ಆಲಮೇಲ ಪಟ್ಟಣದಲ್ಲಿಯೂ ಶ್ರೀರಾಮನ ಕುರುಹುಗಳು

ಕನ್ನಡಪ್ರಭ ವಾರ್ತೆ ಸಿಂದಗಿ

ಆಲಮೇಲ ಪಟ್ಟಣದ ದಕ್ಷಿಣ ದಿಕ್ಕಿಗಿರುವ ಶ್ರೀ ರಾಮಲಿಂಗ ದೇವಸ್ಥಾನ ರಾಮಾಯಣ ಕಾಲದಲ್ಲಿಯೇ ನಿರ್ಮಾಣವಾಗಿದೆಂಬ ಉಲ್ಲೇಖವಿದೆ.

ನಂತರ ಅಯೋಧ್ಯೆದಿಂದ ಒಬ್ಬ ಸಾಧು ಪಂಚಲಿಂಗದ ಹುಡುಕಾಟ ಮತ್ತು ದರ್ಶನಕ್ಕೆಂದು ಶ್ರೀರಾಮನು ಲಂಕೆಗೆ ಹಾದು ಹೋಗಿರುವ ನಕ್ಷೆಯನ್ನು ಹಿಡಿಕೊಂಡು ಈ ದೇವಸ್ಥಾನವನ್ನು ಹುಡುಕಾಡುತ್ತ ಆಲಮೇಲ ಪಟ್ಟಣಕ್ಕೆ ಬಂದು ದರ್ಶನ ಪಡೆದು ಹೋಗಿದ್ದಾರೆ ಎಂಬ ಮಾಹಿತಿ ಇದೆ. ಇಂದಿಗೂ ಕೂಡಾ ಈ ದೇವಸ್ಥಾನವನ್ನು ಶ್ರೀರಾಮಚಂದ್ರನೇ ಸ್ಥಾಪಿಸಿದ್ದಾನೆ ಎಂದು ಶ್ರೀರಾಮನ ನೆನಪಿನಲ್ಲಿ ಆ ಪಂಚಮುಖ ಲಿಂಗವನ್ನು ರಾಮಲಿಂಗ ಎಂದು ಸಂಬೋಧಿಸಿ ಪ್ರತಿ ವರ್ಷ ಶ್ರಾವಣ ಮಾಸದ ಕೊನೆಯ ಸೋಮವಾರ ಮತ್ತು ಶಿವರಾತ್ರಿ ದಿನದಂದು ಇಲ್ಲಿನ ಭಕ್ತರು ಪೂಜೆ ಸಲ್ಲಿಸುತ್ತಿದ್ದಾರೆ.