ದುಃಖ ಕಳೆದು ಸುಖ ದೊರೆಯಲು ಧರ್ಮ ಮಾರ್ಗದಲ್ಲಿ ನಡೆಯಿರಿ

ನವಲಗುಂದ: ಮನುಷ್ಯನಿಗೆ ಸುಖವೆಂಬುದು ಗಗನ ಕುಸುಮವಾಗಿದೆ. ದುಃಖ ಕಳೆದು ಸುಖ ದೊರೆಯಬೇಕಾದರೆ ನಾವೆಲ್ಲರೂ ಧರ್ಮದಿಂದ ನಡೆಯಬೇಕು ಎಂದು ಕುಂದಗೋಳ ಕಲ್ಯಾಣಪುರಮಠದ ಬಸವಣ್ಣಜ್ಜನವರು ಆಶೀರ್ವಚನ ನೀಡಿದರು.

ಜನವೋ ಜನ: ತಿರ್ಲಾಪುರ ಗ್ರಾಮದಲ್ಲಿ ಹಿಂದೆಂದೂ ಕಂಡರಿಯದಂತೆ ಎತ್ತ ನೋಡಿದರೂ ಜನವೋ ಜನ. ಅಸಂಖ್ಯಾತ ಭಕ್ತ ಸಾಗರ ಭಕ್ತಿಭಾವದಲ್ಲಿ ತೇಲುತ್ತಿದೆ. ಅವಿಸ್ಮರಣೀಯ ಧಾರ್ಮಿಕ ಪವಿತ್ರತೆಯ ಭಾವನಾತ್ಮಕ ಅಭೂತಪೂರ್ವ ದೃಶ್ಯ ನೋಟಕ್ಕೆ ಗ್ರಾಮ ದೇವತೆಗಳ ಮೂರ್ತಿ ಪ್ರಾಣ ಪ್ರತಿಷ್ಠಾಪನೆ ಹಾಗೂ ಜಾತ್ರಾ ಮಹೋತ್ಸವವು ಸೋಮವಾರ ಸಾಕ್ಷಿಯಾಗಿತ್ತು.

ಗ್ರಾಮ ದೇವತೆ ಯುವಕ ಮಂಡಳ, ಪರ್ವತ ಮಲ್ಲಿಕಾರ್ಜುನ ಯುವಕ ಮಂಡಳ, ಶರಣಬಸವೇಶ್ವರ ಯುವಕ ಮಂಡಳ, ಮಾರುತಿ ಯುವಕ ಮಂಡಳ, ಇಂಚಗೇರಿಮಠ ಯುವಕ ಮಂಡಳ, ಹುಚ್ಚೀರೇಶ್ವರ ಯುವಕ ಮಂಡಳ, ಬೀರದೇವರ ಯುವಕ ಮಂಡಳ ಸೇರಿದಂತೆ ಗ್ರಾಮದ ಎಲ್ಲ ಮಹಿಳಾ ಸಂಘಗಳ ಮಹಿಳೆಯರು, ಯುವ ಬಳಗ ಶಾಲಾ ವಿದ್ಯಾರ್ಥಿಗಳು, ಗ್ರಾಮದ ಎಲ್ಲ ಹಿರಿಯರು ಸಮಾಗಮದಲ್ಲಿ ವಿವಿಧ ಕಾರ್ಯಗಳು ನೆರವೇರಿದವು. ನಂತರ ಪ್ರಸಾದ ಸೇವೆ ಜರುಗಿತು.

ಗ್ರಾಮದ ಹಾಗೂ ಸುತ್ತಮುತ್ತಲಿನ ಹಳ್ಳಿಗಳಿಂದ ಸಾವಿರಾರು ಭಕ್ತರು ಬಿಸಿಲು ಲೆಕ್ಕಿಸದೆ ಚಿಕ್ಕ ಮಕ್ಕಳು ಹಾಗೂ ಮಹಿಳೆಯರು, ಹಿರಿಯರು, ಯುವಕರು ದಂಡು ತಂಡೋಪತಂಡವಾಗಿ ಬರುತ್ತಿರುವುದನ್ನು ನೋಡಿದರೆ ಈ ಜನರು ಗ್ರಾಮ ದೇವತೆಗಳ ಮೇಲೆ ಇಟ್ಟಿರುವ ಆ ಭಕ್ತಿಯೇ ಸಾಕ್ಷಿ ಎಂದು ಸೋಮೇಶ್ವರ ರೈತರ ಸಹಕಾರಿ ಸಂಘ ನೂಲಿನ ಗಿರಣಿ ಲಕ್ಷ್ಮೇಶ್ವರ ಉಪಾಧ್ಯಕ್ಷ ಗುರುಸಿದ್ದಪ್ಪ ಮೆಣಸಿನಕಾಯಿ ಹೇಳಿದರು.