ದೇಶ ಬದುಕಿರೋದೇ ಅನ್ನ, ನೀರಿನ ಮೇಲೆ: ಸ್ವಾಮೀಜಿ

- ಸಾವಯವ ಕೃಷಿಯಿಂದಲೇ ಸದೃಢ ಭಾರತ ನಿರ್ಮಾಣದ ಜನಜಾಗೃತಿ ಸಮಾರಂಭ

ಕನ್ನಡಪ್ರಭ ವಾರ್ತೆ ನ್ಯಾಮತಿ

ಪಟ್ಟಣದ ಶ್ರೀ ಪೇಟೆ ಬಸವೇಶ್ವರ ದೇವಾಲಯ ಟ್ರಸ್ಟ್‌, ಶ್ರೀ ಪೇಟೆ ಬಸವೇಶ್ವರ ವಿನಾಯಕ ಸೇವಾ ಸಮಿತಿ ಮತ್ತು ಶ್ರೀ ಪೇಟೆ ಬಸವೇಶ್ವರ ಮಹಿಳಾ ಘಟಕದ ಆಶ್ರಯದಲ್ಲಿ ಲಿಂಗೈಕ್ಯ ಸಿದ್ದಗಂಗಾ ಮಠದ ಶ್ರೀ ಶಿವಕುಮಾರ ಸ್ವಾಮೀಜಿ, ಹೊನ್ನಾಳಿ ಹಿರೇಕಲ್ಮಠದ ಶ್ರೀ ಒಡೆಯರ್‌ ಚಂದ್ರಶೇಖರ ಶಿವಾಚಾರ್ಯ ಸ್ವಾಮೀಜಿ, ರಾಂಪುರ ಬೃಹನ್ಮಠದ ವಿಶ್ವೇಶ್ವರ ಶಿವಾಚಾರ್ಯ ಹಾಲಸ್ವಾಮೀಜಿ ಸ್ಮರಣಾರ್ಥ ಹಮ್ಮಿಕೊಂಡಿದ್ದ ಸಾವಯವ ಕೃಷಿಯಿಂದಲೇ ಸದೃಢ ಭಾರತ ನಿರ್ಮಾಣದ ಬೃಹತ್‌ ಜನ ಜಾಗೃತಿ ಸಮಾರಂಭ ಮತ್ತು ಶ್ರೀ ಪೇಟೆ ಬಸವೇಶ್ವರ ಸಮುದಾಯ ಭವನದ ಎರಡನೇ ಹಂತದ ಕಟ್ಟಡ ಕಾರ್ಯಕ್ಕೆ ಜೀವಾಮೃತ ಕಾರ್ಯಕ್ರಮದ ಸಾನ್ನಿಧ್ಯ ವಹಿಸಿ ಅವರು ಮಾತನಾಡಿದರು.

ಹೊಲದಲ್ಲಿ ಬೆಳೆದ ಪೈರು, ತರಕಾರಿ, ಹಣ್ಣುಗಳಿಗೆ ಹುಳುಗಳ ಬಾಧೆ ತಪ್ಪಿಸಲು ಕ್ರಿಮಿನಾಶಕ ಔಷಧಿ ಹೊಡೆಯುತ್ತೇವೆ. ಪಕ್ಷಿಗಳು ಕಾಳುಗಳ ತಿಂದು ಸಾಯುತ್ತವೆ. ಮನುಷ್ಯನು ಅದೇ ಕಾಳುಗಳನ್ನೇ ಉಪಯೋಗಿಸುತ್ತಾನೆ. ಇದರಿಂದ 27 ಗ್ರಾಂಷ್ಟು ವಿಷ ದೇಹದಲ್ಲಿ ಸೇರ್ಪಡೆಯಾಗುತ್ತದೆ. ಈಗ ಎಷ್ಟು ವರ್ಷ ಬದುಕುತ್ತಾನೆ? ಹಿಂದಿನ ಕಾಲದ ಜನ ನೂರಾರು ವರ್ಷ ಬದುಕಿದ್ದಾರೆ. ರೈತ ತಾನು ಬೆಳೆದ ಬೆಳೆಗಳಿಂದ ನೆಮ್ಮದಿಯಿಂದ ಜೀವನ ನಡೆಸಿ ಸಂತೋಷಪಡುತ್ತಿದ್ದ ಕಾಲವಿತ್ತು. ಈಗ ರೈತ ತುಂಬಾ ಕಷ್ಟಪಡುತ್ತಿದ್ದಾನೆ. ದನ-ಕರುಗಳು ಬೇಡ, ಧನ ಬೇಕಾಗಿದೆ. ತರಕಾರಿ ಅಂಗಡಿಗಳು ಪುಟ್‌ಬಾತ್‌ ಮೇಲಿವೆ. ಆದರೆ ನಾವು ಪಾದಕ್ಕೆ ಹಾಕಿಕೊಳ್ಳುವ ಚಪ್ಪಲಿ ಅಂಗಡಿಗಳು ಎಸಿ ರೂಮ್‌ನಲ್ಲಿವೆ. ಹಂದಿಮುಖದ ಹಸುಗಳನ್ನು ಬಿಡಿ, ನಮ್ಮ ದೇಶಿಯ ಹಸುಗಳನ್ನು ಸಾಕಿ. ಸಗಣಿ, ಗೋಮೂತ್ರದಿಂದ ಉಪಯೋಗ ಪಡೆದು ಹಾಲು ಮೊಸರು ಮಜ್ಜಿಗೆಯಿಂದ ಆರೋಗ್ಯ ಕಾಪಾಡಿಕೊಳ್ಳಿರಿ ಎಂದು ಸ್ವಾಮೀಜಿ ಆಶೀರ್ವಚನ ನೀಡಿದರು.

ಮಲೇಬೆನ್ನೂರು ಶ್ರೀ ವೀ.ದೇ. ಧರ್ಮದರ್ಶಿ ಬಿ.ಚಿದಾನಂದಪ್ಪ, ಎಪಿಎಂಸಿ. ಮಾಜಿ ಅಧ್ಯಕ್ಷ ಎನ್‌.ಜೆ.ವಾಗೀಶ್‌, ತಾ.ಪಂ. ಮಾಜಿ ಅಧ್ಯಕ್ಷ ಎಸ್‌.ಪಿ. ರವಿಕುಮಾರ್‌, ನ್ಯಾ.ಸಾ.ವೀ.ಸಮಾಜದ ಅಧ್ಯಕ್ಷ ಜಿ.ಶಿವಪ್ಪ, ಬಣಗಾರ್‌ ಮಲ್ಲಿಕಾರ್ಜುನ, ಶೆಟ್ರು ವೀರಣ್ಣ, ಡಾ.ಬಸವರಾಜಪ್ಪ, ಮಾಸ್ಟಿ ಮೀನಾಕ್ಷಮ್ಮ, ಬಾರೆ ಮರದ ಚನ್ನೇಶ್‌ ಮತ್ತಿತರರಿದ್ದರು.

- - -

-ಸಮಾರಂಭವನ್ನು ಕನ್ನೇರಿ ಮಠದ ಶ್ರೀ ಅದೃಶ್ಯ ಕಾಡಸಿದ್ಧೇಶ್ವರ ಮಹಾಸ್ವಾಮೀಜಿ ಉದ್ಘಾಟಿಸಿದರು. ಶಾಸಕ ಡಿ.ಜಿ. ಶಾಂತನಗೌಡ, ಮಾಜಿ ಸಚಿವ ರೇಣುಕಾಚಾರ್ಯ, ಡಿ.ಜಿ. ವಿಶ್ವನಾಥ ಇತರರು ಇದ್ದರು.