70 ಅಡಿ ಆಳದ ಬಾವಿಯಲ್ಲಿ ಸಿಲುಕಿದ್ದ ಕಾಡುಹಂದಿ ರಕ್ಷಣೆ

- ಅಗ್ನಿಶಾಮಕ ದಳ ಸಿಬ್ಬಂದಿ ತುರ್ತು ಸ್ಪಂದನೆಗೆ ಮೆಚ್ಚುಗೆ

ಕನ್ನಡಪ್ರಭ ವಾರ್ತೆ ಹನೂರು

ತಾಲೂಕಿನ ವೈಶಂ ಪಾಳ್ಯ ಗ್ರಾಮದ ರೈತ ಲಿಂಗರಾಜು ಎಂಬುವರಿಗೆ ಸೇರಿದ ಜಮೀನಿನಲ್ಲಿ 30 ಅಡಿ ಅಗಲ, 70 ಅಡಿ ಆಳದ ತೋಡುಬಾವಿ ಇದ್ದು, ಈ ಬಾವಿಗೆ ಕಾಡು ಹಂದಿ ಬಿದ್ದಿದೆ. ಸ್ಥಳೀಯರು ಕಾಡುಹಂದಿಯನ್ನು ಕಂಡು ಅಗ್ನಿಶಾಮಕ ದಳಕ್ಕೆ ಮಾಹಿತಿ ಕೊಟ್ಟಿದ್ದಾರೆ. ಬಳಿಕ ಅಗ್ನಿಶಾಮಕ ಸಿಬ್ಬಂದಿಯ ಯಶಸ್ವಿ ಕಾರ್ಯಾಚರಣೆಯ ಫಲವಾಗಿ ಕಾಡು ಹಂದಿಯನ್ನು ಮೇಲೆತ್ತಿ ಸುರಕ್ಷಿತ ಸ್ಥಳಕ್ಕೆ ಬಿಡಲಾಗಿದೆ. ಈ ರಕ್ಷಣಾ ಕಾರ್ಯಾಚರಣೆಯಲ್ಲಿ ಅಗ್ನಿಶಾಮಕ ಪ್ರಭಾರ ಠಾಣಾಧಿಕಾರಿ ಮಹೇಶ್‌ ಮತ್ತು ಸಿಬ್ಬಂದಿ ಪೆರಿಯ ನಾಯಕ, ಹರ್ಷ, ಮಹೇಶ್‌ ಕುಮಾರ್‌, ಲೋಕೇಶ್‌ ಮತ್ತು ಅರಣ್ಯ ಇಲಾಖೆ ಸಿಬ್ಬಂದಿ ಚಿನ್ನಸ್ವಾಮಿ, ಲಾಯಪ್ಪ, ನಂದೀಶ್‌, ನಿಂಗರಾಜು, ಅಭಿಕೃಷ್ಣ ಉಪಸ್ಥಿತರಿದ್ದರು.

22ಸಿಎಚ್ಎನ್‌14