ಒಂದೇ ಮರಕ್ಕೆ ನೇಪಾಳದ ಇಬ್ಬರುಪ್ರಾಣ ಸ್ನೇಹಿತೆಯರು ನೇಣಿಗೆ ಶರಣು

ಕನ್ನಡಪ್ರಭ ವಾರ್ತೆ ಬೆಂಗಳೂರು

ನೇಪಾಳ ಮೂಲದ ಶಿರ್ಜಾದ ಸಾಹು (22) ಹಾಗೂ ರೀಟಾ (23) ಮೃತ ಯುವತಿಯರು. ಶಿವನಹಳ್ಳಿ ಸಮೀಪದ ಆಟದ ಮೈದಾನದಲ್ಲಿ ಮರಕ್ಕೆ ನಸುಕಿನಲ್ಲಿ ಗೆಳೆತಿಯರು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಆ ಮೈದಾನದ ಬಳಿಗೆ ವಾಯು ವಿಹಾರಕ್ಕೆ ಬಂದಾಗ ಮರದಲ್ಲಿ ನೇತಾಡುತ್ತಿದ್ದ ಅಪರಿಚಿತ ಮೃತದೇಹಗಳನ್ನು ಕಂಡು ಸ್ಥಳೀಯರು ಭೀತಿಗೊಂಡಿದ್ದಾರೆ. ತಕ್ಷಣವೇ ಪೊಲೀಸರಿಗೆ ಕರೆ ಮಾಡಿ ಸಾರ್ವಜನಿಕರು ಮಾಹಿತಿ ನೀಡಿದ್ದಾರೆ.

ಜಕ್ಕೂರಿನಲ್ಲಿ ರೀಟಾ ಹಾಗೂ ಆರ್‌.ಟಿ.ನಗರದ ಚೋಳನಾಯಕನಹಳ್ಳಿ ಬಳಿ ಶಿರ್ಜಾದ ಸಾಹು ನೆಲೆಸಿದ್ದರು. ಖಾಸಗಿ ಕಂಪನಿಯ ಸ್ವಚ್ಛತಾ ವಿಭಾಗದಲ್ಲಿ ಅವರು ಕೆಲಸ ಮಾಡುತ್ತಿದ್ದರು. ಹಲವು ವರ್ಷಗಳಿಂದ ಈ ಇಬ್ಬರು ಆತ್ಮೀಯ ಒಡನಾಡಿಗಳಾಗಿದ್ದರು. ಈ ‘ಗೆಳತನ’ಕ್ಕೆ ಅವರ ಸಂಬಂಧಿಕರು ಹಾಗೂ ಸ್ನೇಹಿತರು ಕುಹುಕವಾಡುತ್ತಿದ್ದರು. ಈ ಮಾತುಗಳಿಂದ ಅವರಿಗೆ ಬೇಸರವಾಗಿತ್ತು. ಅಲ್ಲದೆ ಕೊನೆಗೆ ಇಬ್ಬರನ್ನು ಪ್ರತ್ಯೇಕವಾಗಿಸಲು ಗೆಳೆಯತಿಯರು ಹಾಗೂ ಹೆತ್ತವರು ಯತ್ನಿಸಿದ್ದರು. ತಮ್ಮ ಸ್ನೇಹ ಕಡಿದುಕೊಳ್ಳುವಂತೆ ಈ ಗೆಳೆತಿಯರಿಗೆ ಪೋಷಕರು ತಾಕೀತು ಸಹ ಮಾಡಿದ್ದರು ಎಂದು ಮೂಲಗಳು ಮಾಹಿತಿ ನೀಡಿವೆ.

ಈ ಆತ್ಮಹತ್ಯೆ ವಿಚಾರ ತಿಳಿದು ಠಾಣೆಗೆ ಮೃತರ ಸಂಬಂಧಿಕರು ತೆರಳಿದ್ದಾರೆ. ಆಗ ಮೃತರ ಸ್ನೇಹದ ವಿಚಾರವಾಗಿ ತಮಗೆ ಇದ್ದ ಅನುಮಾನವೇ ಸಾವಿಗೆ ಕಾರಣವಾಗಿದೆ ಎಂದು ಹೇಳಿ ಮೃತರ ಸೋದರರು ದುಃಖಿಸಿದ್ದಾರೆ ಎನ್ನಲಾಗಿದೆ.