)
)
)
ಸಾರಾಂಶ
ಕಲ್ಮೇಶ್ವರ ಪ್ರೌಢಶಾಲೆಯ ಶಿಕ್ಷಕ, ಅಣ್ಣಿಗೇರಿ ತಾಲೂಕು ಶರಣ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ನಬಿಸಾಹೇಬ ಯಲಬುರ್ಗಿ ಅವರು ₹ 2 ಲಕ್ಷ ವೆಚ್ಚದಲ್ಲಿ ಲಿಂ. ಪಂಚಾಕ್ಷರ ಶಿವಾಚಾರ್ಯ ಸ್ವಾಮೀಜಿಯ ಅಮೃತ ಶಿಲಾಮೂರ್ತಿ ಮಾಡಿಸಿ ಕೊಡುಗೆಯಾಗಿ ನೀಡಿದ್ದಾರೆ.
ಅಣ್ಣಿಗೇರಿ: ಕನ್ನಡ ನೆಲ ಸೌಹಾರ್ಧತೆಯ ತವರು ಎನ್ನುವುದನ್ನು ಆಗಾಗ ಕೂಗಿ ಹೇಳುತ್ತಲೇ ಇದೆ. ಅಂಥದೊಂದು ಕೂಗು ಈಗ ಪಂಪನ ಜನ್ಮಭೂಮಿ ಅಣ್ಣಿಗೇರಿ ನೆಲದಿಂದ ಕೇಳಿಬಂದಿದೆ.
ಇಲ್ಲಿನ ಕಲ್ಮೇಶ್ವರ ಪ್ರೌಢಶಾಲೆಯ ಶಿಕ್ಷಕ, ಅಣ್ಣಿಗೇರಿ ತಾಲೂಕು ಶರಣ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ನಬಿಸಾಹೇಬ ಯಲಬುರ್ಗಿ ಅವರು ₹ 2 ಲಕ್ಷ ವೆಚ್ಚದಲ್ಲಿ ಲಿಂ. ಪಂಚಾಕ್ಷರ ಶಿವಾಚಾರ್ಯ ಸ್ವಾಮೀಜಿಯ ಅಮೃತ ಶಿಲಾಮೂರ್ತಿ ಮಾಡಿಸಿ ಕೊಡುಗೆಯಾಗಿ ನೀಡಿದ್ದಾರೆ.ಇದೇ ಸೆ. 19 (ಶುಕ್ರವಾರ) ರಂದು ಕೊಪ್ಪಳ ಜಿಲ್ಲೆ ಕುಕನೂರು ತಾಲೂಕಿನ ರಾಜೂರು ಗ್ರಾಮದಲ್ಲಿ ನಾಡಿನ ವಿವಿಧ ಮಠಾಧೀಶರ ಸಮ್ಮುಖದಲ್ಲಿ ಈ ಅಮೃತ ಶಿಲಾಮೂರ್ತಿ ಲೋಕಾರ್ಪಣೆಗೊಳ್ಳಲಿದೆ.
ಪಂಡಿತ ಪುಟ್ಟರಾಜ ಗವಾಯಿಗಳ ಕ್ರಿಯಾಮೂರ್ತಿಗಳು, ಅಡ್ನೂರ - ರಾಜೂರು - ಗದಗ ಬ್ರಹನ್ಮಠದ ಲಿಂಗೈಕ್ಯ ಪಂಚಾಕ್ಷರ ಶಿವಾಚಾರ್ಯರು ಉತ್ತರ ಕರ್ನಾಟಕದಲ್ಲಿ ಅಪಾರ ಸಂಖ್ಯೆಯ ಭಕ್ತರನ್ನು ಹೊಂದಿದ್ದಾರೆ. ಇಂಥ ಶ್ರೀಗಳ ಅಮೃತಶಿಲಾ ಮೂರ್ತಿಯನ್ನು ರಾಜೂರು ಗ್ರಾಮದಲ್ಲಿ ಪ್ರತಿಷ್ಠಾಪಿಸಬೇಕು ಎನ್ನುವುದು ಭಕ್ತರ ಸಂಕಲ್ಪವಾದಾಗ ಶ್ರೀಗಳ ಮೂರ್ತಿಯನ್ನು ತಾವು ಮಾಡಿಸಿ ನೀಡುವುದಾಗಿ ಶಿಕ್ಷಕ ನಬಿಸಾಹೇಬ ವಾಗ್ದಾನ ಮಾಡಿದ್ದರು.ಅದರಂತೆ ₹ 2 ಲಕ್ಷ ವೆಚ್ಚದಲ್ಲಿ ಅಮೃತ ಶಿಲಾಮೂರ್ತಿಯನ್ನು ಮಾಡಿಸಿ ಶ್ರೀಮಠಕ್ಕೆ ಕೊಡುಗೆಯಾಗಿ ನೀಡುವ ಮೂಲಕ ತಮ್ಮ ಗುರುಭಕ್ತಿಯ ಜೊತೆಗೆ ಭಾವೈಕ್ಯತೆ ಮೆರೆದಿದ್ದಾರೆ. ಶಿಕ್ಷಕ ನಬಿಸಾಹೇಬ ಅವರ ಗುರುಭಕ್ತಿ ಮತ್ತು ಭಾವೈಕ್ಯತಾ ಮನೋಭಾವಕ್ಕೆ ಎಲ್ಲೆಡೆ ಶ್ಲಾಘನೆ ವ್ಯಕ್ತವಾಗುತ್ತಿದೆ.
)
)
)
;Resize=(128,128))
_570.JPG?impolicy=All_policy&im=Resize=(128))