ಟೌನ್‌ಶಿಪ್ ಕೈ ಬಿಡದಿದ್ದರೆ ಹೋರಾಟ: ಎ.ಮಂಜುನಾಥ್

ಕನ್ನಡಪ್ರಭ ವಾರ್ತೆ ರಾಮನಗರ

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಭೂ ಮಾಲೀಕರು ಮತ್ತು ಕುಟುಂಬದವರು ತಮ್ಮ ಆಸ್ತಿ ಉಳಿಸಿಕೊಳ್ಳಲು ಹೋರಾಟಕ್ಕೆ ಸನ್ನದ್ಧರಾಗಿದ್ದಾರೆ. ಈ ಯೋಜನೆಯನ್ನು ಕೈಬಿಡದಿದ್ದರೆ ಯೋಜನೆ ಹಿಂದಿರುವ ಎಲ್ಲರಿಗೂ ಮೋಕ್ಷಾ ಸಿಗುವುದು ಖಚಿತ. ಕಾಂಗ್ರೆಸ್ ನೇತೃತ್ವದ ರಾಜ್ಯಸರ್ಕಾರಕ್ಕೆ ಭೂ ಸ್ವಾಧೀನ ಮಾಡಲು ಹಣ ಇಲ್ಲ. ಜೊತೆಗೆ ಧಮ್ಮು, ತಾಕತ್ತೂ ಇಲ್ಲ. ಕೆಐಎಡಿಬಿನವರು 800 ಎಕರೆ ಭೂ ಸ್ವಾಧೀನಕ್ಕೆ ಮುಂದಾದಾಗ ಶಾಸಕ ಬಾಲಕೃಷ್ಣ ರೈತರಿಗಾಗಿ ತನ್ನ ರಕ್ತ ಬಸಿಯುತ್ತೇನೆ ಎಂದಿದ್ದರು. ಆದರೀಗ ಭಯದಿಂದ ಬಾಯಿ ಬಿಡದೆ ಅವಿತುಕೊಳ್ತಿದ್ದಾರೆ. ಜಿಬಿಡಿಎ ಅಧ್ಯಕ್ಷ ಗಾಣಕಲ್ ನಟರಾಜ್ ಗೆ ರೈತರೊಂದಿಗೆ ನೇರವಾಗಿ ಮಾತನಾಡುವ ಧೈರ್ಯ ಇಲ್ಲದೆ, ಪೇಪರ್ ಹುಲಿಯಾಗಿದ್ದಾರೆ ಎಂದು ಟೀಕಿಸಿದರು.

ಬಿಡದಿ ಭಾಗದಲ್ಲಿ ಭೂಮಿ ಲೂಟಿ ಮಾಡುವ ಉದ್ದೇಶದಿಂದಲೇ ಕೈಗೊಂಬೆಯಾಗಿ ಕೆಲಸ ಮಾಡುವ

ಈಗ ಕಾಂಗ್ರೆಸ್‌ನವರು ಕೇಂದ್ರ ಸಚಿವ ಕುಮಾರಸ್ವಾಮಿ ಮೇಲೆ ಗೂಬೆ ಕೂರಿಸಲು ಹೊರಟಿದ್ದಾರೆ. ಅವರು ಬಿಡದಿ ಮಾತ್ರವಲ್ಲದೆ ನಂದಗುಡಿ, ರಾಮನಗರ ಕಸಬಾ, ಬಿಡದಿ, ಸೋಲೂರು, ಸಾತನೂರು ಪ್ರೋಸೆಡಿಂಗ್ ಮಾಡಿಕೊಂಡಿತ್ತು. ಡಿಎಲ್‌ಎಫ್ ಕಂಪನಿ ಬಿಡದಿಯಲ್ಲಿ 10 ಸಾವಿರ ಎಕರೆ ಪಡೆದು ಅಭಿವೃದ್ಧಿ ಪಡಿಸಲು ನಿರ್ಧರಿಸಿ 400 ಕೋಟಿ ರು.ಗಳನ್ನು ಪಾವತಿಸಿತ್ತು. ಅಲ್ಲಿವರೆಗೂ ರೈತರ ಜಮೀನಿಗೆ ಬೆಲೆ ನಿಗದಿ ಪಡಿಸಿರಲಿಲ್ಲ. ಆಗ ನೋಟಿಫಿಕೇಷನ್ ಹೊರಡಿಸಿದ್ದರೆ ತೋರಿಸಲಿ ಎಂದು ಸವಾಲು ಹಾಕಿದರು.

ಕನಕಪುರ ರೈತರಿಗೆ ಭೂಮಿ ಮಾರಿಕೊಳ್ಳಬೇಡಿ ಅನ್ನುತ್ತಾರೆ. ಇಲ್ಲಿ ಬಿಡದಿ ಭಾಗದ ಭೂಮಿ ಲೂಟಿ ಮಾಡಲು ಸಂಚು ಮಾಡಿದ್ದಾರೆ. ನಿಮಗೆ ತಾಕತ್ತಿದ್ದರೆ ಸಾತನೂರು ಬಳಿ ಟೌನ್ ಶಿಪ್ ಮಾಡಿ ರೈತರನ್ನು ಕೆಣಕಿ ತೋರಿಸಿ ನೋಡೋಣ. ಈ ಯೋಜನೆಯಿಂದ ರೈತರಿಗೆ ಏನು ಅನುಕೂಲವಾಗುತ್ತದೆ ಎಂದು ಹೇಳುವ ತಾಕತ್ತೇ ಇಲ್ಲ ಎಂದು ಕಿಡಿಕಾರಿದರು.

ಸುದ್ದಿಗೋಷ್ಠಿಯಲ್ಲಿ ರೈತರಾದ ಮುನಿ ನಾರಾಯಣಸ್ವಾಮಿ, ಕೇಶವರೆಡ್ಡಿ, ರಾಮಣ್ಣ, ಗಿರಿಧರ್, ಹೇಮಂತ್, ಶ್ರೀಧರ್, ಅಶ್ವತ್ಥ್, ತಿಮ್ಮೇಗೌಡ, ಕೊಡಿಯಾಲ ಸತೀಶ್, ಮಂಡಳಿದೊಡ್ಡಿ ನಾಗರಾಜು, ಗುಂಡಾ, ಗೌತಮ್ ಇತರರಿದ್ದರು.

ಕಾಂಗ್ರೆಸ್ ನೇತೃತ್ವದ ರಾಜ್ಯ ಸರ್ಕಾರವೇ ಟೌನ್ ಶಿಪ್ ಯೋಜನೆ ಹೆಸರಿನಲ್ಲಿ ನೇರವಾಗಿ ರಿಯಲ್ ಎಸ್ಟೇಟ್ ದಂಧೆಗೆ ಇಳಿದಿದೆ. ಈ ಯೋಜನೆ ಅನುಷ್ಠಾನವಾಗಲು ಮೊದಲು ಪ್ರಿಲಿಮಿರಿ ನೋಟಿಫಿಕೇಷನ್ ಆಗಬೇಕು. ನಂತರ ಪೇಪರ್ ನೋಟಿಫಿಕೇಷನ್, ತಕರಾರು ಅರ್ಜಿ ಸ್ವೀಕಾರ, ಜಿಲ್ಲಾಧಿಕಾರಿಗಳ ಸಮ್ಮುಖದಲ್ಲಿ ರೈತರ ಸಂಧಾನ ಸಭೆ ನಡೆಯಬೇಕು. ಇದಕ್ಕೆಲ್ಲ ಹೆಚ್ಚಿನ ಕಾಲಾವಕಾಶ ಬೇಕಿದೆ. ಇದೆಲ್ಲವನ್ನು ಧಿಕ್ಕರಿಸಿ ಸರ್ಕಾರ ಮುನ್ನಡೆದರೆ ಕಾನೂನು ಹೋರಾಟ ಮಾಡುತ್ತೇವೆ. ಅದಕ್ಕೆ ತಗಲುವ ಸಂಪೂರ್ಣ ವೆಚ್ಚವನ್ನು ನಾನೇ ಭರಿಸುತ್ತೇನೆ.