ಎಸ್ಸೆಸ್ಸೆಲ್ಸಿ ಸಾಧಕ ವಿದ್ಯಾರ್ಥಿಗಳಿಗೆ ಶಿಕ್ಷಕನಿಂದ ಪ್ರವಾಸಭಾಗ್ಯ!

- ಯರವ ನಾಗತಿಹಳ್ಳಿ ಕ್ಯಾಂಪ್‌ನ ಬಾಲಾಜಿ ಸಂಯುಕ್ತ ಪ್ರೌಢಶಾಲೆ ವಿದ್ಯಾರ್ಥಿಗಳಿಗೆ ಮೈಸೂರು ಪ್ರವಾಸ

- ಉತ್ತಮ ಫಲಿತಾಂಶ ಬಂದರೆ ಪ್ರವಾಸ ಕರೆದೊಯ್ಯುವ ಭರವಸೆ ನೀಡಿದ್ದ ವಿಜ್ಞಾನ ಶಿಕ್ಷಕ

- ನೆಚ್ಚಿನ ಶಿಕ್ಷಕನಿಲ್ಲದೇ ಮಾಡಿದ್ದ ಪ್ರವಾಸಕ್ಕೆ ಕಡುಬೇಸರ, ಮತ್ತೊಮ್ಮೆ ಟೂರ್‌ ಹೊಡೆದ ಮಕ್ಕಳು

ಉತ್ತಮ ಫಲಿತಾಂಶ ತಂದರೆ ಪ್ರವಾಸ ಕರೆದೊಯ್ಯುವುದಾಗಿ ಶಾಲೆಯಲ್ಲಿ ಶಿಕ್ಷಕರು ಹೇಳಿದ್ದರು. ಈ ಮಾತಿನಂತೆ, ಒಳ್ಳೆಯ ಫಲಿತಾಂಶ ತಂದಿದ್ದಕ್ಕೆ ಪ್ರವಾಸ ಮಾಡಿದರೂ ಅದು ಸರಿಯಾಗಿಲ್ಲವೆಂದು ವಿದ್ಯಾರ್ಥಿಗಳು ಹೇಳಿದ್ದರು. ಆದರೆ, 2 ವರ್ಷಗಳ ನಂತರ ವಿದ್ಯಾರ್ಥಿಗಳಿಗೆ ಶಿಕ್ಷಕರು ತಮ್ಮ ಸ್ವಂತ ಖರ್ಚಿನಲ್ಲಿ ಹಳೇ ಮೈಸೂರು ಭಾಗದ ಪುಣ್ಯಕ್ಷೇತ್ರ, ಪ್ರವಾಸಿ ತಾಣಗಳ ದರ್ಶನ ಮಾಡಿಸಿ, ಗುರುವಿನ ಮಹತ್ವ, ಶೈಕ್ಷಣಿಕ ಕಾಳಜಿ ಎಷ್ಟೆಂಬುದು ಸಾಬೀತುಪಡಿಸಿದ್ದಾರೆ.

2022-23ನೇ ಸಾಲಿನಲ್ಲಿ ಎಸ್ಸೆಸ್ಸೆಲ್ಸಿ ಓದಿದ್ದ, ಈಗ ದಾವಣಗೆರೆ ಸೇರಿದಂತೆ ವಿವಿಧೆಡೆ ದ್ವಿತೀಯ ಪಿಯುಸಿ ಓದುತ್ತಿರುವ ಹಳೆಯ ವಿದ್ಯಾರ್ಥಿಗಳಿಗೆ ಶಿಕ್ಷಕ ಪವಾಡಿ ಮೇಘರಾಜ ಪ್ರವಾಸ ಕಾರ್ಯಕ್ರಮ ಮೂಲಕ ಮಕ್ಕಳ ಹಳೆಯ ಕೊರಗನ್ನು ನಿವಾರಿಸಿ, ಎಲ್ಲರ ಗಮನ ಸೆಳೆದಿದ್ದಾರೆ.

ವಿದ್ಯಾರ್ಥಿಗಳಂತೂ ಶಿಕ್ಷಕ ಮೇಘರಾಜ ಸಿಕ್ಕಾಗಲೆಲ್ಲಾ ಅದೇ ಮಾತು ಹೇಳುತ್ತಿದ್ದರು. ಇದರಿಂದಾಗಿ ಮಕ್ಕಳ ಬೇಸರ ನಿವಾರಿಸಲು ಮಾತು ಕೊಟ್ಟಂತೆ ಶಿಕ್ಷಕ ಪವಾಡಿ ಮೇಘರಾಜ ಅವರು ಇತ್ತೀಚೆಗೆ ತಮ್ಮ ಕುಟುಂಬ, ಕೆಲಮಕ್ಕಳ ಪಾಲಕರ ಪೈಕಿ ಕೆಲವರಿಗೆ ಪ್ರವಾಸದ ವ್ಯವಸ್ಥೆ ಮಾಡಿದ್ದರು. ಬಾಲಾಜಿ ಪ್ರೌಢಶಾಲೆಯ ಹಳೆಯ 20 ಬಾಲಕರು, 10 ಬಾಲಕಿಯರು ಹಾಗೂ 8-10 ಪಾಲಕರು ಸೇರಿದಂತೆ ಎಲ್ಲರಿಗೂ ಬಸ್ಸಿನಲ್ಲಿ ಪ್ರವಾಸ ಮಾಡಿಸಿ, ಎಲ್ಲರ ವಿಶ್ವಾಸ-ಪ್ರೀತಿಗೆ ಪಾತ್ರರಾದರು. ಬಸ್ಸಿನಲ್ಲಿ ಮೈಸೂರು ಹಾಗೂ ಸುತ್ತಮುತ್ತಲ ಜಿಲ್ಲೆಗಳಲ್ಲಿ ಪ್ರವಾಸ ಮಾಡಿದ ಮಕ್ಕಳು ಈಗ ಫುಲ್‌ ಖುಷ್‌ ಆಗಿದ್ದಾರೆ.

- - -

- - -

- ಪವಾಡಿ ಮೇಘರಾಜ, ವಿಜ್ಞಾನ ಶಿಕ್ಷಕ, ಬಾಲಾಜಿ ಸಂಯುಕ್ತ ಪ್ರೌಢಶಾಲೆ

ದಾವಣಗೆರೆ ತಾಲೂಕಿನ ಯರವ ನಾಗತಿಹಳ್ಳಿ ಕ್ಯಾಂಪ್‌ನ ಬಾಲಾಜಿ ಸಂಯುಕ್ತ ಪ್ರೌಢಶಾಲೆ 10ನೇ ತರಗತಿ ಓದಿದ್ದ ಮಕ್ಕಳು ವಿಜ್ಞಾನ ಶಿಕ್ಷಕ ಪವಾಡಿ ಮೇಘರಾಜ ನೇತೃತ್ವದಲ್ಲಿ ಮೈಸೂರು ಪ್ರವಾಸಿ ತಾಣಗಳಿಗೆ ಭೇಟಿ ನೀಡಿದರು.