;Resize=(690,390) "cricket ball")
)
)
ಸಾರಾಂಶ
ನೇಪಾಳ ಹಾಗೂ ನೆದರ್‌ಲೆಂಡ್ಸ್‌ ನಡುವಿನ ತ್ರಿಕೋನ ಟಿ20 ಸರಣಿಯ ಪಂದ್ಯ ಮೂರು ಸೂಪರ್‌ಗಳಿಗೆ ಸಾಕ್ಷಿಯಾಗಿದೆ.
ಗ್ಲಾಸ್ಗೋ(ಸ್ಕಾಟ್ಲೆಂಡ್‌): ನೇಪಾಳ ಹಾಗೂ ನೆದರ್‌ಲೆಂಡ್ಸ್‌ ನಡುವಿನ ತ್ರಿಕೋನ ಟಿ20 ಸರಣಿಯ ಪಂದ್ಯ ಮೂರು ಸೂಪರ್‌ಗಳಿಗೆ ಸಾಕ್ಷಿಯಾಗಿದೆ. ಇದು ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲೇ ಮೊದಲು. ಈ ವರೆಗೂ ಯಾವುದೇ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್‌ನ ಪಂದ್ಯವೊಂದರಲ್ಲಿ 2ಕ್ಕಿಂತ ಹೆಚ್ಚು ಬಾರಿ ಸೂಪರ್‌ ಓವರ್‌ ಆಡಿಸಲಾಗಿರಲಿಲ್ಲ.
ಸೋಮವಾರದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ನೆದರ್‌ಲೆಂಡ್ಸ್‌ 7 ವಿಕೆಟ್‌ಗೆ 152 ರನ್ ಕಲೆಹಾಕಿತು. ತೇಜ ನಿಡಮನೂರು 35, ವಿಕ್ರಂಜಿತ್‌ ಸಿಂಗ್‌ 30, ಸಾಖಿಬ್‌ ಝುಲ್ಫಿಕರ್‌ 25 ರನ್ ಸಿಡಿಸಿದರು. ಗುರಿ ಬೆನ್ನತ್ತಿದ ನೇಪಾಳ ತಂಡ 8 ವಿಕೆಟ್‌ಗೆ 152 ರನ್ ಗಳಿಸಿದ್ದರಿಂದ ಪಂದ್ಯ ಟೈ ಆಯಿತು. ನಾಯಕ ರೋಹಿತ್‌ ಪೌಡೆಲ್‌ 35 ಎಸೆತಕ್ಕೆ 48, ಕುಶಾಲ್‌ 34 ರನ್ ಸಿಡಿಸಿದರು. ಕೊನೆ ಎಸೆತಕ್ಕೆ 5 ರನ್ ಬೇಕಿದ್ದಾಗ ನಂದನ್‌ ಯಾದವ್‌ ಬೌಂಡರಿ ಬಾರಿಸಿದರು. ಹೀಗಾಗಿ ಸ್ಕೋರ್‌ ಸಮಬಲಗೊಂಡಿತು.
ಬಳಿಕ ಫಲಿತಾಂಶ ನಿರ್ಧರಿಸಲು ನಡೆದ 2 ಸೂಪರ್‌ ಓವರ್‌ಗಳು ಕೂಡಾ ಟೈ ಆಯಿತು. ಬಳಿಕ 3ನೇ ಸೂಪರ್‌ ಓವರ್‌ನಲ್ಲಿ ನೆದರ್‌ಲೆಂಡ್ಸ್‌ ಜಯಭೇರಿ ಬಾರಿಸಿತು.
ಹೇಗಿದ್ದವು ಸೂಪರ್‌ ಓವರ್‌?
ಸೂಪರ್‌ ಓವರ್‌ 1
ನೇಪಾಳ ಮೊದಲು ಬ್ಯಾಟ್ ಮಾಡಿ 1 ವಿಕೆಟ್‌ಗೆ 19 ರನ್ ಗಳಿಸಿತು. ಕುಶಾಲ್‌ 18 ರನ್ ಸಿಡಿಸಿದರು. 20 ರನ್ ಗುರಿ ಪಡೆದ ನೆದರ್‌ಲೆಂಡ್ಸ್‌ ವಿಕೆಟ್‌ ನಷ್ಟವಿಲ್ಲದೇ 19 ರನ್ ಗಳಿಸಿತು. ಪಂದ್ಯ ಮತ್ತೆ ಟೈ ಆಯಿತು.
ಸೂಪರ್‌ ಓವರ್‌ 2
ಈ ಬಾರಿ ನೆದರ್‌ಲೆಂಡ್ಸ್‌ ಮೊದಲು ಬ್ಯಾಟ್ ಮಾಡಿತು. 1 ವಿಕೆಟ್‌ಗೆ 17 ರನ್ ಗಳಿಸಿದ ತಂಡ, ನೇಪಾಳಕ್ಕೆ 18 ರನ್ ಗುರಿ ನೀಡಿತು. ಕೊನೆ ಎಸೆತದಲ್ಲಿ ಸಿಕ್ಸರ್‌ ಬಾರಿಸಿದ ದೀಪೇಂದ್ರ ಸಿಂಗ್‌ ಪಂದ್ಯವನ್ನು ಮತ್ತೆ ಟೈ ಮಾಡಿದರು.
ಸೂಪರ್‌ ಓವರ್‌ 3
ಮೊದಲು ಬ್ಯಾಟ್ ಮಾಡಿದ ನೇಪಾಳ 4 ಎಸೆತಗಳನ್ನು ಎದುರಿಸಿ 2 ವಿಕೆಟ್‌ ಕಳೆದುಕೊಂಡಿತು. ಹೀಗಾಗಿ ತಂಡ ಆಲೌಟ್. 1 ರನ್ ಗುರಿ ಪಡೆದ ನೆದರ್‌ಲೆಂಡ್ಸ್‌ ಪರ ಮೈಕಲ್‌ ಲೆವಿಟ್‌ ಮೊದಲ ಎಸೆತದಲ್ಲೇ ಸಿಕ್ಸರ್‌ ಸಿಡಿಸಿ ಗೆಲ್ಲಿಸಿದರು.
ಮಹಾರಾಜ ಟ್ರೋಫಿಯಲ್ಲೂ
ನಡೆದಿತ್ತು 3 ಸೂಪರ್‌ ಓವರ್‌
ಕಳೆದ ವರ್ಷ ಕರ್ನಾಟಕದ ಮಹಾರಾಜ ಟ್ರೋಫಿ ಟಿ20 ಲೀಗ್‌ ಕೂಡಾ 3 ಸೂಪರ್‌ ಓವರ್‌ ಪಂದ್ಯಕ್ಕೆ ಸಾಕ್ಷಿಯಾಗಿತ್ತು. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದಿದ್ದ ಪಂದ್ಯದಲ್ಲಿ ಬೆಂಗಳೂರು ಬ್ಲಾಸ್ಟರ್ಸ್‌ ತಂಡವನ್ನು ಹುಬ್ಬಳ್ಳಿ ಟೈಗರ್ಸ್‌ 3ನೇ ಸೂಪರ್‌ ಓವರ್‌ನಲ್ಲಿ ಸೋಲಿಸಿತ್ತು.
;Resize=(128,128))
;Resize=(128,128))
)
;Resize=(128,128))
)