ನಾಗರಿಕತೆ ಬೆಳೆದರೂ ಬದಲಾಗದ ಮಹಿಳೆಯ ಸ್ಥಿತಿ

ಸೋಮರಡ್ಡಿ ಅಳವಂಡಿ

ಬೆಳೆದ ನಾಗರಿಕತೆಯ ನಡುವೆಯೂ ಮಹಿಳೆಯ ಸ್ಥಿತಿ ಘನಘೋರವಾಗಿದೆ. ಮಹಾತ್ಮ ಗಾಂಧೀಜಿ ಅವರ ಆಶಯದಂತೆ ರಾತ್ರಿಯಲ್ಲ, ಹಗಲು ಸಹ ಆಕೆ ಸ್ವತಂತ್ರವಾಗಿ ಓಡಾಡುವ ಸ್ಥಿತಿ ಇಲ್ಲ ಎಂದು ಕೊಪ್ಪಳ ತಾಲೂಕು 10ನೇ ಕನ್ನಡ ಸಾಹಿತ್ಯ ಸಮ್ಮೇಳನ ಸರ್ವಾಧ್ಯಕ್ಷೆ ಮಾಲಾ ಡಿ. ಬಡಿಗೇರ ಹೇಳಿದ್ದಾರೆ.

ಹಾಗಂತ ಮಹಿಳೆಯರಿಗೆ ಗೌರವವೇ ಸಿಗುತ್ತಿಲ್ಲ ಎಂದಲ್ಲ, ಸಿಗುತ್ತದೆಯಾದರೂ ಸಿಗಬೇಕಾದಷ್ಟು ಸಿಗುತ್ತಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು.

ಕನ್ನಡಕ್ಕೆ ಸಂಕಷ್ಟ:

ಕೊಪ್ಪಳ ಬಳಿ ಕಾರ್ಖಾನೆಗಳು ಬರುತ್ತಿರುವುದು ಅತ್ಯಂತ ಅಘಾತಕಾರಿಯಾಗಿದೆ. ಈಗಾಗಲೇ ಅನೇಕರು ದೊಡ್ಡ ಹೋರಾಟ ಮಾಡುತ್ತಿದ್ದಾರೆ. ನಾನು ಸಹ ಕಾರ್ಖಾನೆ ಸ್ಥಾಪನೆ ವಿರೋಧಿಸಿ ನಡೆದ ಮಾನವಸರಪಳಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದೇನೆ. ಸಮ್ಮೇಳನ ಮುಗಿದ ಮೇಲೆ ಇದನ್ನು ದೊಡ್ಡ ಹೋರಾಟವಾಗಿ ರೂಪಿಸುವ ದೃಷ್ಟಿಯಿಂದ ಮನೆ-ಮನೆಗೆ ಹೋಗಿ ನಾವು ಸಹ ಗುಂಪು ಕಟ್ಟಿಕೊಂಡು, ಜಾಗೃತಿ ಮೂಡಿಸುತ್ತೇವೆ ಎಂದು ಹೇಳಿದ್ದಾರೆ.

ಬೆಳಗಾವಿ ಜಿಲ್ಲೆಯ ಸವದತ್ತಿ ತಾಲೂಕಿನ ಹಿರೇಕುಂಬಿಯವರಾದ ಮಾಲ ಬಡಿಗೇರ ೧೯೮೧ರಲ್ಲಿ ಉಪ್ಪಿನ ಬೆಟಗೇರಿಯ ಸರ್ಕಾರಿ ಪ್ರೌಢಶಾಲೆಯಲ್ಲಿ ಶಿಕ್ಷಕಿಯಾಗಿ ಸೇವೆಗೆ ಸೇರಿದರು. ಕೆಲ ವರ್ಷಗಳ ಬಳಿಕ ಕುಕನೂರು ತಾಲೂಕಿನ ಮಂಗಳೂರು ಶಾಲೆಗೆ ವರ್ಗವಾದರು. ನಂತರ ಭಾಗ್ಯನಗರ, ಕಿನ್ನಾಳ ಹಾಗೂ ಕವಲೂರು (ಮುಖ್ಯಶಿಕ್ಷಕಿ) ಸೇವೆ ಸಲ್ಲಿಸಿ ನಿವೃತ್ತರಾದರು.

ಕನ್ನಡ ಸಾಹಿತ್ಯ ಪರಿಷತ್ತು ಕೊಡಮಾಡುವ ''''''''ನೀಲಗಂಗಾ ದತ್ತಿ ಪ್ರಶಸ್ತಿ'''''''' ಈ ಕೃತಿಗೆ ಲಭಿಸಿದ್ದು ಗಮನಾರ್ಹ. ಅದೇ ಪ್ರಕಾಶನ ಅವರ ಪ್ರಬಂಧ ಸಂಕಲನ ''''''''ಮನದಾಳ'''''''' ೨೦೨೪ರಲ್ಲಿ ಮುದ್ರಿಸಿ ಪ್ರೋತ್ಸಾಹ ನೀಡಿದೆ.