ಒಂದೇ ನಂಬರಗಳಲ್ಲಿ ಹಲವು ವಾಹನಗಳ ಸಂಚಾರ; ನಕಲಿ ಜಾಲಗಳ ಕೈವಾಡ

ಕನ್ನಡಪ್ರಭ ವಾರ್ತೆ ಉಪ್ಪಿನಂಗಡಿ

ದ್ವಿಚಕ್ರ ವಾಹನವೊಂದರ ಮಾಲಕರಿಗೆ ಸಂಚಾರಿ ನಿಯಮ ಉಲ್ಲಂಘಿಸಿದ ಕಾರಣ ನೀಡಿ ೨೫೦೦ ರು. ದಂಡ ಪಾವತಿಸಲು ಸೂಚಿಸಲಾಗಿತ್ತು. ಆದರೆ ಯಾವ ಸ್ಥಳದಲ್ಲಿ ಸಂಚಾರಿ ನಿಯಮ ಉಲ್ಲಂಘಿಸಲಾಗಿದೆ ಎಂದು ತಿಳಿಸಲಾಗಿತ್ತೋ ಆ ಸ್ಥಳಕ್ಕೆ ಆ ವಾಹನ ಮಾಲಕರು ಹೋಗಿಯೇ ಇರಲಿಲ್ಲ. ಈ ಪ್ರಕರಣವನ್ನು ಪರಿಶೀಲಿಸಿದಾಗ ಇದೇ ಸಂಖ್ಯೆಯ ನಂಬರ್ ಪ್ಲೇಟ್ ಅಳವಡಿಸಿದ ಬೇರೊಂದು ದ್ವಿ ಚಕ್ರ ವಾಹನ ಈ ಮಾರ್ಗದಲ್ಲಿ ಸಂಚರಿಸಿರುವುದು ದೃಢಪಟ್ಟಿದೆ. ನಕಲಿ ನಂಬರ್ ಪ್ಲೇಟ್ ಬಳಕೆಯ ಪ್ರಕರಣಗಳು ನಡೆಯುತ್ತಿರುವ ಶಂಕೆ ಉದ್ಭವಿಸಿದೆ.

ನಕಲಿ ನಂಬರ್‌ ಪ್ಲೇಟ್ ಬಳಸಿ ವಾಹನ ಚಲಾಯಿಸುವ ಕೃತ್ಯಗಳನ್ನು ಹಾಗೂ ನಕಲಿ ನಂಬರ್ ಪ್ಲೇಟ್ ಅಳವಡಿಸುವ ಜಾಲಗಳ ವಿರುದ್ದ ಕಠಿಣ ಕ್ರಮಕ್ಕೆ ಮುಂದಾಗಬೇಕಾದ ಅಗತ್ಯತೆ ಇದೆ.ಮೇಲ್ನೋಟಕ್ಕೆ ಯಾವುದೇ ವಾಹನಗಳ ನಂಬರ್ ಪ್ಲೇಟ್‌ ಅಸಲಿಯೋ ನಕಲಿಯೋ ಎಂದು ಗುರುತಿಸುವುದು ಕಷ್ಟ ಸಾಧ್ಯ. ಎಲ್ಲ ದಾಖಲೆಗಳ ಪರಿಶೀಲನೆಯ ಸಂಧರ್ಭದಲ್ಲಿ ವಾಹನಗಳ ಅಸಲಿತನ ದೃಢಪಡುತ್ತದೆ. ಸಂಶಯವಿರುವ ವಾಹನಗಳ ಬಗ್ಗೆ ನಾಗರಿಕರು ಪೊಲೀಸ್ ಅಥವಾ ಸಾರಿಗೆ ಇಲಾಖೆ ಸಂಪರ್ಕಿಸಿ ಮಾಹಿತಿ ನೀಡಿದರೆ ಅಗತ್ಯ ಕ್ರಮ ಜರುಗಿಸಬಹುದಾಗಿದೆ. ನಿಯಮ ಉಲ್ಘಂಘನೆಯಾಗದಿದ್ದರೂ ನೋಟಿಸ್‌ ಬಂದಿರುವ ವಾಹನ ಮಾಲಕರು ಅಗತ್ಯ ದಾಖಲೆಯೊಂದಿಗೆ ಇಲಾಖೆಗೆ ಸಲ್ಲಿಸಿ ದಂಡ ಪ್ರಕ್ರಿಯೆಯಿಂದ ಮುಕ್ತವಾಗಬಹುದು

-------

- ಕೀರ್ತನ್‌ ಕುಮಾರ್‌, ಸಾಮಾಜಿಕ ಕಾರ್ಯಕರ್ತ

ಒಂದೇ ನೊಂದಣಿ ಸಂಖ್ಯೆಯ ನಂಬರ್ ಪ್ಲೇಟ್‌ಗಳನ್ನು ಹೊಂದಿರುವ ಎರಡು ವಾಹನಗಳು.