ಸಂಸದ ಕರಡಿಗೆ ಟಿಕೆಟ್ ತಪ್ಪಿದ್ದಕ್ಕೆ ಬೆಂಬಲಿಗರ ಆಕ್ರೋಶ

-ಘೋಷಿತ ಅಭ್ಯರ್ಥಿ ಕೆ. ಬಸವರಾಜ ವಿರುದ್ಧ ಆಕ್ರೋಶ, ಬಿಜೆಪಿ ಕಚೇರಿ ಗ್ಲಾಸ್ ಪುಡಿ ಪುಡಿ

-ಮಾತುಕತೆಗೂ ಅವಕಾಶ ನೀಡದೆ ಬೆಂಬಲಿಗರಿಂದ ಅಡ್ಡಿಕನ್ನಡಪ್ರಭ ವಾರ್ತೆ ಕೊಪ್ಪಳ

ಆಗಿದ್ದೇನು:

ಹಾಲಿ ಸಂಸದ ಸಂಗಣ್ಣ ಕರಡಿ ಮಾತು ಲೆಕ್ಕಿಸದೇ ಟಿಕೆಟ್ ಘೋಷಿತ ಡಾ. ಬಸವರಾಜ ಹಾಗೂ ದೊಡ್ಡನಗೌಡ ಅವರ ಮೇಲೆ ಮುಗಿಬಿದ್ದು ತರಾಟೆಗೆ ತೆಗೆದುಕೊಂಡರು. ಪಕ್ಷಕ್ಕೆ ದುಡಿಯಲಿಲ್ಲ, ಬಿಡಲಿಲ್ಲ, ದುಡ್ಡು ಕೊಟ್ಟು ಟಿಕೆಟ್ ತಂದಿದ್ದಾರೆ ಎಂದು ಆಕ್ರೋಶ ಹೊರಹಾಕಿದರು. ವಿಧಿಯಿಲ್ಲದೇ ಸಂಸದ ಸಂಗಣ್ಣ ಕರಡಿ ಅವರೊಂದಿಗೆ ಮಾತುಕತೆ ಮಾಡಲು ಆಗದೆ ಇಬ್ಬರು ಪಕ್ಷದ ಕಚೇರಿಗೆ ತೆರಳಿದರು.

ಇವರನ್ನು ಸಮಧಾನ ಮಾಡಲು ಬಿಜೆಪಿ ಜಿಲ್ಲಾಧ್ಯಕ್ಷ ನವೀನ್ ಗುಳಗಣ್ಣವರ ಹರಸಾಹಸ ಮಾಡಿದರೂ ಪ್ರಯೋಜನವಾಗಲಿಲ್ಲ. ಬಿಜೆಪಿ ಟಿಕೆಟ್ ಸೇಲ್ ಆಗಿದೆ ಎಂದೆಲ್ಲಾ ಕರಡಿ ಬೆಂಬಲಿಗರು ಕಿಡಿಕಾರಿದರು.

ಸಂಸದರ ಮನೆಯಲ್ಲಿ ಹೈಡ್ರಾಮಾ:

ಟಿಕೆಟ್ ಘೋಷಣೆಯಾಗಿದ್ದಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ಸ್ವಾಗತ ಕೋರಿ ಇಲ್ಲಿ ಬಂದು ಕುಳಿತಿದ್ದಾರೆ. ನಿವ್ಯಾಕೆ ಇಲ್ಲಿ ಬಂದಿದ್ದೀರಿ, ಎದ್ದು ಹೋಗಿ ಎಂದು ತಾಕೀತು ಮಾಡಿದರು. ಇದರಿಂದ ಕೆಂಡಮಂಡಲವಾದ ವಿಪ ಸದಸ್ಯೆ ಹೇಮಲತಾ ನಾಯಕ, ಸರಿಯಾಗಿ ಮಾತನಾಡನಾಡು, ನಿನಗಿಂತಲೂ ಹೆಚ್ಚು ನನಗೆ ನೋವಾಗಿದೆ. ನೀನು ತೋರಿಸಿಕೊಳ್ಳುತ್ತಿಯಾ ನಾನು ತೋರಿಸಿಕೊಳ್ಳುತ್ತಿಲ್ಲ. ನೀನು ನಿನ್ನೆ ಮೊನ್ನೆ ಬಂದಿದ್ದಿಯಾ, ಜಾಸ್ತಿ ಮಾತನಾಡಿದರೇ ಬೂಟುಗಾಲಿನಿಂದ ಹೊಡೆಯುತ್ತೇನೆ ಎಂದು ಕಿಡಿಕಾರಿದರು. ಪಕ್ಕದಲ್ಲಿಯೇ ಇದ್ದ ಸಂಸದ ಸಂಗಣ್ಣ ಕರಡಿ ಅವರು ಕಾರ್ಯಕರ್ತರನ್ನು ಅತ್ತ ಕಳುಹಿಸಿ ಎಂದು ವಿಪ ಸದಸ್ಯೆ ಹೇಮಲತಾ ನಾಯಕ ಅವರನ್ನು ಸಮಾಧಾನ ಮಾಡಿದರು.