ಮತ ಚಲಾಯಿಸಿ ಪ್ರಜಾಪ್ರಭುತ್ವ ಸದೃಢಗೊಳಿಸಿ

ಅಳ್ನಾವರ:

ಪಟ್ಟಣದಲ್ಲಿ ಆಯೋಜಿಸಿದ್ದ ಮತದಾನದ ಜಾಗೃತಿ ಜಾಥಾಕ್ಕೆ ಚಾಲನೆ ನೀಡಿದ ಅವರು, ಕಳೆದ ಚುನಾವಣೆ ವೇಳೆ ಕಡಿಮೆ ಮತದಾನವಾದ ಕೇಂದ್ರ ಗುರುತಿಸಿ ಅಲ್ಲಿ ಮತದಾರರನ್ನು ಭೇಟಿಯಾಗಿ ಸ್ವಯಂ ಪ್ರೇರಿತರಾಗಿ ಮತ ಕೇಂದ್ರಕ್ಕೆ ತೆರಳಿ ಮತ ಚಲಾಯಿಸಲು ಮನವೊಲಿಸುವ ಕೆಲಸವನ್ನು ಚುನಾವಣಾ ಸಿಬ್ಬಂದಿ ಮಾಡುತ್ತಿದ್ದಾರೆ. ಅಂಗವಿಕಲರು, ಅಶಕ್ತರು, ವೃದ್ಧರು ಮನೆಯಿಂದಲೇ ಮತ ಚಲಾಯಿಸುವ ಅವಕಾಶವನ್ನು ಚುನಾವಣಾ ಆಯೋಗ ಒದಗಿಸಿದ್ದು ಇದಕ್ಕೆ ಮುಂಚಿತವಾಗಿ ಹೆಸರು ನೋಂದಾಯಿಸಿಕೊಳ್ಳುವುದು ಅವಶ್ಯವಿದೆ ಎಂದರು.

ಆನಂತರ ಮಾರುಕಟ್ಟೆಗೆ ತೆರಳಿ ವ್ಯಾಪಾರಸ್ಥರಿಗೆ ಮತದಾನದ ಮಹತ್ವ ಮತ್ತು ಅದರ ವ್ಯವಸ್ಥೆ ವಿವರಿಸಿದರು. ಸಹಿ ಸಂಗ್ರಹಣೆ ಅಭಿಯಾನದಲ್ಲಿ ಪಾಲ್ಗೊಂಡು ಜಾಗೃತಿ ಜಾಥಾದ ಮೂಲಕ ಪಟ್ಟಣ ಪಂಚಾಯಿತಿಗೆ ತೆರಳಿ ಸಾರ್ವಜನಿಕರೊಂದಿಗೆ ಪ್ರತಿಜ್ಞಾವಿಧಿ ಸ್ವೀಕರಿಸಿದರು.

ತಹಸೀಲ್ದಾರ್‌ ಬಸವರಾಜ ಬೆಣ್ಣಿಶಿರೂರ, ಜಿಲ್ಲಾ ನಗರಾಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕ ರಮೇಶ, ತಾಲೂಕು ಸ್ವಿಪ್‌ ಸಮಿತಿ ಅಧ್ಯಕ್ಷ ಪ್ರಶಾಂತ ತುರಕಾಣಿ, ಚುನಾವಣಾ ತಹಸೀಲ್ದಾರ್‌ ಸುಧೀರ್‌ ಸಾಹುಕಾರ, ಸಹಾಯಕ ನಿರ್ದೇಶಕ ಸಂತೋಷ ತಳಕಲ್, ಮುಖ್ಯಾಧಿಕಾರಿ ಪ್ರಕಾಶ ಮಗದುಮ, ಪಿಡಿಒಗಳಾದ ಆನಂದ ಪಾಟೀಲ, ನಾಗರಾಜ ಪುಡಕಲಕಟ್ಟಿ, ಸುಜಾತಾ ಲಕ್ಕಪ್ಪನವರ, ರೇಣುಕಾ ಕೊಪ್ಪದ, ಸಂಘಟನಾಧಿಕಾರಿಗಳಾದ ಮಾಂತೇಶ ಬೆಂತೂರ, ನಾಗರಾಜ ಗುರ್ಲಹೋಸುರ, ಕಸಾಪ ಅಧ್ಯಕ್ಷ ಗುರುರಾಜ ಸಬನೀಸ ಸೇರಿದಂತೆ ಇತರರು ಇದ್ದರು.