ಪ್ರೊ ಕಬಡ್ಡಿ: ಕೊನೆಗೂ ಗೆದ್ದ ಟೈಟಾನ್ಸ್‌

ಹೈದರಾಬಾದ್‌: ಸತತ 7 ಹಾಗೂ ಒಟ್ಟಾರೆ 12 ಸೋಲುಗಳಿಂದ ಕಂಗೆಟ್ಟಿದ್ದ ತೆಲುಗು ಟೈಟಾನ್ಸ್‌ ಕೊನೆಗೂ ಗೆಲುವಿನ ಹಳಿಗೆ ಮರಳಿದೆ. ಈಗಾಗಲೇ ಪ್ಲೇ-ಆಫ್‌ ಕನಸನ್ನು ಬಹುತೇಕ ಭಗ್ನಗೊಳಿಸಿರುವ ಟೈಟಾನ್ಸ್, ಶನಿವಾರ ಯುಪಿ ಯೋಧಾಸ್ ವಿರುದ್ಧ 49-32 ಅಂಕಗಳಿಂದ ಜಯಗಳಿಸಿತು. ತಂಡಕ್ಕಿದು 14 ಪಂದ್ಯಗಳಲ್ಲಿ 2ನೇ ಗೆಲುವು. ಅತ್ತ ಯೋಧಾಸ್‌ 15ರಲ್ಲಿ 11ನೇ ಸೋಲನುಭವಿಸಿತು.ಆರಂಭದಲ್ಲೇ ಪವನ್‌ ಶೆರಾವತ್‌ರ ಆಕರ್ಷಕ ರೈಡಿಂಗ್‌ ಟೈಟಾನ್ಸ್‌ ಮುನ್ನಡೆಗೆ ಕಾರಣವಾಯಿತು. ಮೊದಲಾರ್ಧದಲ್ಲಿ ತಂಡ 24-16ರಿಂದ ಮುನ್ನಡೆಯಲ್ಲಿತ್ತು. ಆ ಬಳಿಕವೂ ಪ್ರಾಬಲ್ಯ ಮುಂದುವರಿಸಿದ ಟೈಟಾನ್ಸ್‌ ಅಧಿಕಾರಯುತ ಗೆಲುವು ಸಾಧಿಸಿತು. ಪವನ್‌ 16 ಅಂಕ ಗಳಿಸಿದರು. ಪ್ರದೀಪ್ ನರ್ವಾಲ್‌(10) ವೈಫಲ್ಯ ತಂಡಕ್ಕೆ ಹಿನ್ನಡೆಯಾಯಿತು.ಶನಿವಾರದ ಮತ್ತೊಂದು ಪಂದ್ಯದಲ್ಲಿ ಯು ಮುಂಬಾ ವಿರುದ್ಧ ದಬಾಂಗ್‌ ಡೆಲ್ಲಿ 39-33 ಅಂಕಗಳ ಗೆಲುವು ಸಾಧಿಸಿತು.---ಇಂದಿನ ಪಂದ್ಯಗಳುಬೆಂಗಳೂರು-ತಮಿಳ್‌ ತಲೈವಾಸ್‌, ರಾತ್ರಿ 8ಕ್ಕೆಗುಜರಾತ್‌-ಪುಣೇರಿ ಪಲ್ಟನ್‌, ರಾತ್ರಿ 9ಕ್ಕೆ