ಅತ್ತ ಮಧ್ಯಪ್ರಾಚ್ಯ ಯುದ್ಧ; ಇತ್ತ ಡಾಂಬರೀಕರಣ ಸ್ಥಗಿತ

ವಿಶ್ವನಾಥ ಮಲೇಬೆನ್ನೂರು

ಒಳಚರಂಡಿ ಹಾಗೂ ದುರಸ್ತಿ ಕಾಮಗಾರಿ, ಗುಂಡಿಗಳಿಂದ ಕೂಡಿರುವ ಚಿಕ್ಕಮಗಳೂರು ನಗರದ ಗಲ್ಲಿ ರಸ್ತೆಗಳಿಗೆ ಸದ್ಯಕ್ಕೆ ಡಾಂಬರೀಕರಣದ ಭಾಗ್ಯ ಇಲ್ಲ.

ಇನ್ನೂ ರಾಜ್ಯ ಸರ್ಕಾರದ ಗ್ಯಾರಂಟಿ ಯೋಜನೆ ಜಾರಿಯಿಂದ ಕಾಮಗಾರಿಗೆ ಅನುದಾನದ ಕೊರತೆಯೂ ಕಾರಣವಲ್ಲ. ಡಾಂಬರೀಕರಣ ಕಾಮಗಾರಿಗೆ ವಿಳಂಬಕ್ಕೆ ವಿಶ್ವದ ದೊಡ್ಡಣ್ಣ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಹಾಗೂ ಇರಾನ್‌ನ ಸರ್ವೋಚ್ಚ ನಾಯಕ ಮೊಜ್ತಾಬಾ ಹೊಸೇನಿ ಖಮೇನಿ ಕಾರಣರಾಗಿದ್ದಾರೆ.

ಮಧ್ಯಪ್ರಾಚ್ಯದಲ್ಲಿ ಯುದ್ಧ ಆರಂಭಗೊಂಡ ಬಳಿಕ ಕಚ್ಚಾ ತೈಲ ಪೂರೈಕೆಯಲ್ಲಿ ವ್ಯತ್ಯಾಸ ಉಂಟಾಗಿದೆ. ಇದರಿಂದ ಅಗತ್ಯ ವಸ್ತುಗಳಲ್ಲಿ ಬೆಲೆ ಏರಿಕೆ ಆಗುತ್ತಿದೆ. ಅದರಲ್ಲೂ ಪೆಟ್ರೋಲ್‌, ಡೀಸಲ್‌, ಗ್ಯಾಸ್‌ ಸೇರಿದಂತೆ ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿವೆ.

ಯುದ್ಧ ಪ್ರಾರಂಭವಾಗುವುದಕ್ಕೂ ಮೊದಲ ಪ್ರತಿ ಬ್ಯಾರಲ್‌ ಡಾಂಬರ್‌ ದ್ರಾವಣದ ಬೆಲೆ 30 ರಿಂದ 35 ಸಾವಿರ ರು. ಇತ್ತು. ಆದರೆ, ಇದೀಗ 90 ರಿಂದ 95 ಸಾವಿರ ರು,ಗೆ ಏರಿಕೆಯಾಗಿದೆ. ಹೀಗಾಗಿ, ಚಿಕ್ಕಮಗಳೂರಿನ ರಸ್ತೆ ಡಾಂಬರೀಕರಣಕ್ಕೆ ಕಾಮಗಾರಿಯ ಮುಂದುವರಿಸುವುದಕ್ಕೆ ಗುತ್ತಿಗೆದಾರರು ಹಿಂದೇಟು ಹಾಕುತ್ತಿದ್ದಾರೆ. ಇದರಿಂದ ಸುಮಾರು 12 ಕೋಟಿ ರು. ಮೊತ್ತದ ನಗರದ ರಸ್ತೆ ಡಾಂಬರೀಕರಣ ಕಾಮಗಾರಿ ಸ್ಥಗಿತಗೊಂಡಿದೆ.

ಯುದ್ಧ ನಿಲ್ಲುವವರೆಗೆ ಕಾಯಬೇಕು:

ಕಾಂಕ್ರೀಟ್‌ ರಸ್ತೆ ನಿರ್ಮಾಣದ ಪರಿಹಾರ

ನಗರದ ಮುಖ್ಯ ರಸ್ತೆಗಳಲ್ಲಿ ಡಾಂಬರೀಕರಣ ಕಾಮಗಾರಿ ಪೂರ್ಣಗೊಂಡಿದೆ. ಯಾವುದೇ ಸಮಸ್ಯೆ ಇಲ್ಲ. ಆದರೆ, ಮುಖ್ಯ ರಸ್ತೆ ಸಂಪರ್ಕ ಕಲ್ಪಿಸುವ ರಸ್ತೆಗಳಲ್ಲಿ ಡಾಂಬರೀಕರಣ ಮಾಡುವ ಕಾಮಗಾರಿ ಬಾಕಿ ಇದೆ. ಬಿಟುಮಿನ್‌ ಬೆಲೆ ಭಾರೀ ಪ್ರಮಾಣದಲ್ಲಿ ಏರಿಕೆ ಆಗಿರುವುದರಿಂದ ಡಾಂಬರೀಕರಣ ಸಾಧ್ಯವಾಗುತ್ತಿಲ್ಲ.