ಇಂಡಿಯಾ ಕೂಟ ವಿಸರ್ಜನೆ ಒಳಿತು: ಒಮರ್‌ ಅಬ್ದುಲ್ಲಾ

ಪಿಟಿಐ ಜಮ್ಮು

ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ಇಂಡಿಯಾ ಕೂಟವು ಕೇವಲ ಲೋಕಸಭಾ ಚುನಾವಣೆಗಷ್ಟೇ ಸೀಮಿತವಾಗಿತ್ತು’ ಎಂಬ ಆರ್‌ಜೆಡಿ ನಾಯಕರ ಹೇಳಿಕೆಗೆ ಪ್ರತಿಕ್ರಿಯಿಸಿದರು. ‘ದಿಲ್ಲಿ ಚುನಾ‍ವಣೆ ನಂತರ ಎಲ್ಲ ಇಂಡಿಯಾ ಕೂಟದ ಅಂಗಪಕ್ಷಗಳ ಸಭೆ ಕರೆಯಬೇಕು. ಕೇವಲ ಮೈತ್ರಿ ಲೋಕಸಭೆ ಚುನಾವಣೆಗೆ ಸೀಮಿತ ಎಂದಷ್ಟೇ ಆದರೆ ಕೂಟವನ್ನು ವಿಸರ್ಜಿಸಬೇಕು’ ಎಂದರು.

‘ನನಗೆ ನೆನಪಿರುವಂತೆ ಈ ಒಕ್ಕೂಟ ಇಂತಿಷ್ಟೇ ಅವಧಿಗೆ ಇರುತ್ತದೆ ಎಂಬ ಯಾವುದೇ ಸಮಯದ ಗುಡುವು ಹಾಕಿರಲಿಲ್ಲ. ಒಂದು ವೇಳೆ ಮುಂದಿನ ವಿಧಾನಸಭಾ ಚುನಾವಣೆಗಳಲ್ಲೂ ಈ ಮೈತ್ರಿಕೂಟ ಮುಂದುವರಿಯುವಂತಿದ್ದರೆ ಎಲ್ಲರೂ ಒಂದೆಡೆ ಸೇರಿ, ಜತೆಯಾಗಿ ಕೆಲಸ ಮಾಡುವ ಸಂಕಲ್ಪ ಮಾಡಬೇಕು’ ಎಂದರು.