)
)
)
ಸಾರಾಂಶ
ಫ್ರೆಂಚ್‌ ಓಪನ್‌ ಗ್ರ್ಯಾನ್‌ ಸ್ಲಾಂನಲ್ಲಿ ಅಗ್ರ ಶ್ರೇಯಾಂಕಿತೆಯರ ಶುಭಾರಂಭ. ಅರೈನಾ ಸಬಲೆಂಕಾ, ಕೊಕೊ ಗಾಫ್‌, ಎಲೈನಾ ರಬೈಕೆನಾ 2ನೇ ಸುತ್ತಿಗೆ. ಮರಿಯಾ ಸಕ್ಕಾರಿಗೆ ಮೊದಲ ಸುತ್ತಿನಲ್ಲೇ ಸೋಲು.
ಪ್ಯಾರಿಸ್‌: ಫ್ರೆಂಚ್‌ ಓಪನ್‌ ಗ್ರ್ಯಾನ್‌ ಸ್ಲಾಂ ಟೆನಿಸ್‌ ಟೂರ್ನಿಯಲ್ಲಿ 2ನೇ ಶ್ರೇಯಾಂಕಿತೆ ಬೆಲಾರಸ್‌ನ ಅರೈನಾ ಸಬಲೆಂಕಾ, 3ನೇ ಶ್ರೇಯಾಂಕಿತೆ ಅಮೆರಿಕದ ಕೊಕೊ ಗಾಫ್‌, 4ನೇ ಶ್ರೇಯಾಂಕಿತೆ ಕಜಕಸ್ತಾನದ ಎಲೈನಾ ರಬೈಕೆನಾ ಶುಭಾರಂಭ ಮಾಡಿದ್ದಾರೆ. ಮಹಿಳಾ ಸಿಂಗಲ್ಸ್‌ ಮೊದಲ ಸುತ್ತಿನಲ್ಲಿ 2 ಬಾರಿ ಗ್ರ್ಯಾನ್‌ ಸ್ಲಾಂ ವಿಜೇತೆ ಸಬಲೆಂಕಾ, ರಷ್ಯಾದ ಎರಿಕಾ ಆ್ಯಂಡ್ರೀವಾ ವಿರುದ್ಧ 6-1, 6-2 ಸೆಟ್‌ಗಳಲ್ಲಿ ಸುಲಭ ಜಯ ಸಾಧಿಸಿದರು.
ಹಾಲಿ ಯುಎಸ್‌ ಓಪನ್‌ ಚಾಂಪಿಯನ್‌ ಕೊಕೊ ಗಾಫ್‌, ರಷ್ಯಾದ ಜ್ಯೂಲಿಯಾ ಆ್ಯವ್ಡೀವಾ ವಿರುದ್ಧ 6-1, 6-1 ಸೆಟ್‌ಗಳಲ್ಲಿ ಜಯಭೇರಿ ಬಾರಿಸಿದರು. ಇನ್ನು 2022ರ ವಿಂಬಲ್ಡನ್‌ ಚಾಂಪಿಯನ್‌ ರಬೈಕೆನಾ, ಬೆಲ್ಜಿಯಂನ ಗ್ರೀಟ್‌ ಮಿನ್ನೆನ್ ವಿರುದ್ಧ 6-2, 6-3ರಲ್ಲಿ ಗೆದ್ದರು. ಇದೇ ವೇಳೆ 6ನೇ ಶ್ರೇಯಾಂಕಿತೆ ಗ್ರೀಸ್‌ನ ಮರಿಯಾ ಸಕ್ಕಾರಿಗೆ ಮೊದಲ ಸುತ್ತಿನಲ್ಲೇ ಸೋಲು ಎದುರಾಯಿತು.ಇನ್ನು ಪುರುಷರ ಮೊದಲ ಸುತ್ತಿನಲ್ಲಿ 5ನೇ ಶ್ರೇಯಾಂಕಿತ ರಷ್ಯಾದ ಡ್ಯಾನಿಲ್‌ ಮೆಡ್ವೆಡೆವ್‌ ಜರ್ಮನಿಯ ಡೊಮಿನಿಕ್‌ ಕೊಫರ್‌ ವಿರುದ್ಧ 6-3, 6-4, 5-7, 6-3ರಲ್ಲಿ ಜಯಿಸಿದರೆ, 7ನೇ ಶ್ರೇಯಾಂಕಿತ ನಾರ್ವೆಯ ಕ್ಯಾಸ್ಪರ್‌ ರುಡ್‌ ಬ್ರೆಜಿಲ್‌ನ ಫಿಲಿಪೆ ಆ್ಯಲ್ವೆಸ್‌ ವಿರುದ್ಧ 6-3, 6-4, 6-3ರಲ್ಲಿ ಗೆದ್ದು 2ನೇ ಸುತ್ತಿಗೇರಿದರು.
)
)
)
)
)
)
)
)
)
;Resize=(64,64))