ಬೆಂಗಳೂರು: ಇಲ್ಲಿನ ಕೆಎಸ್‌ಎಲ್‌ಟಿಎ ಕ್ರೀಡಾಂಗಣದಲ್ಲಿ ಮಂಗಳವಾರ ಆರಂಭವಾಗಲಿರುವ ಕೆಪಿಬಿ ಟ್ರಸ್ಟ್‌ ಐಟಿಎಫ್‌ ಮಹಿಳಾ ಓಪನ್‌ನಲ್ಲಿ ಭಾರತದ ಏಕೈಕ ಆಟಗಾರ್ತಿ ವೈದೇಹಿ ಚೌಧರಿ ಮುಖ್ಯ ಡ್ರಾ(ಪ್ರಧಾನ ಘಟ್ಟ)ಗೆ ಅರ್ಹತೆ ಪಡೆದಿದ್ದಾರೆ.23 ವರ್ಷದ ಆಟಗಾರ್ತಿ ಅಂತಿಮ ಅರ್ಹತಾ ಸುತ್ತಿನಲ್ಲಿ 5ನೇ ಶ್ರೇಯಾಂಕದ ಥಾಸಪೊರ್ನ್‌ ನಕ್ಲೋ ವಿರುದ್ಧ ಕೇವಲ 56 ನಿಮಿಷಗಳಲ್ಲಿ 6-2, 6-2 ನೇರ ಸೆಟ್‌ಗಳಲ್ಲಿ ಜಯ ಗಳಿಸಿದರು. ಈ ಮೂಲಕ ಪ್ರಧಾನ ಘಟ್ಟದಲ್ಲಿ ಸ್ಥಾನ ಪಡೆದವರ ಪೈಕಿ ಒಬ್ಬರಾಗಿ ಗುರುತಿಸಿಕೊಂಡರು. ಮತ್ತೊಂದು ಪಂದ್ಯದಲ್ಲಿ12ನೇ ಶ್ರೇಯಾಂಕಿತ ಜಪಾನ್‌ನ ಮೀ ಯಮಗುಚಿ ಅಗ್ರ ಶ್ರೇಯಾಂಕದ ಲಾಟ್ವಿಯಾದ ಡಯಾನಾ ಮಾರ್ಸಿಂಕೆವಿಕಾ ಅವರನ್ನು 1-6, 6-2, 6-2 ಸೆಟ್‌ಗಳಿಂದ ಸೋಲಿಸಿದರು.ಈ ಮಧ್ಯೆ, ಸೋಹಾ ಸಾದಿಕ್‌, ರುತುಜಾ ಭೋಸಲೆ, ಸಹಜಾ ಯಮಲಪಲ್ಲಿ ಮತ್ತು ಸುಹಿತಾ ಮರೂರಿ ಒಳಗೊಂಡ ನಾಲ್ವರು ವೈಲ್ಡ್‌ ಕಾರ್ಡ್‌ ವಿಜೇತರೊಂದಿಗೆ ಒಟ್ಟು ಐವರು ಭಾರತೀಯರು ಸೇರಿದಂತೆ ಒಟ್ಟು 32 ಆಟಗಾರ್ತಿಯರ ಪ್ರಧಾನ ಘಟ್ಟದಲ್ಲಿ ಅಂಕಿತಾ ರೈನಾ 8 ನೇ ಶ್ರೇಯಾಂಕ ಹೊಂದಿದ್ದಾರೆ. ಲಾತ್ವಿಯಾದ ಡಾರ್ಜಾ ಸೆಮೆನಿಸ್ಟಾಜಾ ಟೂರ್ನಿಯಲ್ಲಿ ಅಗ್ರ ಶ್ರೇಯಾಂಕ ಪಡೆದರೆ, ಫ್ರಾನ್ಸ್‌ನ ಕ್ಲೋಯಿ ಪ್ಯಾಕ್ವೆಟ್‌ ಎರಡನೇ ಶ್ರೇಯಾಂಕ ಪಡೆದಿದ್ದಾರೆ. ಜಪಾನ್‌ನ ಎಕಟೆರಿನಾ ಮಕರೋವಾ ಮತ್ತು ಮೊಯುಕಾ ಉಚಿಜಿಮಾ ಕ್ರಮವಾಗಿ ಮೂರು ಮತ್ತು ನಾಲ್ಕನೇ ಶ್ರೇಯಾಂಕ ಪಡೆದರೆ, ಪೊಲಿನಾ ಕುಡೆರ್ಮೆಟೊವಾ ಐದನೇ ಶ್ರೇಯಾಂಕ ಗಳಿಸಿದ್ದಾರೆ. ಹಾಗೆಯೇ ಫ್ರಾನ್ಸ್‌ ಆಟಗಾರ್ತಿ ಕರೋಲ್‌ ಮೊನೆಟ್‌ 6ನೇ ಸ್ಥಾನದಲ್ಲಿದ್ದರೆ, ಸೋಫಿಯಾ ಲ್ಯಾನ್ಸೆರೆ 7ನೇ ಸ್ಥಾನ ಗಿಟ್ಟಿಸಿದ್ದಾರೆ.ಇತರ ಇಬ್ಬರು ಭಾರತೀಯರಾದ ಶ್ರೀವಳ್ಳಿ ರಶ್ಮಿಕಾ ಭಮಿಡಿಪತಿ ಮತ್ತು ಜೀಲ್‌ ದೇಸಾಯಿ ಅರ್ಹತಾ ಸ್ಪರ್ಧೆಯಿಂದ ಹೊರಗುಳಿದ ನಂತರ, ವೈದೇಹಿ ಥಾಯ್ಲೆಂಡ್‌ ಎದುರಾಳಿಯ ವಿರುದ್ಧ ಉತ್ತಮ ಪ್ರದರ್ಶನ ನೀಡಿದರು. ಇಬ್ಬರೂ ಆಟಗಾರರು ಪರಸ್ಪರರ ಸರ್ವ್‌ ಮುರಿಯುವ ಮೂಲಕ ಆಟ ಪ್ರಾರಂಭಿಸಿದರು. ಆದರೆ ಅಲ್ಲಿಂದ ಭಾರತೀಯ ಆಟಗಾರ್ತಿ 3 ಮತ್ತು 5 ನೇ ಗೇಮ್‌ನಲ್ಲಿ ತಮ್ಮ ಎದುರಾಳಿಯ ಸರ್ವ್‌ ಅನ್ನು ಮುರಿದು 4-1 ಮುನ್ನಡೆ ಸಾಧಿಸಿದರು. ಆದಾಗ್ಯೂ, ಅವರು ಮುಂದಿನ ಗೇಮ್‌ನಲ್ಲಿ ಮೇಲುಗೈ ಸಾಧಿಸಿದರು. ಎರಡನೇ ಸೆಟ್‌ನಲ್ಲಿವೈದೇಹಿ 5-0 ಮುನ್ನಡೆ ಸಾಧಿಸಿದರು, 1, 3 ಮತ್ತು 5 ನೇ ಗೇಮ್‌ಗಳಲ್ಲಿ ಮೂರು ವಿರಾಮದ ನಂತರ ನಕ್ಲೋ ಸ್ವಲ್ಪ ಪ್ರತಿರೋಧವನ್ನು ತೋರಿಸಿದರು ಮತ್ತು 6ನೇ ಗೇಮ್‌ನಲ್ಲಿ ವೈದೇಹಿ ಅವರ ಸರ್ವ್‌ ಅನ್ನು ಮುರಿದರು ಮತ್ತು 7ನೇ ಗೇಮ್‌ನಲ್ಲಿ ತಮ್ಮ ಸರ್ವ್‌ ಅನ್ನು ಉಳಿಸಿಕೊಂಡರು. ಆದಾಗ್ಯೂ, ವೈದೇಹಿ ಮುಂದಿನ ಗೇಮ್‌ನಲ್ಲಿ ಪಂದ್ಯವನ್ನು ಮುಕ್ತಾಯಗೊಳಿಸಿ ಮುಖ್ಯ ಡ್ರಾದಲ್ಲಿ ಸ್ಥಾನವನ್ನು ಭದ್ರಪಡಿಸಿಕೊಂಡರು.