)
)
)
ಸಾರಾಂಶ
ಮುಲ್ಲಾನ್ಪುರ: ಒಂದೆಡೆ ಅಸ್ಥಿರ ಆಟಕ್ಕೆ ಹೆಸರುವಾಸಿಯಾಗಿರುವ ಪಂಜಾಬ್‌ ಕಿಂಗ್ಸ್‌. ಮತ್ತೊಂದೆಡೆ ಸ್ಫೋಟಕ ಬ್ಯಾಟಿಂಗ್‌ ಮೂಲಕವೇ ಗಮನ ಸೆಳೆಯುತ್ತಿರುವ ಸನ್‌ರೈಸರ್ಸ್‌ ಹೈದರಾಬಾದ್. ಇತ್ತಂಡಗಳು ಮಂಗಳವಾರ ಪರಸ್ಪರ ಮುಖಾಮುಖಿಯಾಗಲಿದ್ದು, ಟೂರ್ನಿಯ 3ನೇ ಗೆಲುವಿಗಾಗಿ ಕಾತರಿಸುತ್ತಿದೆ.ಎರಡೂ ತಂಡಗಳು ತಲಾ 4 ಪಂದ್ಯಗಳನ್ನಾಡಿದ್ದು, 2ರಲ್ಲಿ ಗೆದ್ದು 2 ಪಂದ್ಯಗಳಲ್ಲಿ ಪರಾಭವಗೊಂಡಿವೆ.
ಸನ್‌ರೈಸರ್ಸ್‌ನ ಸ್ಫೋಟಕ ಬ್ಯಾಟರ್‌ಗಳು ಅತ್ಯುತ್ತಮ ಲಯದಲ್ಲಿದ್ದಾರೆ. ಅಭಿಷೇಕ್‌ ಶರ್ಮಾ, ಕ್ಲಾಸೆನ್‌, ಟ್ರ್ಯಾವಿಸ್‌ ಹೆಡ್‌, ಮಾರ್ಕ್ರಮ್ ಮತ್ತೊಮ್ಮೆ ಅಬ್ಬರಿಸಿದರೆ ಪಂಜಾಬ್‌ ಬೌಲರ್‌ಗಳಿಗೆ ಉಳಿಗಾಲವಿಲ್ಲ. ಆದರೆ ತಂಡದ ಬೌಲಿಂಗ್‌ ವಿಭಾಗ ಅಷ್ಟೇನೂ ಬಲಿಷ್ಠವಾಗಿಲ್ಲ. ಭುವನೇಶ್ವರ್‌, ಉನಾದ್ಕಟ್, ಮಯಾಂಕ್‌ ಮಾರ್ಕಂಡೆ ದುಬಾರಿಯಾಗುತ್ತಿದ್ದಾರೆ.
ಇದು ನಾಯಕ ಪ್ಯಾಟ್‌ ಕಮಿನ್ಸ್‌ ಮೇಲೆ ಒತ್ತಡ ಸೃಷ್ಟಿಸುತ್ತಿದೆ.ಇನ್ನು ಪಂಜಾಬ್‌ ದೇಸಿ ಬ್ಯಾಟರ್‌ಗಳ ಮೇಲೆ ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದ್ದು, ಧವನ್‌ ಜೊತೆ ಪ್ರಭ್‌ಸಿಮ್ರನ್‌, ಜಿತೇಶ್ ಶರ್ಮಾ, ಶಶಾಂಕ್‌ ಸಿಂಗ್‌ ಅಬ್ಬರಿಸಬೇಕಾದ ಅಗತ್ಯವಿದೆ. ಬೌಲಿಂಗ್‌ ವಿಭಾಗ ಸುಧಾರಿತ ಪ್ರದರ್ಶನ ನೀಡಬೇಕಿದ್ದು, ಇಲ್ಲದಿದ್ದರೆ ಸನ್‌ರೈಸರ್ಸ್‌ನ ರನ್ ಮಳೆಗೆ ಕಡಿವಾಣ ಹಾಕುವುದು ಕಷ್ಟ.
ಒಟ್ಟು ಮುಖಾಮುಖಿ: 21ಪಂಜಾಬ್‌: 07ಸನ್‌ರೈಸರ್ಸ್‌: 14
ಸಂಭವನೀಯ ಆಟಗಾರರ ಪಟ್ಟಿಪಂಜಾಬ್‌: ಧವನ್‌(ನಾಯಕ), ಬೇರ್‌ಸ್ಟೋವ್‌, ಜಿತೇಶ್, ಪ್ರಭ್‌ಸಿಮ್ರನ್‌, ಕರ್ರನ್‌, ಶಶಾಂಕ್‌, ಸಿಕಂದರ್‌, ಹರ್‌ಪ್ರೀತ್‌, ಹರ್ಷಲ್‌, ರಬಾಡ, ಅರ್ಶ್‌ದೀಪ್‌.
ಸನ್‌ರೈಸರ್ಸ್‌: ಅಭಿಷೇಕ್‌, ಹೆಡ್‌, ಮಾರ್ಕ್ರಮ್, ಕ್ಲಾಸೆನ್‌, ಸಮದ್‌, ಶಾಬಾಜ್‌, ಕಮಿನ್ಸ್‌(ನಾಯಕ), ಉನಾದ್ಕಟ್, ಭುವನೇಶ್ವರ್‌, ಮಾರ್ಕಂಡೆ, ನಟರಾಜನ್‌.
ಪಂದ್ಯ: ಸಂಜೆ 7.30ಕ್ಕೆ, ನೇರಪ್ರಸಾರ: ಸ್ಟಾರ್‌ಸ್ಪೋರ್ಟ್ಸ್‌, ಜಿಯೋ ಸಿನಿಮಾ.
;Resize=(128,128))
;Resize=(128,128))
;Resize=(128,128))
;Resize=(128,128))
;Resize=(128,128))