ರಾಜ್ಯ ಸರ್ಕಾರ 2019ನೇ ಸಾಲಿನ ರಾಜ್ಯ ವಾರ್ಷಿಕ ಚಲನಚಿತ್ರ ಪ್ರಶಸ್ತಿಗಳನ್ನು ಬುಧವಾರ ಪ್ರಕಟಿಸಿದ್ದು, ‘ಮೋಹನದಾಸ’ ಚಲನಚಿತ್ರಕ್ಕೆ ಅತ್ಯುತ್ತಮ ಚಿತ್ರ ಪ್ರಶಸ್ತಿ, ನಟ ಕಿಚ್ಚ ಸುದೀಪ್ ಅವರಿಗೆ ಅತ್ಯುತ್ತಮ ನಾಯಕ ನಟ ಪ್ರಶಸ್ತಿ ಹಾಗೂ ಅನುಪಮಾ ಗೌಡ ಅವರಿಗೆ ಅತ್ಯುತ್ತಮ ನಟಿ ಪ್ರಶಸ್ತಿ ಘೋಷಿಸಲಾಗಿದೆ.
ಬೆಂಗಳೂರು : ರಾಜ್ಯ ಸರ್ಕಾರ 2019ನೇ ಸಾಲಿನ ರಾಜ್ಯ ವಾರ್ಷಿಕ ಚಲನಚಿತ್ರ ಪ್ರಶಸ್ತಿಗಳನ್ನು ಬುಧವಾರ ಪ್ರಕಟಿಸಿದ್ದು, ‘ಮೋಹನದಾಸ’ ಚಲನಚಿತ್ರಕ್ಕೆ ಅತ್ಯುತ್ತಮ ಚಿತ್ರ ಪ್ರಶಸ್ತಿ, ನಟ ಕಿಚ್ಚ ಸುದೀಪ್ ಅವರಿಗೆ ಅತ್ಯುತ್ತಮ ನಾಯಕ ನಟ ಪ್ರಶಸ್ತಿ ಹಾಗೂ ಅನುಪಮಾ ಗೌಡ ಅವರಿಗೆ ಅತ್ಯುತ್ತಮ ನಟಿ ಪ್ರಶಸ್ತಿ ಘೋಷಿಸಲಾಗಿದೆ.
2019ನೇ ಕ್ಯಾಲೆಂಡರ್ ವರ್ಷದ ರಾಜ್ಯ ವಾರ್ಷಿಕ ಚಲನಚಿತ್ರ ಪ್ರಶಸ್ತಿ ಆಯ್ಕೆಗೆ ನಿರ್ದೇಶಕರು ಹಾಗೂ ನಿರ್ಮಾಪಕರಾದ ನಂಜುಂಡೇಗೌಡ ಅಧ್ಯಕ್ಷತೆಯಲ್ಲಿ ಆಯ್ಕೆ ಸಲಹಾ ಸಮಿತಿ ರಚಿಸಲಾಗಿತ್ತು.
2019ನೇ ಸಾಲಿನಲ್ಲಿ ಪ್ರಶಸ್ತಿಗಳಿಗಾಗಿ ಅರ್ಜಿ ಸಲ್ಲಿಸಿದ್ದ ಒಟ್ಟು 180 ಚಲನಚಿತ್ರಗಳ ಪೈಕಿ ನಿಯಮಾನುಸಾರ ಇಲ್ಲದಿರುವ 8 ಚಲನಚಿತ್ರ ಹೊರತುಪಡಿಸಿ 172 ಚಲನಚಿತ್ರಗಳನ್ನು ಮಾತ್ರ ವೀಕ್ಷಿಸಲಾಗಿತ್ತು. ಈ ಪೈಕಿ ವಿವಿಧ ಕೆಟಗರಿಗಳಿಗೆ ಪ್ರಶಸ್ತಿ ನೀಡಲು ಸಲಹಾ ಸಮಿತಿ ನೀಡಿರುವ ವರದಿ ಆಧರಿಸಿ ಬುಧವಾರ ವಾರ್ತಾ ಇಲಾಖೆಯು ಪ್ರಶಸ್ತಿ ಪುರಸ್ಕೃತ ಪಟ್ಟಿಯನ್ನು ಪ್ರಕಟಿಸಿದೆ.
ಮೊದಲ ಅತ್ಯುತ್ತಮ ಚಿತ್ರವಾಗಿ ಆಯ್ಕೆಯಾಗಿರುವ ಮೋಹನದಾಸ ಚಿತ್ರಕ್ಕೆ ನಿರ್ಮಾಪಕರಾದ ಪಿ. ಶೇಷಾದ್ರಿ (ಮಿತ್ರ ಚಿತ್ರ ನಿರ್ಮಾಣ ಸಂಸ್ಥೆ) ಅವರಿಗೆ ಕೆ.ಸಿ.ಎನ್. ಗೌಡ ಪ್ರಶಸ್ತಿ ಹಾಗೂ ನಿರ್ದೇಶನಕ್ಕೆ ಎಚ್.ಎಲ್.ಎನ್. ಸಿಂಹ ಪ್ರಶಸ್ತಿ ಪ್ರಕಟಿಸಿದ್ದು, ಪ್ರಶಸ್ತಿಗಳು ತಲಾ 1 ಲಕ್ಷ ರು. ನಗದು ಹಾಗೂ 50 ಗ್ರಾಂ. ಚಿನ್ನ ಪದಕ ಹೊಂದಿವೆ.
ಪೈಲ್ವಾನ್ ಚಿತ್ರಕ್ಕೆ ಅತ್ಯುತ್ತಮ ನಟ (ಸುಬ್ಬಯ್ಯ ನಾಯ್ಡು ಪ್ರಶಸ್ತಿ) ಪ್ರಶಸ್ತಿಯನ್ನು ಕಿಚ್ಚ ಸುದೀಪ್ ಅವರಿಗೆ ಘೋಷಿಸಿದ್ದು, ಪ್ರಶಸ್ತಿಯು 20 ಸಾವಿರ ರು. ನಗದು ಹಾಗೂ 100 ಗ್ರಾಂ. ಬೆಳ್ಳಿ ಪದಕ ಹೊಂದಿದೆ. ಅತ್ಯುತ್ತಮ ನಟಿ, ಅತ್ಯುತ್ತಮ ಪೋಷಕ ನಟ, ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿಗೂ ಇಷ್ಟೇ ಮೊತ್ತದ ನಗದು ಬಹುಮಾನ ಹಾಗೂ 100 ಗ್ರಾಂ. ಬೆಳ್ಳಿ ಪದಕ ನೀಡಲಾಗುವುದು.
ಪ್ರಶಸ್ತಿಗಳ ವಿವರ:
1- ಅತ್ಯುತ್ತಮ ಚಿತ್ರ : ಮೋಹನದಾಸ
ನಿರ್ಮಾಪಕ (ಕೆ.ಸಿ.ಎನ್. ಗೌಡ ಪ್ರಶಸ್ತಿ)- ಮಿತ್ರ ಚಿತ್ರ (ಪಿ. ಶೇಷಾದ್ರಿ)
ನಿರ್ದೇಶಕ (ಎಚ್.ಎಲ್.ಎನ್. ಸಿಂಹ ಪ್ರಶಸ್ತಿ)- ಪಿ. ಶೇಷಾದ್ರಿ
2- ಎರಡನೇ ಅತ್ಯುತ್ತಮ ಚಿತ್ರ: ಲವ್ ಮಾಕ್ಟೈಲ್
ನಿರ್ಮಾಪಕ - ಕೃಷ್ಣ ಟಾಕೀಸ್ ( ಎ. ನಾಗಪ್ಪ)
ನಿರ್ದೇಶಕ - ಡಾರ್ಲಿಂಗ್ ಕೃಷ್ಣ (ಎಸ್. ಸುನಿಲ್ ಕುಮಾರ್)
3- ಮೂರನೇ ಅತ್ಯುತ್ತಮ ಚಿತ್ರ: ಅರ್ಘ್ಯಂ
ನಿರ್ಮಾಪಕ - ಪರಮೇಶ್ವರ್ ಆರ್ಟ್ಸ್ (ವೈ. ಶ್ರೀನಿವಾಸ್)
ನಿರ್ದೇಶಕ - ವೈ. ಶ್ರೀನಿವಾಸ್
4- ವಿಶೇಷ ಸಾಮಾಜಿಕ ಕಾಳಜಿಯ ಚಿತ್ರ : ಕನ್ನೇರಿ
ನಿರ್ಮಾಪಕ- ಬುಡ್ಡಿದೀಪ ಸಿನಿಮಾ ಹೌಸ್ (ಎಸ್. ಮಂಜುನಾಥ್)
ನಿರ್ದೇಶಕ: ಎಸ್. ಮಂಜುನಾಥ್
5- ಅತ್ಯುತ್ತಮ ಜನಪ್ರಿಯ ಮನರಂಜನಾ ಚಿತ್ರ: ಇಂಡಿಯಾ ವರ್ಸಸ್ ಇಂಗ್ಲೆಂಡ್
ನಿರ್ಮಾಪಕ (ನರಸಿಂಹರಾಜು ಪ್ರಶಸ್ತಿ)- ನಾಗತಿಹಳ್ಳಿ ಸಿನಿಕಂಬೈನ್ಸ್ (ವೈ.ಎನ್. ಶಂಕರೇಗೌಡ)
ನಿರ್ದೇಶಕ- ಡಾ. ನಾಗತಿಹಳ್ಳಿ ಚಂದ್ರಶೇಖರ್
6- ಅತ್ಯುತ್ತಮ ಮಕ್ಕಳ ಚಿತ್ರ : ಎಲ್ಲಿ ಆಡೋದು ನಾವು ಎಲ್ಲಿ ಆಡೋದು
ನಿರ್ಮಾಪಕ : ಎಸ್.ಆರ್. ಎಂಟರ್ಪ್ರೈಸಸ್ (ಡಿ. ಶ್ರೀನಿವಾಸ್)
ನಿರ್ದೇಶಕ: ಜಿ. ಅರುಣ್ ಕುಮಾರ್
7- ನಿರ್ದೇಶಕರ ಪ್ರಥಮ ನಿರ್ದೇಶನದ ಅತ್ಯುತ್ತಮ ಚಿತ್ರ: ಗೋಪಾಲಗಾಂಧಿ
ನಿರ್ಮಾಪಕ: ರೇವಣ್ಣ ಸಿದ್ದೇಶ್ವರ ಮೂವೀಸ್ (ಎಸ್. ಅಶೋಕ್ ಕುಮಾರ್)
ನಿರ್ದೇಶಕ- ಎನ್. ನಾಗೇಶ್
8- ಅತ್ಯುತ್ತಮ ಕರ್ನಾಟಕ ಪ್ರಾದೇಶಿಕ ಭಾಷಾ ಚಿತ್ರ: ಟ್ರಿಬಲ್ ತಲಾಕ್ (ಬ್ಯಾರಿ ಭಾಷೆ)
ನಿರ್ಮಾಪಕ: ಗುಲ್ವಾಡಿ ಟಾಕೀಸ್ (ಯಾಕೂಬ್ ಖಾದರ್ ಗುಲ್ವಾಡಿ)
ನಿರ್ದೇಶಕ: ಯಾಕೂಬ್ ಖಾದರ್ ಗುಲ್ವಾಡಿ
9- ಅತ್ಯುತ್ತಮ ನಟ (ಸುಬ್ಬಯ್ಯ ನಾಯ್ಡು ಪ್ರಶಸ್ತಿ) : ಕಿಚ್ಚ ಸುದೀಪ್
ಚಿತ್ರ : ಪೈಲ್ವಾನ್
10- ಅತ್ಯುತ್ತಮ ನಟಿ: ಕುಮಾರಿ ಅನುಪಮಾ ಗೌಡ (ಚಿತ್ರ: ತ್ರಯಂಬಕಂ ಚಿತ್ರ)
11- ಅತ್ಯುತ್ತಮ ಪೋಷಕ ನಟ (ಕೆ.ಎಸ್. ಅಶ್ವತ್ಥ್ ಪ್ರಶಸ್ತಿ): ತಬಲಾ ನಾಣಿ ( ಚಿತ್ರ: ಕೆಮಿಸ್ಟ್ರಿ ಆಫ್ ಕರಿಯಪ್ಪ)
12- ಅತ್ಯುತ್ತಮ ಪೋಷಕ ನಟಿ: ಕುಮಾರಿ ಅನೂಷಾ ಕೃಷ್ಣ (ಚಿತ್ರ: ಬ್ರಾಹ್ಮಿ)
13- ಅತ್ಯುತ್ತಮ ಕತೆ: ಜಯಂತ್ ಕಾಯ್ಕಿಣಿ (ಚಿತ್ರ: ಇಲ್ಲಿರಲಾರೆ ಅಲ್ಲಿಗೆ ಹೋಗಲಾರೆ)
14- ಅತ್ಯುತ್ತಮ ಚಿತ್ರಕತೆ: ಡಾರ್ಲಿಂಗ್ ಕೃಷ್ಣ (ಎಸ್. ಸುನೀಲ್ ಕುಮಾರ್)
ಚಿತ್ರ - ಲವ್ ಮಾಕ್ ಟೈಲ್
15- ಅತ್ಯುತ್ತಮ ಸಂಭಾಷಣೆ: ಬರಗೂರು ರಾಮಚಂದ್ರಪ್ಪ (ಚಿತ್ರ- ಅಮೃತಮತಿ)
16- ಅತ್ಯುತ್ತಮ ಛಾಯಾಗ್ರಹಣ: ಜಿ.ಎಸ್. ಭಾಸ್ಕರ್ (ಚಿತ್ರ: ಮೋಹನದಾಸ)
17- ಅತ್ಯುತ್ತಮ ಸಂಗೀತ ನಿರ್ದೇಶನ: ವಿ. ಹರಿಕೃಷ್ಣ (ಚಿತ್ರ : ಯಜಮಾನ)
18- ಅತ್ಯುತ್ತಮ ಸಂಕಲನ: ಜಿ. ಬಸವರಾಜ್ ಅರಸ್ (ಶಿವು) (ಚಿತ್ರ : ಝಾನ್ಸಿ ಐಪಿಎಸ್)
19- ಅತ್ಯುತ್ತಮ ಬಾಲ ನಟ: ಮಾಸ್ಟರ್ ಪ್ರೀತಂ (ಚಿತ್ರ : ಮಿಂಚು ಹುಳು)
20- ಅತ್ಯುತ್ತಮ ಬಾಲ ನಟಿ: ಬೇಬಿ ವೈಷ್ಣವಿ ಅಡಿಗ (ಚಿತ್ರ: ಸುಗಂಧಿ)
21- ಅತ್ಯುತ್ತಮ ಕಲಾ ನಿರ್ದೇಶನ: ಹೊಸ್ಮನೆ ಮೂರ್ತಿ (ಚಿತ್ರ: ಮೋಹನದಾಸ)
22- ಅತ್ಯುತ್ತಮ ಗೀತ ರಚನೆ: ರಝಾಕ್ ಪುತ್ತೂರು (ಚಿತ್ರ: ಪೆನ್ಸಿಲ್ ಬಾಕ್ಸ್)
23- ಅತ್ಯುತ್ತಮ ಹಿನ್ನೆಲೆ ಗಾಯಕ: ರಘು ದೀಕ್ಷಿತ್ (ಚಿತ್ರ: ಲವ್ ಮಾಕ್ಟೈಲ್)
24- ಅತ್ಯುತ್ತಮ ಹಿನ್ನೆಲೆ ಗಾಯಕಿ: ಡಾ.ಜಯದೇವಿ ಜಂಗಮ ಶೆಟ್ಟಿ (ಚಿತ್ರ: ರಾಗಭೈರವಿ)
ತೀರ್ಪುಗಾರರ ವಿಶೇಷ ಪ್ರಶಸ್ತಿ:
1- ನಿರ್ಮಾಪಕರು: ಪುಟ್ಟಣ್ಣ
ನಿರ್ಮಾಣ ಸಂಸ್ಥೆ: ಇಂಚರ ಪುಟ್ಟಣ್ಣ ಪ್ರೊಡಕ್ಷನ್ಸ್
ಚಿತ್ರ: ಅಮೃತಮತಿ
ಮತ್ತು ನಿರ್ಮಾಪಕ: ಬಿ.ಎನ್.ಜಿ. ರಾಜ್
ನಿರ್ಮಾಣ ಸಂಸ್ಥೆ: ಬಾಲಾಜಿ ಚಿತ್ರ
ಚಿತ್ರ: ತಮಟೆ ನರಸಿಂಹಯ್ಯ
2- ಅತ್ಯುತ್ತಮ ನಿರ್ಮಾಣ ನಿರ್ವಾಹಕ: ಆರ್. ಗಂಗಾಧರ್ (ಚಿತ್ರ: ಮಕ್ಕಡ್ ಮನಸ್)
