ. ಸಾಹಿತ್ಯ, ಸಾಂಸ್ಕೃತಿಕ ಹಿರಿಮೆಗೆ ಹೆಸರಾಗಿರುವ ಬಳ್ಳಾರಿಯಲ್ಲಿ ಸಮಾಜಮುಖಿ ನಡಿಗೆ ಆಯೋಜನೆ ಮಾಡಿರುವುದು ನಮಗೂ ಹೆಚ್ಚು ಖುಷಿ ನೀಡಿದೆ ಎಂದರಲ್ಲದೆ, ನಡಿಗೆ ಯಶಸ್ವಿಯಾಗಲಿ ಎಂದು ಹಾರೈಸಿದರು. ಬಳ್ಳಾರಿ ರಾಘವರ ಕುರಿತು ಲೇಖಕ ಎ.ಎಂ.ಪಿ ವೀರೇಶಸ್ವಾಮಿ ಮಾಹಿತಿ ನೀಡಿದರು. ವೈದ್ಯ ಡಾ.ಅರವಿಂದ ಪಟೇಲ್, ಲೇಖಕರಾದ ಜಾಜಿ ದೇವೇಂದ್ರಪ್ಪ, ಅಜಯ್ ಬಣಕಾರ, ಸಮಾಜಮುಖಿ ಬಳಗದ ಎಸ್.ಮಂಜುನಾಥ, ಮರುಳಸಿದ್ದ ಹಾಗೂ ಸಮಾಜಮುಖಿ ನಡಿಗೆ ತಂಡದ ಸದಸ್ಯರು ಹಾಜರಿದ್ದರು. ರಾಘವ ಕಲಾಮಂದಿರದಿಂದ ಸಾಂಸ್ಕೃತಿಕ ಸಮುಚ್ಚಯದವರಗೆ ನಡಿಗೆ ಪ್ರಾರಂಭವಾಯಿತು.

ವಸತಿ ವ್ಯವಸ್ಥೆ ಮಾಡಿದ್ದು, ನಿತ್ಯ ರಾತ್ರಿ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿವೆ. ಭಾನುವಾರ ಮಧ್ಯಾಹ್ನದ ಬಳಿಕ ನಡಿಗೆ ಪೂರ್ಣಗೊಳ್ಳಲಿದೆ ಎಂದು ನಡಿಗೆಯಲ್ಲಿ ಭಾಗವಹಿಸಿರುವ ಲೇಖಕ ಜಾಜಿ ದೇವೇಂದ್ರಪ್ಪ ಕನ್ನಡಪ್ರಭಕ್ಕೆ ತಿಳಿಸಿದರು.