ಪ್ಲೇ-ಆಫ್‌ ಮೇಲೆ ಕಣ್ಣಿಟ್ಟಿರುವ ಸನ್‌ಗೆ ಗುಜರಾತ್‌ ಸವಾಲು

ಹೈದರಾಬಾದ್‌: 17ನೇ ಆವೃತ್ತಿ ಐಪಿಎಲ್‌ನಲ್ಲಿ ಪ್ಲೇ-ಆಫ್‌ ಸ್ಥಾನ ಖಚಿತಪಡಿಸಿಕೊಳ್ಳುವ ಕಾತರದಲ್ಲಿರುವ ಸನ್‌ರೈಸರ್ಸ್‌ ಹೈದರಾಬಾದ್ ತಂಡಕ್ಕೆ ಗುರುವಾರ ಗುಜರಾತ್‌ ಟೈಟಾನ್ಸ್‌ ಸವಾಲು ಎದುರಾಗಲಿದೆ. ಈ ಪಂದ್ಯದಲ್ಲಿ ಗೆದ್ದರೆ ಸನ್‌ರೈಸರ್ಸ್‌ ಅಧಿಕೃತವಾಗಿ ಪ್ಲೇ-ಆಫ್‌ ಪ್ರವೇಶಿಸಲಿದೆ.

ಸನ್‌ರೈಸರ್ಸ್‌ ಟೂರ್ನಿಯಲ್ಲಿ 12 ಪಂದ್ಯಗಳನ್ನಾಡಿದ್ದು, 7ರಲ್ಲಿ ಗೆದ್ದು 14 ಅಂಕ ಸಂಪಾದಿಸಿದೆ. ತಂಡದ ನೆಟ್‌ ರನ್‌ರೇಟ್‌(+0.406) ಕೂಡಾ ಉತ್ತಮವಾಗಿರುವುದರಿಂದ ಪ್ಲೇ-ಆಫ್‌ನ ಸನಿಹದಲ್ಲಿದೆ. 

ಇನ್ನೆರಡು ಪಂದ್ಯಗಳನ್ನೂ ಗೆದ್ದು ಅಗ್ರ-2ರಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳುವುದು ತಂಡದ ಮುಂದಿರುವ ಗುರಿ. ಎರಡೂ ಪಂದ್ಯಗಳಲ್ಲಿ ಸೋತರೆ ಪ್ಲೇ-ಆಫ್‌ ರೇಸ್‌ನಿಂದ ಹೊರಬೀಳುವ ಸಾಧ್ಯತೆಯೂ ಇದೆ.ಅತ್ತ ಗುಜರಾತ್‌ ಈಗಾಗಲೇ ಪ್ಲೇ-ಆಫ್‌ ಕನಸು ಭಗ್ನಗೊಳಿಸಿದೆ. 13ರಲ್ಲಿ ಕೇವಲ 5 ಪಂದ್ಯಗಳನ್ನಾಡಿದ್ದು, 11 ಅಂಕ ಸಂಪಾದಿಸಿದೆ. ತಂಡ ಈಗಾಗಲೇ ಅಧಿಕೃತವಾಗಿ ಹೊರಬಿದ್ದಿರುವುದರಿಂದ ಈ ಪಂದ್ಯವನ್ನು ಪ್ರತಿಷ್ಠೆಗಾಗಿ ಆಡಲಿದ್ದು, ಗೆಲುವಿನೊಂದಿಗೆ ಟೂರ್ನಿಗೆ ವಿದಾಯ ಹೇಳಲು ಕಾಯುತ್ತಿದೆ.

ಒಟ್ಟು ಮುಖಾಮುಖಿ: 04

ಹೈದ್ರಾಬಾದ್‌: 01ಗುಜರಾತ್‌: 03

ಸಂಭವನೀಯರ ಪಟ್ಟಿ

ಹೈದ್ರಾಬಾದ್: ಅಭಿಷೇಕ್‌, ಹೆಡ್‌, ನಿತೀಶ್‌, ಕ್ಲಾಸೆನ್, ಸಮದ್‌, ಶಾಬಾಜ್‌, ಕಮಿನ್ಸ್‌(ನಾಯಕ), ಭುವನೇಶ್ವರ್‌, ಉನಾದ್ಕಟ್‌, ವಿಜಯಕಾಂತ್‌, ನಟರಾಜನ್‌.ಗುಜರಾತ್: ಗಿಲ್(ನಾಯಕ), ಸುದರ್ಶನ್‌, ಶಾರುಖ್‌, ಮಿಲ್ಲರ್‌, ವೆಡ್‌, ತೆವಾಟಿಯಾ, ರಶೀದ್‌, ನೂರ್, ಉಮೇಶ್‌, ಮೋಹಿತ್‌, ಕಾರ್ತಿಕ್‌.

ಪಂದ್ಯ: ಸಂಜೆ 7.30ಕ್ಕೆ