ತೆರೆಮರೆ ಸಂಧಾನದ ಹಿಂದೆ ಪಾಕ್‌ ಪ್ರಮುಖ ಪಾತ್ರ

- ಕೊನೇ ಕ್ಷಣದಲ್ಲಿ ಚೀನಾದಿಂದಲೂ ಸಂಧಾನಕ್ಕೆ ಯತ್ನ

- ಖಮೇನಿ, ಅರಾಘ್ಜಿಯಿಂದ ಸಂಧಾನ ಮಾತುಕತೆಗೆ ಅಭಯಇಸ್ಲಾಮಾಬಾದ್: ಕದನ ವಿರಾಮಕ್ಕೆ ಕೆಲವು ಗಂಟೆಗಳ ಮೊದಲು, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ‘ಇಡೀ ನಾಗರಿಕತೆಯು ಇಂದು ರಾತ್ರಿ ಸಾಯುತ್ತದೆ, ಮತ್ತೆ ಎಂದಿಗೂ ಹಿಂತಿರುಗುವುದಿಲ್ಲ’ ಎಂದಿದ್ದರು. ಆದರೆ ಗಡುವು ಮುಗಿಯುವಷ್ಟರಲ್ಲಿ ಅವರು ಕದನ ವಿರಾಮ ಸಾರಿದರು. ಈ ಕದನವಿರಾಮ ಘೋಷಣೆ ಹಿಂದೆ ಪಾಕಿಸ್ತಾನ ಹಾಗೂ ಚೀನಾ ಸರ್ಕಾರಗಳ ಪಾತ್ರ, ಅಮೆರಿಕ ಉಪಾಧ್ಯಕ್ಷ ಜೆ.ಡಿ. ವ್ಯಾನ್ಸ್‌ ಅವರ ತೆರೆಮರೆ ಪ್ರಯತ್ನ ಹಾಗೂ ಬಹಿರಂಗವಾಗಿ ಬೆಂಕಿ ಉಗುಳುತ್ತಿದ್ದರೂ ಇರಾನ್‌ ಸರ್ವೋಚ್ಚ ನಾಯಕ ಮೊಜ್ತಬಾ ಖಮೇನಿ, ಇರಾನ್ ಅಧ್ಯಕ್ಷ ಮಸೌದ್ ಪೆಜೆಶ್ಕಿಯಾನ್, ಮತ್ತು ಇರಾನ್‌ನ ವಿದೇಶಾಂಗ ಸಚಿವ ಅರಾಘ್ಚಿ ಅವರ ಚಾಣಾಕ್ಷ ರಾಜತಾಂತ್ರಿಕತೆ ಇತ್ತು ಎಂಬ ವಿಚಾರ ಬೆಳಕಿಗೆ ಬಂದಿದೆ.

ಇನ್ನು ಚೀನಾ ಕೂಡ ಕೊನೆಯ ಕ್ಷಣದಲ್ಲಿ ಸಂಧಾನ ಯತ್ನದ ರಂಗಪ್ರವೇಶ ಮಾಡಿತ್ತು. ಹೋರ್ಮುಜ್‌ ಜಲಸಂಧಿ ಬಂದ್‌ ಆಗಿರುವ ಕಾರಣ, ತೈಲ ಪೂರೈಕೆಯಲ್ಲಿ ವ್ಯತ್ಯಯವಾಗಿ ಮಧ್ಯಪ್ರಾಚ್ಯದ ತೈಲವನ್ನೇ ನಂಬಿದ್ದ ಚೀನಾಗೆ ಬಿಸಿ ತಾಗಿತ್ತು. ಹೀಗಾಗಿ ತನ್ನ ಮಿತ್ರ ದೇಶ ಆಗಿರುವ ಕಾರಣ ಇರಾನ್ ಮನವೊಲಿಕೆಗೆ ಅದು ಯತ್ನ ನಡೆಸಿತ್ತು ಎಂದು ಹೆಸರು ಹೇಳಲು ಇಚ್ಛಿಸದ ಅಮೆರಿಕ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಒಂದು ದೇಶವು ಸಂಘರ್ಷದಲ್ಲಿ ಮಧ್ಯವರ್ತಿಯಾಗಬೇಕಾದರೆ, ಅದನ್ನು ಎರಡೂ ಪಕ್ಷಗಾರರು ನಂಬಬೇಕು. ಇಲ್ಲಿ ಪಾಕಿಸ್ತಾನ ವಿಚಾರದಲ್ಲಿ ಆಗಿದ್ದೂ ಅದೇ.

ಇದು ಪಾಕ್‌ ಬಗ್ಗೆ ಇರಾನ್‌ ಹಾಗೂ ಅಮೆರಿಕ ಮೃದು ಧೋರಣೆ ಹೊಂದಿವೆ ಎಂಬುದರ ಸೂಚಕವಾಗಿತ್ತು. ಇದಕ್ಕೆ ಚೀನಾದ ದೃಢವಾದ ಬೆಂಬಲವು ಅದರ ವಿಶ್ವಾಸಾರ್ಹತೆಯನ್ನು ಹೆಚ್ಚಿಸಿತು. ಅದಕ್ಕೇ ಪಾಕ್ ಸಂಧಾನದಲ್ಲಿ ಪ್ರಮುಖ ಪಾತ್ರ ವಹಿಸಿದೆ ಎನ್ನಲಾಗಿದೆ.ಪಾಕ್‌ಗೂ ಕದನ ವಿರಾಮ ಏಕೆ ಬೇಕಿತ್ತು?:

ವ್ಯಾನ್ಸ್‌ ಪಾತ್ರ:

ಇನ್ನು ಮಧ್ಯಪ್ರಾಚ್ಯದ ಅಮೆರಿಕ ರಾಯಭಾರಿ ಸ್ಟೀವ್ ವಿಟ್ಕಾಫ್‌ ಕೂಡ ಸಂಧಾನದಲ್ಲಿ ಸಕ್ರಿಯ ಪಾತ್ರ ವಹಿಸಿದ್ದರು ಎಂದು ಗೊತ್ತಾಗಿದೆ.

ಇದೇ ವೇಳೆ, ಅಮೆರಿಕ ದಾಳಿಯಲ್ಲಿ ಗಾಯಗೊಂಡು ಚಿಕಿತ್ಸೆ ಪಡೆಯುತ್ತಿರುವ ಇರಾನ್‌ ಸರ್ವೋಚ್ಚ ನಾಯಕ ಮೊಜ್ತಬಾ ಖಮೇನಿ ಮಾತುಕತೆಗೆ ಅಭಯ ನೀಡಿದ್ದರು ಹಾಗೂ ಎಲ್ಲ ವಿದ್ಯಮಾನಗಳ ಮೇಲ್ವಿಚಾರಣೆ ವಹಿಸಿದ್ದರು.

ಅತ್ತ ಟ್ರಂಪ್‌ ಗುಡುಗು, ಇತ್ತ ತೆರೆಮರೆ ಸಂಧಾನ

ವಾಷಿಂಗ್ಟನ್‌: ಒಂದು ಕಡೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌, ‘ಭಾರತೀಯ ಕಾಲಮಾನ ಬುಧವಾರ ಬೆಳಗ್ಗೆ 5.30ರೊಳಗೆ ಇರಾನ್‌ ಸಂಧಾನಕ್ಕೆ ಬರದಿದ್ದರೆ, 5000 ವರ್ಷಗಳ ಇರಾನ್‌ ನಾಗರಿಕತೆಯನ್ನೇ ನಾಶ ಮಾಡುವೆ’ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ಹೇಳಿಕೆ ಪ್ರಕಟಿಸಿದ್ದರು. ಆದರೆ ಅಷ್ಟೊತ್ತಿಗಾಗಲೇ ತೆರೆಮರೆ ಸಂಧಾನ ಚಟುವಟಿಕೆ ನಡೆಯುತ್ತಿದ್ದವು ಎಂಬ ಕುತೂಹಲದ ವಿಷಯ ಬೆಳಕಿಗೆ ಬಂದಿದೆ.

ಆಗ ಪಾಕಿಸ್ತಾನಿ ಸಂಧಾನಕಾರರು ಹಾಗೂ ಈಜಿಪ್ಟ್‌ ಮತ್ತು ಟರ್ಕಿಯ ಸಚಿವರು ಸಂಧಾನ ಸೇತುವಿನಂತೆ ಕೆಲಸ ಮಾಡಿ ಅಮೆರಿಕದ ಕರಡು ಪ್ರಸ್ತಾವಗಳನ್ನು ಪಾಕಿಸ್ತಾನಕ್ಕೆ ಕಳಿಸಿದರು. ಇರಾನ್ ಪರ ಎಲ್ಲ ಪ್ರಕ್ರಿಯೆಗಳನ್ನು ಸರ್ವೋಚ್ಚ ನಾಯಕ ಮೊಜ್ತಬಾ ಖಮೇನಿ ಗಮನಿಸುತ್ತಿದ್ದರು. ಕೊನೆಗೆ ಉಭಯ ಕಡೆಗಳಿಗೆ ಸಂಧಾನ ಸಮ್ಮತವಾಯಿತು ಎಂದು ಮೂಲಗಳು ಹೇಳಿವೆ.