ವಂದೇ ಮಾತರಂ ದೇಶಭಕ್ತಿಯ ಪ್ರತೀಕ: ಸಂಸದ ಕೋಟ ಶ್ರೀನಿವಾಸ ಪೂಜಾರಿ

- ಶೃಂಗೇರಿಯಲ್ಲಿ ವಂದೇ ಮಾತರಂ ಅಭಿಯಾನ । ಕಾಲ್ನಡಿಗೆ ಜಾಥ ಕಾರ್ಯಕ್ರಮಕ್ಕೆ ಚಾಲನೆ

ವಂದೇ ಮಾತರಂ ಕೇವಲ ಗೀತೆ, ಘೋಷ ವಾಕ್ಯವಲ್ಲ. ಅದು ನಮ್ಮ ದೇಶದ ಶಕ್ತಿ, ಭಕ್ತಿ, ಗೌರವದ ಸಂಕೇತ. ದೇಶಭಕ್ತಿಯ ಪ್ರತೀಕ ಎಂದು ಉಡುಪಿ ಚಿಕ್ಕಮಗಳೂರು ಸಂಸದ ಕೋಟ ಶ್ರೀನಿವಾಸ ಪೂಜಾರಿ ಹೇಳಿದರು.

ರಾಜ್ಯಸರ್ಕಾರ ರಾಜಕೀಯ ದುರುದ್ದೇಶದಿಂದ ವಂದೇ ಮಾತರಂ ಗೀತೆಗೆ ಅಪಮಾನ ಗೊಳಿಸುವ ಕೆಲಸ ಮಾಡುತ್ತಿದೆ. ಸಂಪೂರ್ಣವಾಗಿ ಗೀತೆ ಹಾಡುವುದನ್ನು ಬಿಟ್ಟು ಕೇವಲ ಎರಡು ಚರಣಗಳಿಗೆ ಸೀಮಿತಗೊಳಿಸಿದೆ. ಇದು ರಾಷ್ಟ್ರಕ್ಕೆ ಮಾಡುವ ದ್ರೋಹ. ವಂದೇ ಮಾತರಂ ಹೆಸರಲ್ಲಿ ರಾಜಕಾರಣ ಮಾಡಬಾರದು ಎಂದರು.

ವಂದೇ ಮಾತರಂ ಕಡ್ಡಾಯಗೊಳಿಸಲು ಬಿಡುವುದಿಲ್ಲ. ಜೈಲಿಗೆ ಹೋಗಲು ಬೇಕಾದರೆ ಸಿದ್ಧ ಎನ್ನುತ್ತಾರೆ. 1905 ರ ಬಂಗಾಳ ವಿಭಜನೆ ವೇಳೆಯಲ್ಲಿ ವಂದೇ ಮಾತರಂ ಹೋರಾಟಗಾರರಿಗೆ ಸ್ಫೂರ್ತಿ ನೀಡಿತು. ವಂದೇ ಮಾತರಂಗಾಗಿ ಸಾವಿರಾರು ಯುವಕರು ಪ್ರಾಣ ತ್ಯಾಗ ಮಾಡಿದರು. ನಮ್ಮ ರಾಷ್ಟ್ರಭಕ್ತಿ ಸಂಕೇತ ವಂದೇ ಮಾತರಂ ರಾಷ್ಟ್ರ ಭಕ್ತರ ಗೌರವದ ಸಂಕೇತವೂ ಆಗಿದೆ ಎಂದರು,

26 ಶ್ರೀ ಚಿತ್ರ 1-

26 ಶ್ರೀ 2-ಶೃಂಗೇರಿ ಪಟ್ಟಣದಲ್ಲಿ ತಾಲೂಕು ಬಿಜೆಪಿಯಿಂದ ವಂದೇ ಮಾತರಂ ಅಭಿಯಾನದ ಅಂಗವಾಗಿ ಕಾಲ್ನಡಿಗೆ ಜಾಥಾ ನಡೆಯಿತು. ಸಂಸದ ಕೋಟ ಶ್ರೀನಿವಾಸ ಪೂಜಾರಿ,ಮಾಜಿ ಸಚಿವ ಡಿ.ಎನ್ ಜೀವರಾಜ್ ಮತ್ತಿತರರು ಇದ್ದರು.