ಪರಿಸರ ಅಧಿಕಾರಿ ಚಳಿಬಿಡಿಸಿದ ಮಹಿಳೆಯರು

ಕೊಪ್ಪಳ: ಹಾಳಾದ ಬೆಳೆ, ಬಾಳೆ ಗಿಡ ತೋರಿಸಿ ಪರಿಸರ ಇಲಾಖೆಯ ಅಧಿಕಾರಿ ಹರಿಶಂಕರ್ ಅವರನ್ನು ಹಿರೇಬಗನಾಳ ಗ್ರಾಮದ ಮಹಿಳೆಯರು ತರಾಟೆಗೆ ತೆಗೆದುಕೊಂಡು ಚಳಿ ಬಿಡಿಸಿರುವ ವೀಡಿಯೋ ಈಗ ಸಖತ್ ವೈರಲ್ ಆಗಿದೆ.

ಪರಿಸರ ಇಲಾಖೆಯ ಅಧಿಕಾರಿಗಳು ಪ್ರತಿ ಬಾರಿಯೂ ಕಾರ್ಖಾನೆಗಳಿಗೆ ಎಸಿ ಕಾರಿನಲ್ಲಿ ಬಂದು, ಎಸಿ ರೂಮಿನಲ್ಲಿಯೇ ಮಾಹಿತಿ ಪಡೆದು ತೆರಳುತ್ತಿದ್ದರು. ಇದರಿಂದ ಆಕ್ರೋಶಗೊಂಡ ಗ್ರಾಮಸ್ಥರು ಪರಿಸರ ಇಲಾಖೆಯ ಕಚೇರಿಗೆ ಭೇಟಿ ನೀಡಿ, ನಮ್ಮ ಗೋಳು ಸ್ವಲ್ಪ ನೋಡಿ, ಎಸಿ ಕಾರಿನಲ್ಲಿ ಬಂದು ಎಸಿ ರೂಮಿನಲ್ಲಿಯೇ ಕಾರ್ಖಾನೆಯ ಮಾಹಿತಿ ಪಡೆಯುವುದರ ಜತೆಗೆ ಪಕ್ಕದಲ್ಲಿಯೇ ಜೀವನ್ಮರಣದ ಹೋರಾಟ ನಡೆಸುವ ನಮ್ಮನ್ನು ನೋಡಿ ಎಂದು ತಾಕಿತು ಮಾಡಿದ್ದರು. ಎರಡು-ಮೂರು ಬಾರಿ ಮನವಿ ಮಾಡಿದರೂ ಬಾರದೆ ಇದ್ದಾಗ ಕಚೇರಿಗೆ ಹೋಗಿ ತಾಕೀತು ಮಾಡಿದ ಮೇಲೆ ಹಿರೇಬಗನಾಳ ಗ್ರಾಮಕ್ಕೆ ಪರಿಸರ ಅಧಿಕಾರಿ ಹರಿಶಂಕರ ತೆರಳಿದ್ದರು.

ಇದಕ್ಕೆ ಪ್ರತಿಕ್ರಿಯಿಸಲು ಅಧಿಕಾರಿಯ ಬಳಿ ಉತ್ತರವೇ ಇರಲಿಲ್ಲ. ಕೊನೆಗೆ ಮೇಲಾಧಿಕಾರಿಗಳಿಗೆ ಕರೆ ಮಾಡಿ ಶೀಘ್ರದಲ್ಲಿಯೇ ಇದೆಲ್ಲವನ್ನು ಅಧ್ಯಯನ ಮಾಡಲಾಗುವುದು ಎಂದು ಭರವಸೆ ನೀಡಿದ ಮೇಲೆ ಬಿಟ್ಟು ಕಳುಹಿಸಲಾಗಿದೆ.