ಮಹಿಳೆಯನ್ನ ಕೀಳಾಗಿ ಬಿಂಬಿಸಿದ ವೈದಿಕ ಗ್ರಂಥ ಸುಡಬೇಕು: ಆರ್.ಬಿ. ತಿಮ್ಮಾಪೂರ

ಕನ್ನಡಪ್ರಭ ವಾರ್ತೆ ಲೋಕಾಪುರ

ಭಾನುವಾರ ಪಟ್ಟಣದ ಎಪಿಎಂಸಿ ಆವರಣದಲ್ಲಿ ಮುಧೋಳ ತಾಲೂಕು ಪ್ರಥಮ ಕನ್ನಡ ಜಾನಪದ ಮಹಿಳಾ ಸಮ್ಮೇಳನ-೨೦೨೫ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಮಹಿಳೆ ಬಾಲ್ಯದಿಂದ ಬದುಕಿನವರೆಗೆ ಸೇವೆ ಮಾಡುವ ಗುಣ ಹೊಂದಿದ್ದಾಳೆ. ಮಾನವ ಕುಲದಲ್ಲಿ ಹೆಣ್ಮಕ್ಕಳು ಶ್ರೇಷ್ಠರಾಗಿದ್ದಾರೆ. ಹೆಣ್ಣು ಮಕ್ಕಳು ಶಿಕ್ಷಣ ಕಲಿತರೆ ಇಡೀ ಕುಟುಂಬ ಶಿಕ್ಷಣವಂತಾಗುತ್ತದೆ. ಜ್ಯೋತಿಬಾಯಿ ಪುಲೆಯವರು ಸಾಕಷ್ಟು ಅವಮಾನ ಸಹಿಸಿಕೊಂಡು ಸಾಧನೆ ಮಾಡಿದರು. ಇಂದಿನ ಯುವ ಸಮುದಾಯಕ್ಕೆ ಹಬ್ಬದ ಮಹತ್ವ ತಿಳಿಸಿ ಕೊಡುವುದರ ಜೊತೆಗೆ ಶಾಲಾ ಕಾಲೇಜುಗಳಲ್ಲಿ ಜಾನಪದ ಕಾರ್ಯಕ್ರಮ ಆಯೋಜಿಸಿ ಜಾಗೃತಿ ಮೂಡಿಸುವ ಕೆಲಸ ಮಾಡಬೇಕು ಎಂದು ಸಲಹೆ ನೀಡಿದರು.

ಕಜಾಪ ಜಿಲ್ಲಾಧ್ಯಕ್ಷ ಡಿ.ಎಂ.ಸಾಹುಕಾರ ಮಾತನಾಡಿ, ಜಾನಪದ ಸಂಸ್ಕೃತಿ ಭಾರತೀಯರ ಮೂಲ ಜೀವಾಳವಾಗಿದ್ದು, ಅದರಲ್ಲಿ ಕನ್ನಡ ಜಾನಪದ ಸಂಸ್ಕೃತಿ ಅತ್ಯಂತ ಶ್ರೀಮಂತಿಕೆಯಿಂದ ಕೂಡಿದೆ ಎಂದರು.

ನನಗೆ ನಾಡೋಜ ಪ್ರಶಸ್ತಿ ಮತ್ತು ರಾಜ್ಯೋತ್ಸವ ಪ್ರಶಸ್ತಿ ಒಲಿದರೂ ದಲಿತ ಮಹಿಳೆ ಎನ್ನುವ ಕಾರಣಕ್ಕೆ ಸರಿಯಾದ ಗೌರವ ಸಿಗಲಿಲ್ಲ. ಆದರೆ ಕನ್ನಡ ಜಾನಪದ ಪರಿಷತ್‌ ನನಗೆ ಸಮ್ಮೇಳನ ಸರ್ವಾಧ್ಯಕ್ಷ ಸ್ಥಾನ ನೀಡಿ ಗೌರವಿಸಿದ್ದು ಬಹಳ ಸಂತಸ ತಂದಿದೆ, ಸಾಕಷ್ಟು ಕಲ್ಲು, ಮುಳ್ಳು ತುಳಿದು ನೋವು ಉಂಡು ಇಲ್ಲಿಯವರೆಗೆ ಸಾಧನೆ ಮಾಡಿದ್ದೇನೆ. ಈಗ ಸಮಾಜ ಗೌರವಿಸುತ್ತಿರುವುದಕ್ಕೆ ನನ್ನ ವೃತ್ತಿ ಬದುಕು ಸಂತಸ ತಂದಿದೆ.