ಹೊಳೆನರಸೀಪುರದ ಸಮುದಾಯ ಭವನ ನಿರ್ಮಾಣ ವಿಚಾರದಲ್ಲಿ ಜೆಡಿಎಸ್‌ ನಾಯಕರ ನಡುವೆ ಕಲಹ: ವಿಡಿಯೋ ವೈರಲ್‌

ಭವನದ ಜಾಗ ಸಂಬಂಧ ಪಕ್ಷದ ಸದಸ್ಯರಲ್ಲಿ ಮಾತಿನ ಚಕಮಕಿ

ತಾಲೂಕಿನ ಹಳ್ಳಿಮೈಸೂರು ಹೋಬಳಿಯ ಓಡನಹಳ್ಳಿ ಗ್ರಾಮ ಪಂಚಾಯಿತಿಗೆ ಒಳಪಡುವ ಮಾದಿಹಳ್ಳಿ ಗ್ರಾಮದಲ್ಲಿ ಕೇಂದ್ರ ಸರ್ಕಾರದ ಅನುದಾನದಡಿ ೫ ಲಕ್ಷ ರು. ವೆಚ್ಚದಲ್ಲಿ ಸಮುದಾಯ ಭವನ ನಿರ್ಮಿಸುವ ಉದ್ದೇಶದಿಂದ ಶನಿವಾರ ಗ್ರಾಮಕ್ಕೆ ಭೇಟಿ ನೀಡಿದ್ದರು. ಇದೇ ಸಂದರ್ಭದಲ್ಲಿ ಗ್ರಾಮಸ್ಥರ ಹಾಗೂ ಗ್ರಾಪಂ ಅಧಿಕಾರಿಗಳ ಸಮ್ಮುಖದಲ್ಲಿಯೇ ಜೋರಾಗಿ ಜಗಳ ನಡೆದು ರಂಪಾಟ ನಡೆದಿದೆ. ಶಾಸಕ ಎಚ್.ಡಿ.ರೇವಣ್ಣರ ಸಂಬಂಧಿಕ ಹಾಗೂ ಜಿಪಂ ಮಾಜಿ ಸದಸ್ಯ ಎಚ್.ಎನ್.ದೇವೇಗೌಡ (ಪಾಪಣ್ಣಿ) ಹಾಗೂ ಗ್ರಾಪಂ ಅಧ್ಯಕ್ಷೆ ಶ್ರುತಿ ಪತಿ ಕುಮಾರ್ ಎಂಬಾತನ ನಡುವೆ ಮಾತಿನ ಸಂಘರ್ಷ ನಡೆದಿದೆ.

ಅರಕಲಗೂಡು ವಿಧಾನಸಭಾ ವ್ಯಾಪ್ತಿಗೆ ಒಳಪಡುವ ಹಳ್ಳಿಮೈಸೂರು ಹೋಬಳಿ ಹೊಳೆನರಸೀಪುರ ತಾಲೂಕು ಆಡಳಿತದಲ್ಲಿದ್ದು, ಜನಪ್ರತಿನಿಧಿ ಅಲ್ಲದೆ ಗ್ರಾಪಂಯ ಕೆಲಸಕ್ಕೆ ಮುಖಂಡ ಅದ್ಯಕ್ಷೆಯನ್ನು ಕೇಳದೆ ಶಿಷ್ಟಾಚಾರ ಬದಿಗೊತ್ತಿ ಗುದ್ದಲಿ ಪೂಜೆಗೆ ಮುಂದಾಗಿದ್ದರು ಎನ್ನಲಾಗಿದೆ. ವಿಚಾರ ಗ್ರಾಮದ ಕೆಲವರು ಕೆರಳಲು ಕಾರಣವಾಗಿದೆ. ಈ ಹಿಂದೆ ಅರಕಲಗೂಡು ಶಾಸಕರಾಗಿದ್ದ ಎ.ಟಿ.ರಾಮಸ್ವಾಮಿ, ಪಾಪಣ್ಣಿ ವಿರುದ್ದ ಸಹ ಇಂತಹದ್ದೇ ಹಲವು ಆರೋಪ ಮಾಡಿದ್ದರು.ಹೊಳೆನರಸೀಪುರದ ಹಳ್ಳಿಮೈಸೂರಿನ ಮಾದಿಹಳ್ಳಿ ಗ್ರಾಮದಲ್ಲಿ ಸಮೂದಾಯ ಭವನ ನಿರ್ಮಾಣ ಉದ್ದೇಶಕ್ಕೆ ಜೆಡಿಎಸ್ ಮುಖಂಡ, ಕಾರ್ಯಕರ್ತನ ನಡುವೆ ಸಂಘರ್ಷ ನಡೆಯಿತು.