10ನೇ ಆವೃತ್ತಿ ಬೆಂಗಳೂರು ಮ್ಯಾರಥಾನ್ ಓಟ ಭಾನುವಾರ(ಅ.8) ನಡೆಯಲಿದ್ದು, 20000ಕ್ಕೂ ಹೆಚ್ಚು ಓಟಗಾರರು ಪಾಲ್ಗೊಳ್ಳಲಿದ್ದಾರೆ.

ಬೆಂಗಳೂರು: 10ನೇ ಆವೃತ್ತಿ ಬೆಂಗಳೂರು ಮ್ಯಾರಥಾನ್ ಓಟ ಭಾನುವಾರ(ಅ.8) ನಡೆಯಲಿದ್ದು, 20000ಕ್ಕೂ ಹೆಚ್ಚು ಓಟಗಾರರು ಪಾಲ್ಗೊಳ್ಳಲಿದ್ದಾರೆ. ನಗರದ ಕಂಠೀರವ ಕ್ರೀಡಾಂಗಣದಲ್ಲಿ ಓಟ ಆರಂಭಗೊಳ್ಳಲಿದ್ದು, ಪ್ರಮುಖ ರಸ್ತೆಗಳಲ್ಲಿ ಸಾಗಿ ಕಂಠೀರವ ಕ್ರೀಡಾಂಗಣದಲ್ಲೇ ಮುಕ್ತಾಯಗೊಳ್ಳಲಿದೆ. ಓಟವು 42.195 ಕಿ.ಮೀ ಪೂರ್ಣ ಮ್ಯಾರಥಾನ್, 21.1 ಕಿ.ಮೀ. ದೂರದ ಹಾಫ್ ಮ್ಯಾರಥಾನ್ ಹಾಗೂ 5 ಕಿ.ಮೀ. ವಿಭಾಗಗಳಲ್ಲಿ ನಡೆಯಲಿದೆ.