ಕೆಲಸದ ಸ್ಥಳದಲ್ಲಿ ಮತದಾನ ಜಾಗೃತಿ

ದೇವರ ಹಿಪ್ಪರಗಿ: ತಾಲೂಕಿನ ಸಾತಿಹಾಳ ಗ್ರಾಮ ಪಂಚಾಯಿತಿ ನರೇಗಾ ಯೋಜನೆಯಡಿ ಕೆಲಸ ನಿರ್ವಹಿಸುತ್ತಿರುವ ಸ್ಥಳಕೆ ಭೇಟಿ ನೀಡಿದ ತಾಪ ಕಾರ್ಯನಿರ್ವಾಹಕ ಅಧಿಕಾರಿ ಸಂಜೀವ ಜುನ್ನೂರ, ತಾಲೂಕಾ ಸ್ವೀಪ್ ಸಮಿತಿ ಮತ್ತು ಗ್ರಾಮ ಪಂಚಾಯಿತಿ ಸಹಯೋಗದಲ್ಲಿ ಮತದಾನ ಜಾಗೃತಿ ಮೂಡಿಸಲಾಯಿತು. ಗ್ರಾಮದ ಕಾಲುವೆ ಹೂಳೆತ್ತುವ ನರೇಗಾ ಕೆಲದಲ್ಲಿ ತೊಡಗಿರುವ ಕೂಲಿ ಕಾರ್ಮಿಕರಿಗೆ ಅಧಿಕಾರಿಗಳು ಚುನಾವಣಾ ಪ್ರತಿಜ್ಞಾವಿಧಿ ಭೋದಿಸಿದರು.

ಗ್ರಾಮ ಪಂಚಾಯಿತಿಯ ಎಂ.ಎನ್.ಕತ್ತಿ ಮಾತನಾಡಿ, ಭಾರತದ ಪ್ರತಿ ಒಬ್ಬ ಪ್ರಜೆಯು ಮತದಾನದಲ್ಲಿ ಭಾಗಿಯಾಗಿ ಪ್ರಜಾಪ್ರಭುತ್ವ ಗಟ್ಟಿಗೊಳಿಸಲು ಶ್ರಮಿಸೋಣ ಎಂದರು. 45 ಹೆಣ್ಣು ಮತ್ತು 8 ಪುರುಷ ಒಟ್ಟು 53 ಜನ ಕೂಲಿಕಾರರು ಸ್ಥಳದಲ್ಲಿದ್ದರು.