;Resize=(690,390) "Cricket")
)
)
ಸಾರಾಂಶ
ಟಿ20 ಕ್ರಿಕೆಟ್‌ನಲ್ಲಿ ಮಳೆ ಹಾಗೂ ಇತರ ಕಾರಣಗಳಿಂದ ಓವರ್‌ಗಳು ಕಡಿತಗೊಂಡರೆ ಇನ್ನು ಓವರ್‌ಗಳ ಬದಲು ಚೆಂಡಿನ ಲೆಕ್ಕದಲ್ಲಿ ಪವರ್‌ಪ್ಲೇ ನಿರ್ಧಾರವಾಗಲಿದೆ. ಇದಕ್ಕೆ ಸಂಬಂಧಿಸಿದಂತೆ ಐಸಿಸಿ ಹೊಸ ನಿಯಮ ಪರಿಚಯಿಸಿದೆ.
ದುಬೈ: ಟಿ20 ಕ್ರಿಕೆಟ್‌ನಲ್ಲಿ ಮಳೆ ಹಾಗೂ ಇತರ ಕಾರಣಗಳಿಂದ ಓವರ್‌ಗಳು ಕಡಿತಗೊಂಡರೆ ಇನ್ನು ಓವರ್‌ಗಳ ಬದಲು ಚೆಂಡಿನ ಲೆಕ್ಕದಲ್ಲಿ ಪವರ್‌ಪ್ಲೇ ನಿರ್ಧಾರವಾಗಲಿದೆ. ಇದಕ್ಕೆ ಸಂಬಂಧಿಸಿದಂತೆ ಐಸಿಸಿ ಹೊಸ ನಿಯಮ ಪರಿಚಯಿಸಿದೆ.
ಪ್ರಸ್ತುತ ಇರುವ ನಿಯಮ ಪ್ರಕಾರ 20 ಓವರ್ ಇನ್ನಿಂಗ್ಸ್‌ನಲ್ಲಿ ಮೊದಲ 6 ಓವರ್ ಪವರ್‌ಪ್ಲೇ ಆಗಿದ್ದವು. ಈ 6 ಓವರ್ಗಳಲ್ಲಿ ಫೀಲ್ಡಿಂಗ್ ತಂಡವು 30 ಯಾರ್ಡ್ ವೃತ್ತದ ಹೊರಗೆ ಇಬ್ಬರಿಗಿಂತ ಹೆಚ್ಚು ಫೀಲ್ಡರ್‌ಗಳನ್ನು ಇರಿಸುವಂತಿಲ್ಲ. ಪಂದ್ಯದಲ್ಲಿ ಓವರ್‌ಗಳು ಕಡಿತಗೊಂಡಂತೆ ಪವರ್‌ಪ್ಲೇ ಓವರ್‌ಗಳೂ ಕಡಿಮೆಯಾಗುತ್ತಿದ್ದವು. ಅಂದರೆ 5 ಓವರ್ ಪಂದ್ಯ ನಡೆದರೆ 2, 10 ಓವರ್ ಪಂದ್ಯ ನಡೆದರೆ 3 ಓವರ್...ಹೀಗೆ ಓವರ್‌ಗಳ ಆಧಾರದಲ್ಲಿ ಪವರ್‌ಪ್ಲೇ ನಿರ್ಧಾರವಾಗುತ್ತಿದ್ದವು.
ಇನ್ನು ಮುಂದೆ ಎಸೆತಗಳ ಆಧಾರದಲ್ಲಿ ಪವರ್‌ಪ್ಲೇ ನಿರ್ಧಾರವಾಗಲಿದೆ. ಹೊಸ ನಿಯಮ ಪ್ರಕಾರ 5 ಓವರ್ ಪಂದ್ಯಕ್ಕೆ 1.3, ಆರು ಓವರ್ ಪಂದ್ಯಕ್ಕೆ 1.5, ಎಂಟು ಓವರ್ ಪಂದ್ಯಕ್ಕೆ 2.2, ಹತ್ತು ಓವರ್ ಪಂದ್ಯಕ್ಕೆ 3, ಹದಿನಾಲ್ಕು ಓವರ್ ಪಂದ್ಯಕ್ಕೆ 4.1 ಓವರ್ ಪವರ್‌ ಪ್ಲೇ ಇರಲಿದೆ.
ಪವರ್‌ಪ್ಲೇ ಲೆಕ್ಕಾಚಾರ
ಪಂದ್ಯದ ಓವರ್ ಪವರ್‌ಪ್ಲೇ ಓವರ್
5 1.3
6 1.5
7 2.1
8 2.2
12 3.4
10 3.0
14 4.1
15 4.3
17 5.1
19 5.4
)
)
)
)
)
)