‘ಮಧು ನಿವಾಸ್’ ಹೋಟೆಲ್‌ ಹೆಸರು ಕೇಳದ ಮೈಸೂರಿಗನಿಲ್ಲ..!

ಕನ್ನಡಪ್ರಭ ವಾರ್ತೆ ಮೈಸೂರು

ಗಾಂಧಿ ಚೌಕದಲ್ಲಿ ಕಳೆದ ಐದು ದಶಕಗಳ ಹಿಂದೆ ತೆಲೆ ಎತ್ತಿದ್ದ ಮಧುನಿವಾಸ್, ಈಗ ಹೊಸ ಮಾದರಿಯಲ್ಲಿ ಸಿದ್ಧಾರ್ಥ ಬಡಾವಣೆಯಲ್ಲಿ ಆರಂಭವಾಗಿದೆ. ಮಧುನಿವಾಸ್ ಹೋಟೆಲ್‌ ಆರಂಭಿಸಿದ್ದ ಲೇಟ್ ಬಿ.ರಾಮದಾಸ್‌ ಭಟ್ ಅವರ ಪುತ್ರ ಬಿ.ಆರ್. ರಾಘವೇಂದ್ರ ಭಟ್ ಅವರು 1997 ರಲ್ಲಿ ಜಿಎಸ್ಎಸ್ ಶಾಲೆ ಪಕ್ಕದ ರಸ್ತೆಯಲ್ಲಿ ತೆರೆದಿರುವ ಹೊಟೇಲ್ ದೋಸೆ ಮತ್ತು ಮಧ್ಯಾಹ್ನದ ಊಟಕ್ಕೆ ಹಸರುವಾಸಿ.

ಇದರ ಜೊತೆಗೆ ಮೈಸೂರು ಜಿಲ್ಲಾ ಹಾಲು ಒಕ್ಕೂಟದ ಅಧಿಕಾರಿ ಮತ್ತು ಸಿಬ್ಬಂದಿಗಳೂ ಕೂಡ ಇಲ್ಲಿಗೆ ಭೇಟಿ ನೀಡುತ್ತಾರೆ. ಸಿದ್ಧಾರ್ಥ ಬಡಾವಣೆಯ ಜನತೆಯ ಸಹಕಾರ ಮತ್ತು ಅವರ ಸ್ನೇಹಪರತೆಯನ್ನು ಹೋಟೆಲ್‌ ಮಾಲೀಕರಾಗಲಿ ಮತ್ತು ಸಿಬ್ಬಂದಿಯಾಗಲಿ ಮರೆತಿಲ್ಲ. ಕಳೆದ 25 ವರ್ಷಗಳಿಂದಲೂ ಪ್ರತಿನಿತ್ಯ ಭೇಟಿ ನೀಡುವ ಹಿರಿಯ ನಾಗರೀಕರು ಮತ್ತು ಸ್ನೇಹಿತ ವರ್ಗದವರು ಹೆಚ್ಚು ಆಪ್ತವಾಗಿ ನಡೆದುಕೊಳ್ಳುತ್ತಾರೆ. ಹಿರಿಯ ನಾಗರೀಕರು ಹೋಟೆಲ್‌ ಮೇಲಿಟ್ಟಿರುವ ವಿಶ್ವಾಸವನ್ನು ಅರಿತಿರುವ ಮಾಲೀಕ ರಾಗವೇಂದ್ರ ಭಟ್ ಅವರು ಅವರಿಗೆ ಉಚಿತವಾಗಿ ಕಾಫಿ, ಟೀ ನೀಡುತ್ತಾರೆ.

ಮಧು ನಿವಾಸ ಹೋಟೆಲ್‌ ಹಿನ್ನೆಲೆ:

ಆದ್ದರಿಂದ 1960 ರಲ್ಲಿ ನಗರದ ಹೃದಯ ಭಾಗವಾದ ಗಾಂಧಿಚೌಕದಲ್ಲಿ ಆರಂಭಿಸಿದ ‘ಮಧುನಿವಾಸ್’ ಹೋಟೆಲ್‌ ಮನೆಮಾತಾಗಲು ಹೆಚ್ಚು ಸಮಯ ಹಿಡಿಯಲಿಲ್ಲ. ಮೊದಲ ಬಾರಿಗೆ ಹೋಟೆಲ್ ಮಧುನಿವಾಸ್ ಕೇಟರಿಂಗ್ ಎಂದರೆ ಎಲ್ಲಿಲ್ಲದ ಪ್ರೀತಿ.

ಮೈಸೂರಿನಲ್ಲಿ ಹೊರಗಿನಿಂದ ಬಂದು ಹೋಟೆಲ್‌ ಉದ್ಯಮ ಆರಂಭಿಸಿ ಸೈ ಎನಿಸಿಕೊಂಡರು. ಸುಮಾರು 65 ವರ್ಷಗಳಷ್ಟು ಹಳೆಯಾದ ಮಧುನಿವಾಸ್‌ ಹೋಟೆಲ್ ಬಿ. ರಾಮದಾಸ್ ಅವರ ನಿಧನದ ಬಳಿಕ ಗಾಂಧಿಚೌಕದಲ್ಲಿಯೇ ರಾಧಾಕೃಷ್ಣ ಭಟ್ ಅವರು ನಡೆಸಿಕೊಂಡು ಬರುತ್ತಿದ್ದರು. ಮೈಸೂರಿನಿಂದ ಆಚೆಗೂ ಕ್ಯಾಟರಿಂಗ್ ವ್ಯವಸ್ಥೆಯನ್ನು ವಿಸ್ತರಿಸಿದ ಕೀರ್ತಿ ಈ ಕುಟುಂಬದವರಿಗೆ ಸಲ್ಲುತ್ತದೆ.ಹೋಟೆಲ್‌ ಆರಂಭವಾದಾಗಿನಿಂದ ಇಲ್ಲಿನ ಅಡುಗೆ ಸಿಬ್ಬಂದಿ ನಮ್ಮೊಂದಿಗೆ ಉತ್ತಮ ಬಾಂಧವ್ಯ ಹೊಂದಿದ್ದಾರೆ. ಇಲ್ಲಿನ ಗ್ರಾಹಕರು ನಮ್ಮೊಡನೆ ಉತ್ತಮ ಬಾಂಧವ್ಯ ಹೊಂದಿದ್ದು, ಪ್ರತಿನಿತ್ಯವೂ ಭೇಟಿ ನೀಡುವ ತಂಡವೇ ಇದೆ. ನಮ್ಮ ನಿತ್ಯದ ಗ್ರಾಹಕರಿಗೆ ಕೆಲವೊಂದು ವೇಳೆ ರಿಯಾಯಿತಿ ನೀಡಿರುವುದೂ ಉಂಟು.