ಶಿಕ್ಷಣ, ಸಾಹಿತ್ಯ, ಸಂಸ್ಕೃತಿ ಅರಳುವ ಕಡೆ ಮಾನವೀಯತೆ ಅರಳುತ್ತದೆ

----ಕನ್ನಡಪ್ರಭ ವಾರ್ತೆ ಮೈಸೂರು

ನಗರದ ಮಹಾರಾಣಿ ಮಹಿಳಾ ಕಲಾ ಕಾಲೇಜಿನ ಸ್ನಾತಕ ಮತ್ತು ಸ್ನಾತಕೋತ್ತರ ಕನ್ನಡ ಅಧ್ಯಯನ ವಿಭಾಗ, ಕನ್ನಡ ಸಂಘ ಹಾಗೂ ಕವಿತಾ ಪ್ರಕಾಶನ ಸಹಯೋಗದಲ್ಲಿ ಕಾಲೇಜಿನ ಜಯಲಕ್ಷ್ಮಮ್ಮಣ್ಣಿ ಸಭಾಂಗಣದಲ್ಲಿ ಶುಕ್ರವಾರ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ವಿ.ವಿ. ಭುವನಾ ಅವರ ‘ಆಗಸದಿ ಹಾರುವ ಹಕ್ಕಿಗಳಿರಾ’ ಮತ್ತು ಡಾ.ಬಿ.ವಿ. ವಸಂತಕುಮಾರ್ ಅವರ ‘ಸತ್ತು ಬದುಕುವ ಸುಖ’ ಎಂಬ ಕವನ ಸಂಕಲನಗಳನ್ನು ಅವರು ಬಿಡುಗಡೆಗೊಳಿಸಿ ಮಾತನಾಡಿದರು.

ಪ್ರಸ್ತುತ ಕಾಲಘಟ್ಟದಲ್ಲಿ ಯಾರೊಬ್ಬರೂ ಬದುಕನ್ನು ಗಂಭೀರವಾಗಿ ಪರಿಗಣಿಸುತ್ತಿಲ್ಲ. ಇದಕ್ಕೆ ಮನುಷ್ಯರು ತಮ್ಮ ತಲೆಯಲ್ಲಿ ತುಂಬಿಕೊಂಡಿರುವ ನಾನತ್ವವೇ ಮುಖ್ಯ ಕಾರಣ. ಮನುಷ್ಯ ತನ್ನ ಅಹಂಕಾರದ ಕಾರಣದಿಂದಲೇ ಮೂಲಭೂತವಾಗಿ ಪಡೆದುಕೊಳ್ಳಬೇಕಾದ ಸುಖ- ಸಂತೋಷದಿಂದ ವಂಚಿತನಾಗುತ್ತಿದ್ದಾನೆ. ಮನುಷ್ಯ ನಾನು ಎಂಬ ಸಂಕುಚಿತತೆಯನ್ನು ಕಳೆದುಕೊಂಡು, ನಾವು ಎನ್ನುವ ಸಾಮಾಜಿಕ ಪ್ರಜ್ಞೆಯನ್ನು ಮೈಗೂಡಿಸಿಕೊಳ್ಳಬೇಕಿದೆ ಎಂದರು.

ಎರಡೂ ಕೃತಿಗಳಲ್ಲಿನ ಕವಿತೆಗಳು ಕಾವ್ಯಾಭಿವ್ಯಕ್ತಿಗೆ ಧಕ್ಕೆಯಾಗದ ರೀತಿಯಲ್ಲಿ ಅತ್ಯಂತ ಸೋಗಸಾಗಿ, ಸರಳ ಸುಂದರವಾಗಿ ಮೂಡಿ ಬಂದಿವೆ. ಕವಿತೆಗಳು ಅನುಭವದ ಪರಿಮಿತಿಯಲ್ಲಿವೆ. ಜಾನಪದ ಆಶಯಗಳಿಗೆ ಪೂರಕವಾಗಿದ್ದು, ಜಾನಪದ ಪರಂಪರೆಯ ಮುಂದುವರಿಕೆಯಾಗಿವೆ ಎಂದರು.

ನಂತರ ನಡೆದ ಕವಿಗೋಷ್ಠಿಯಲ್ಲಿ ಕೆ.ಎನ್. ಲಾವಣ್ಯಪ್ರಭಾ, ಸುಚಿತ್ರಾ ಹೆಗಡೆ, ಎನ್.ಆರ್. ರೂಪಶ್ರೀ, ಎನ್. ಲಾವಣ್ಯಾ, ನಂಜನಗೂಡು ಅನ್ನಪೂರ್ಣ, ಎಚ್.ಎಂ. ತನುಜಾ, ಸ್ಫೂರ್ತಿ, ಬಿ.ಎಸ್. ಮಂಜುಳಾ, ಎಂ. ರಕ್ಷಿತಾ, ಎಸ್. ಸಹನಾ, ಮಹಾಲಕ್ಷ್ಮಿ, ಲತಾಶ್ರೀ, ವಿನೋದಾ ಅವರು ತಮ್ಮ ಕವಿತೆಗಳನ್ನು ವಾಚಿಸಿದರು.

----

ಮೊಬೈಲ್ ಜಗತ್ತು ಯುವಕರರನ್ನು ಚಿತ್ರ ವಿಚಿತ್ರವಾದ ಲೋಕಕ್ಕೆ ಕೊಂಡೊಯುತ್ತಿದೆ. ಯುವಕರು ಮೊಬೈಲ್ ಗೀಳಿನಿಂದ ಹೊರ ಬಂದು ತಮ್ಮೊಳಗೆ ಸುಪ್ತವಾಗಿ ಅಡಗಿರುವ ಚಿಂತನೆಗಳನ್ನು ಹೊರ ತೆಗೆಯುವ ಮೂಲಕ ಬದುಕನ್ನು ರೂಪಿಸಿಕೊಳ್ಳುವ ಮಾರ್ಗವನ್ನು ಕಂಡುಕೊಳ್ಳಬೇಕು.