ದುಶ್ಚಟಗಳಿಂದ ದೂರವಿರಲು ಕ್ರೀಡೆಗಳು ಪೂರಕ: ರಾಜೇಗೌಡ

ಲೆದರ್‌ನಲ್ಲಿ ಪ್ಲೈ ವರ್ಲ್ಡ್ ವಾರಿಯರ‍್ಸ್ ತಂಡ ಚಾಂಪಿಯನ್

ಯುವಜನರು ದುಶ್ಚಟಗಳಿಂದ ದೂರವಿರಲು ಕ್ರೀಡೆಗಳು ಪೂರಕವಾಗಿವೆ ಎಂದು ಕೆ.ಆರ್.ಇ.ಡಿ.ಎಲ್ ಅಧ್ಯಕ್ಷ, ಶಾಸಕ ಟಿ.ಡಿ.ರಾಜೇಗೌಡ ಹೇಳಿದರು.

ಯುವಕರು ಸದಾ ಚೈತನ್ಯದ ಚಿಲುಮೆಯಂತೆ ಕಾರ್ಯನಿರ್ವಹಿಸಬೇಕು. ಕ್ರೀಡೆಗಳ ಆಯೋಜನೆ, ಸಾಮಾಜಿಕ ಚಟುವಟಿಕೆ ಸೇರಿದಂತೆ ವಿವಿಧ ಕಾರ್ಯಗಳಲ್ಲಿ ಸಕ್ರಿಯವಾಗಿರಬೇಕು. ಬದುಕಿನಲ್ಲಿ ಉತ್ತಮ ಆರೋಗ್ಯಕ್ಕೆ ಕ್ರೀಡೆಗಳಲ್ಲಿ ಭಾಗವಹಿ ಸುವುದು ಅಗತ್ಯ. ಆರೋಗ್ಯ ಬದುಕಿನಲ್ಲಿ ಪ್ರತಿಯೊಬ್ಬರಿಗೂ ಪ್ರಮುಖ ಪಾತ್ರ ವಹಿಸುತ್ತದೆ ಎಂದರು.

ಹಿರಿಯ ಕ್ರೀಡಾಪಟು ಓ.ಡಿ.ಸ್ಟೀಫನ್ ಮಾತನಾಡಿ, ಬಾಳೆಹೊನ್ನೂರಿನಲ್ಲಿ ಹಲವು ದಿನಗಳಿಂದ ಯುವಕರು, ಆಟಗಾರರು ಕ್ರೀಡಾಂಗಣದ ಬೇಡಿಕೆ ಇಡುತ್ತಿದ್ದು, ಇದು ಇನ್ನೂ ಸಹ ಈಡೇರಿಲ್ಲ. ಇಲ್ಲಿ ಅತ್ಯುತ್ತಮ ಪಂದ್ಯಾವಳಿ ಸದಾಕಾಲ ನಡೆಯು ತ್ತಿದ್ದು, ಶಾಸಕರು, ಯುವ ರಾಜಕಾರಣಿಗಳು ಉತ್ತಮ ಕ್ರೀಡಾಂಗಣ ನಿರ್ಮಾಣ, ಹಾಲಿ ಕ್ರೀಡಾಂಗಣದ ಅಭಿವೃದ್ಧಿಗೆ ಕ್ರಮ ಕೈಗೊಳ್ಳಬೇಕಿದೆ. ಹಿರಿಯರು, ಪುಟಾಣಿ ಮಕ್ಕಳಿಗಾಗಿ ಪಾರ್ಕ್ ವ್ಯವಸ್ಥೆ ಮಾಡಿಸಿ ವಾಯುವಿಹಾರ, ಆಟೋಟಗಳಿಗೆ ಅವಕಾಶ ಕಲ್ಪಿಸಬೇಕಿದೆ ಎಂದರು.

ಕ್ಲಿಫರ್ಡ್ ಸಿಕ್ವೇರಾ ಅವರ ಆಶಯದಂತೆ ವಿವಿಧ ಕ್ಷೇತ್ರಗಳ ಸಾಧಕರನ್ನು ಸಹ ಸನ್ಮಾನಿಸಿ ಗೌರವಿಸಲಾಗುತ್ತಿದೆ. ಮುಂದಿನ ದಿನಗಳಲ್ಲಿ ಇನ್ನೂ ಉತ್ತಮ ಪಂದ್ಯಾವಳಿ ನಡೆಸಲಾಗುವುದು ಎಂದರು.

ಪಂದ್ಯಾವಳಿಯಲ್ಲಿ ಪ್ಲೈ ವರ್ಲ್ಡ್ ವಾರಿಯರ್ಸ್ ತಂಡ ಚಾಂಪಿಯನ್ ಆಗಿ ಹೊರ ಹೊಮ್ಮಿತು. ಕೆಸಿಸಿ ಸನ್ ರೈಸ ರ್ಸ್‌ ತಂಡ ರನ್ನರ್‌ ಸ್ಥಾನ ಪಡೆಯಿತು. ಭಗತ್‌ಸಿಂಗ್ ಕ್ರಿಕೆಟರ್ಸ್ ಮೂರನೇ ಸ್ಥಾನ, ಸೀಕೆ ಬ್ರದರ್ಸ್ರ ತಂಡ ಚತುರ್ಥ ಸ್ಥಾನ ಪಡೆಯಿತು.

ಕಾಫಿ ಮಂಡಳಿ ಸದಸ್ಯ ಭಾಸ್ಕರ್ ವೆನಿಲ್ಲಾ, ಕಸಾಪ ತಾಲೂಕು ಕಾರ್ಯದರ್ಶಿ ಸತೀಶ್ ಅರಳೀಕೊಪ್ಪ, ಕಾಫಿ ಬೆಳೆಗಾರ ಅನಿಲ್ ಕುಲಾಸೋ, ಎಂ.ವಿ.ಶ್ರೀನಿವಾಸಗೌಡ, ಗ್ರಾಪಂ ಸದಸ್ಯ ಇಬ್ರಾಹಿಂ ಶಾಫಿ, ಪ್ರಮುಖರಾದ ಎ.ಎಸ್.ಕೃಷ್ಣಪ್ಪ, ಎಸ್.ಎನ್.ನಾರಾಯಣಗೌಡ, ಸುರೇಂದ್ರ ಮಾಸ್ತರ್, ಮಂಜು ಕೋಟ್ಯಾನ್, ಪೂರ್ಣೇಶ್, ನಾಗರಾಜ್, ರಕ್ಷಿತ್ ಆಚಾರ್ಯ, ಹರೀಶ್‌ಪೂಜಾರಿ, ಅಹ್ಮದ್ ಆಲಿ, ಪ್ರವೀಣ್, ಪ್ರಶಾಂತ್, ಪ್ರಭಾಕರ್ ಮತ್ತಿತರರು ಇದ್ದರು. ೦೨ಬಿಹೆಚ್‌ಆರ್ ೧: