ಶೃಂಗೇರಿ 100 ಬೆಡ್ ಆಸ್ಪತ್ರೆ ಕಾಣೆಯಾಗಿದೆ: ಹುಡುಕಿ ಕೊಟ್ಟವರಿಗೆ ಸರ್ಕಾರದಿಂದ ಬಹುಮಾನ

ಅಲ್ಲಲ್ಲಿ ಬ್ಯಾನರ್ ಹಾಕಿ ಸರ್ಕಾರದ ವಿರುದ್ಧ ಲೇವಡಿ.

ತಾಲೂಕಿನಲ್ಲಿ ನೂರು ಬೆಡ್ ಆಸ್ಪತ್ರೆ ನಿರ್ಮಾಣ ಮತ್ತು ಜಾಗ ಮಂಜೂರಾತಿಗೆ ಒತ್ತಾಯಿಸಿ ನೂರು ಬೆಡ್ ಆಸ್ಪತ್ರೆ ಹೋರಾಟ ಸಮಿತಿ ಹಾಗೂ ಶೃಂಗೇರಿ ಜನ ನಿರಂತರ ಹೋರಾಟ ನಡೆಸುತ್ತಾ ಬಂದಿದ್ದು 2007ರ ಬಜೆಟ್‌ ನಲ್ಲಿ ಮಂಜೂರಾತಿ ದೊರೆತು ₹27 ಕೋಟಿ ಮಂಜೂರಾಗಿತ್ತು. ಆದರೆ ಕಳೆದ 3 ಬಜೆಟ್ ನಲ್ಲಿ ಪ್ರಸ್ತಾವನೆಯಾಗಿದ್ದ ಆಸ್ಪತ್ರೆ ವಿಚಾರ ಈ ಬಾರಿ ಬಜೆಟ್ ನಲ್ಲಿ ಇರಲೇ ಇಲ್ಲ. ಈ ಹಿನ್ನೆಲೆಯಲ್ಲಿ ಬ್ಯಾನರ್‌ ಮೂಲಕ ಆಕ್ರೋಶ ಹೊರಕಾಕಿದ್ದಾರೆ.

2007 ರಲ್ಲಿ ನೂರು ಬೆಡ್ ಆಸ್ಪತ್ರೆ ನಿರ್ಮಾಣಕ್ಕೆ ಆದೇಶವಾಗಿ 3 ಬಜೆಟ್ ನಲ್ಲಿಯೂ ಪೂರ್ಣ ಆಗಿದ್ದು ₹27 ಕೋಟಿ ಅನುದಾನ ಮೀಸಲಾಗಿಡಲಾಗಿತ್ತು. ಆದರೆ ಶೃಂಗೇರಿ ತಾಲೂಕಿನಲ್ಲಿ ಎಲ್ಲಿಯೂ ಜಾಗ ಸಿಕ್ಕಿರಲಿಲ್ಲ. ಶೃಂಗೇರಿ, ನೆಮ್ಮಾರು, ಶಿಡ್ಲೆ ಹೀಗೆ ಗುರುತಿಸಿದ ಜಾಗವೆಲ್ಲಾ ಅರಣ್ಯ ಇಲಾಖೆ, ಸೆಕ್ಷನ್ 4(1),17, ಮೀಸಲು ಅರಣ್ಯಗಳಾಗಿ ಕಂಡು ಬಂದಿದ್ದವು. ಇದಕ್ಕೆ ಸೂಕ್ತ ಜಾಗ ಸಿಕ್ಕಿರಲಿಲ್ಲ. ಅರಣ್ಯ ಇಲಾಖೆ ಅಡ್ಡಿಯ ಕುಂಟು ನೆಪದಿಂದ ಶೃಂಗೇರಿ ಜನತೆಗೆ ನೂರು ಬೆಡ್ ಆಸ್ಪತ್ರೆ ನಿರ್ಮಾಣ ಕನಸಾ ಗಿಯೇ ಉಳಿಯುತ್ತಾ ಬಂದಿತು. ಹಾಗಾಗಿ ನೂರುಬೆಡ್ ಆಸ್ಪತ್ರೆ ಹೋರಾಟ ಸಮಿತಿ, ಶೃಂಗೇರಿ ಜನತೆ ಹೋರಾಟ ಮುಂದುವರಿಸುತ್ತಾ ಬಂದಿದ್ದರು.

ಮೂಳೆ ಮುರಿದರೆ ಡಾಕ್ಟರ್ ಇಲ್ಲ. ಮಕ್ಕಳ ಡಾಕ್ಟರ್ ಇಲ್ಲ. ಡೆಲಿವರಿ ಡಾಕ್ಟರ್ ಕಾಣ್ತಾನೆ ಇಲ್ಲ. ಜನಪ್ರತಿನಿಧಿಗಳು ತಲೆ ಕೆಡಿಸಿ ಕೊಂಡಿಲ್ಲ. ನಿತ್ಯ ಬದುಕು ನಿಮ್ಮ ಕೈಯಲ್ಲಿ ಎಂಬ ತಲೆ ಬರಹ ಹೊಂದಿವೆ. ಹೀಗೆ ಅಲ್ಲಲ್ಲಿ ಶೃಂಗೇರಿ ಜನರ ಆಕ್ರೋಶ ಹೊರ ಹೊಮ್ಮಿತ್ತು.

ನೂರು ಬೆಡ್ ಆಸ್ಪತ್ರೆ ಜಾಗ ಮಂಜೂರಾತಿಗೆ ಒತ್ತಾಯಿಸಿ ಪ್ರಸೂತಿ, ಮಕ್ಕಳ, ಮೂಳೆ ತಜ್ಞರ ನೇಮಕಕ್ಕೆ ಒತ್ತಾಯಿಸಿ ಬ್ಯಾನರ್ ಹಾಕಿ ಬ್ಯಾನರ್ ಅಭಿಯಾನ ನಡೆಸಿರುವ ಬ್ಯಾನರ್ ಗಳನ್ನು ರಾತ್ರೋ ರಾತ್ರಿ ಪೊಲೀಸರು ತೆರವುಗೊಳಿಸಿರುವುದಕ್ಕೆ ನೂರು ಬೆಡ್ ಆಸ್ಪತ್ರೆ ಹೋರಾಟ ಸಮಿತಿ ಆಕ್ರೋಶ ವ್ಯಕ್ತಪಡಿಸಿದೆ.

14 ಶ್ರೀ ಚಿತ್ರ 2-ಬಜೆಟ್ ನಲ್ಲಿ ಶೃಂಗೇರಿಯ ನೂರು ಬೆಡ್ ಆಸ್ಪತ್ರೆ ಕಾಣೆ-ಹುಡುಕಿ ಕೊಟ್ಟವರಿಗೆ ಸರ್ಕಾರದಿಂದ ಸೂಕ್ತ ಬಹುಮಾನ ಎಂಬ ಬರಹವುಳ್ಳ ಬ್ಯಾನರ್.